sonin.mn
Сэтгэгдэл (6)

ОХУ-ын Аюулгүйн зөвлөлийн дэд дарга Дмитрий Медведевийн хэлснээр, АНУ-ын үйл ажиллагааны хариуд Москва цөмийн туршилт явуулах бэлтгэлийг хийх шаардлагатай эсэхийг үнэлж эхэлжээ. Энэ тухай тэрбээр англи хэл дээр хөтөлдөг өөрийн Telegram сувгаар мэдээлсэн байна. Медведевийн мэдэгдсэнээр, АНУ-ын ерөнхийлөгч Дональд Трампын хэлсэн үгс тодорхой үр дагавартай байх бөгөөд Орос улс ийм нөхцөлд хариу арга хэмжээ авахаас өөр аргагүй болжээ.


“Трамп бол АНУ-ын ерөнхийлөгч бөгөөд түүний хэлсэн үг зайлшгүй үр дагавартай. Орос Улс бүрэн хэмжээний цөмийн туршилт явуулах нь зохистой эсэхийг үнэлэхээс өөр аргагүйд хүрнэ” гэж тэр бичсэн байна.


Москвагийн зүгээс сүүлийн саруудад АНУ-ын зэвсгийн хяналтын бодлого, цөмийн хүчний оролцоотой мэдэгдлүүдийг шүүмжилж, стратегийн тогтвортой байдлыг алдагдуулж байна гэж үзэж буйгаа илэрхийлж байгаа юм.



Х.Цэцэнноров

Эх сурвалж: Minval.az