sonin.mn
Сэтгэгдэл (45)

Харьковын цэргийн команд-инженерийн дээд сургуульд суралцан төгсгөж зэвсэгт хүчиндээ зүтгэж явсны хувьд дайн байлдаан, давшилт хориглолтын талаар ерөнхийдөө өөрийн түвшний мэдлэгтэй, энгийн иргэдийг бодвол дайн гэдгийг гадарлана. Тэр мэдлэг туршлагаараа өнөөгийн энэ дайныг харж, оперативын цагийн байдлыг үнэлж байна. Энэ удаа ОХУ-ын зэвсэгт хүчний үйлдсэн гэмт хэргийн тухай гадаадын хоёр сайтаас хуулбарлан сонирхуулъя. Эх сурвалж: https://middleasiannews.com/news/4297/ 


Нидерландын Хаага хотод дэлхийн 44 улсын Хууль зүй, Гадаад хэргийн сайд нар Оросын цэрэг-улс төрийн удирдлагыг шүүх ЦЭРГИЙН ШҮҮХ байгуулах тухай тунхаг бичигт гарын үсэг зурав. Нийт 57 улс оролцсоноос 44 нь “Украины шударга ёсыг сэргээн тогтоох тухай” тунхагт гарын үсэг зуржээ. Эдгээр 44 улс нь Украины талаарх ОХУ-ын үйлдэлд үнэлэлт дүгнэлт өгөх тусгай шүүх байгуулах үзэл санааг дэмжиж, ОХУ-ын битүүмжлэгдсэн хөрөнгийг (хадгалуулсан мөнгө ба банкны актив) Украины төлөө ашиглуулахыг дэмжив. Тунхагийн бүрэн эхийг Нидерландын Засгийн газрын албан ёсны портал дээрээс харж болох бөгөөд дэлхийн хэвлэл мэдээллийн ойрын өдрүүдийн хамгийн чухал, халуухан сэдэв болохоор байна. Эх сурвалж: https://www.government.nl/ministries/ministry-of-foreign-affairs/.


Украины талаар ОХУ-ын явуулж буй бодлого болон түрэмгий үйлдэл нь олон улсын хууль, дэг журмыг ноцтой зөрчиж байгааг эдгээр улс орнууд буруушаажээ. Түүнчлэн тэдгээр 44 улс нь НҮБ-ын шүүхийн 2022 оны гуравдугаар сарын 16-ны өдрийн “Дайнаа зогсоохыг уриалсан” шийдвэрийг ОХУ-д эргэж сануулав.


Хаага хотноо чуулсан энэхүү бага хуралд нийт 57 орон оролцжээ. Тэднээс Албани, Андорра, Австрали, Австри, Бельги, Босни Херцеговина, Болгар, Канад, Хорват, Кипр, Чех, Дани, Эстон, Финланд, Франц, Гүрж, Герман, Грек, Исланд, Ирланд, Итали, Япон, Латви, Лихтенштейн, Литва, Люксембург, Мальта, Молдова, Монако, Монтенегро, Нидерланд, Шинэ Зеланд, Умард Македон, Норвег, Польш, Португал, Румын, Сан-Марино, Словен, Испани, Швед, Украин, Их Британи, АНУ уг тунхагт нэгджээ. 


Тунхагийн доторх зарим чухал заалтаас сонирхвол: 


-Дайны үед Украины нутаг дэвсгэрт ОХУ-ын зүгээс үйлдсэн бүх харгис хэрцгий хэргийг шалгахыг улс орнууд дэмжиж байна. 

-2023 оны 3-р сард Путиныг баривчлах тушаал гаргасан Олон Улсын Эрүүгийн Шүүхийг энэ мөрдөн байцаалтын үйл ажиллагаанд татан оролцуулахыг санал болгож байна.

-Украиныг оролцуулан Хамтарсан мөрдөн байцаах багийн 5 гишүүн улс оролцон Оросын гэмт хэргийг мөрдөн шалгах ICPA (International Centre for the Prosecution of the Crime) байгуулсныг сайшааж байна.

-Одоо ОХУ-ын цэрэг-улс төрийн удирдлагыг Тусгай шүүхээр оруулах хууль эрх зүйн орчныг бүрдүүлнэ. Тусгай шүүх хурлыг зохион байгуулахад бэлэн байгаагаа Нидерланд улс илэрхийлэв.

-Хэрэв ОХУ нь нөхөн төлбөрөө төлөхгүй бол түрэмгийлэгч орны битүүмжлэгдсэн бүх хөрөнгийг Украинд шилжүүлнэ гэжээ.


Украины Гадаад хэргийн сайд Дмитрий Кулеба олон нийтийн цахим хуудсандаа тунхагт гарын үсэг зурсан бүх улс оронд талархал илэрхийлээд “Дайны эхэн үед тусгай шүүх байгуулагдана гэж ОХУ-д хэн ч төсөөлөөгүй байсан бол одоо энэ нь бодит байдал боллоо” гэж тэмдэглэжээ. Төгсгөлд нь харамслаа дахин илэрхийлэхийг хүсч байна. БНУкрУ руу халдан түрэмгийлээд ялж чадахгүйдээ хорсоод агаараар голдуу террор хийж буй Оросын түрэмгийлэл нь олон улсын цэргийн гэмт хэрэгт тооцогдож байхад оросын террорист дайныг уухайлан магтсан сурталчилсан ганц нэг ахмад дайчин Монголд байгаад үнэхээр харамсаж байна. Цэрэгт удаан жил алба хаасан гэхээс өөр ярих түүх багатай, хийж бүтээсэн юмгүй болохоор цухалдуу байж болно. Путин гэж ганц шүтээнтэй яваа чинь одоо буруутах нь байна шүү. Өөрийгөө боддоггүй юм аа гэхэд үр хүүхэд, ач, гуч, зээ нараа хэдэн үеэр нь барууны хоригт оруулан, оросын түрэмгийллийн барьцаа болгох нь танд ямар утга агуулга, ач холбогдолтой вэ гэдгээ ухаалгаар дүгнэж цэгнэнэ үү. Хүнлэг ёсны эсрэг түрэмгийлэл үйлдсэн Орос хэзээ нэгэн цагт ялагдана. Тэр үед дайныг өөгшүүлсэн, дайн сурталчилсан гэмт хэрэгт дуудагдаад, шүүхээр орох дээрээ тулбал юуны нь гоё байх билээ дээ?  

                

 орчуулсан Адьяaгийн Батсайхан (бэлтгэл хошууч)