sonin.mn
Сэтгэгдэл (2)

УИХ дахь АН-ын бүлэг мэдээлэл хийв.


Энэ үеэр АН-ын дарга, УИХ дахь АН-ын бүлгийн дарга О.Цогтгэрэл: "Өчигдөр орон даяар ИТХ-ын нөхөн сонгууль болсон. АН-ын хувьд аймгийн түвшний сонгуульд амжилтгүй, сум, багийн түвшний нөхөн сонгуульд амжилттай оролцлоо. АН тал талын хараат бус, хөндлөнгийн судалгааны байгууллагын судалгаагаар АН-ын рейтинг хамгийн өндөр гарч байгаа. Гэтэл яагаад нөхөн сонгуульд бага авав? Олон нийтийн дунд АН-ын рейтинг өндөр байгаа ч элдэв сонгуулийн сүлжээ, нүүрсний мөнгө, 10 гаруй жил засаглаж төрийн албаны нөлөөлөл зэрэгт ялагдлаа.


Иймээс энэ бугшсан 10 гаруй жилийн сүлжээг задлахын тулд хуулийн өөрчлөлт хийх ёстой болж байна.


Ардчилсан намд итгэж санал өгсөн ард иргэддээ баярлалаа. Цаашид алдсан зүйлс дээрээ анхаарч ажиллахаа хэлье.

Дахин тодотгож хэлэхэд, Ардчилсан намын үнэлэмж өндөр байгаа. Хөндлөнгийн байгууллагуудын судалгаа үүнийг нотолж байгаа. Гэтэл сонгуулийн дүн тэр харьцаагаар гарахгүй байна. Энэ нь сонгуулийг худалдаж авдаг, зохион байгуулдаг схем, халамжийн тогтолцоо суурьтай цэрэгжсэн байгууллагууд олон талаас нь зохион байгууллаа. Улаанбаатарт хэсгийн ахлагч нэртэй 2000 хүн сонгуулийн саналыг зохион байгуулалттай эргүүлэх, луйвардах сүлжээг бий болгосон. Бүгд мэдэж байгаа. Ардчилсан үндсэн хуульд ард иргэд нь төрөө байгуулдаг тогтолцоо хэлбэрийн төдийд, цаасан дээр үлдчихсэн байгааг Ардчилсан нам онцгойлон анхаарна." гэлээ.


Н.Отгончимэг