УИХ-ын дарга намын дарга байж болохгүй гэж АН-ын бүлгийн гараар Н.Учралд зориулж “бэлэг” бариулсан нь Засгийн газрыг унагах зорилготой. УИХ-ын дарга Д.Амарбаясгалан намын дарга байж болно. УИХ-ын дарга Н.Учрал намын дарга байж болохгүй. Бүр намын гишүүн ч байж болохгүй гэж “сайн ах” Х.Тэмүүжин айлдсан. Хоёр нүүр, дабль стандартын яруу тод жишээ. Х.Тэмүүжин дэлхийн ихэнхэд нь биш ердөө хоёр улсад ийм байдгийг сая олж мэдсэн ч юм биш, парламентын засаглалд учиргүй хайртай болсон юм биш.

МАН-ын 31-р их хурлын маргааш “Намын дарга УИХ-ын дарга бүү хэл намын гишүүн ч байж болохгүй” гэж ярих болсон нь нүүрсний хулгайч нарын захиалга. Нүүрсний хулгайтай эвлэрэхгүй нь илэрхий болсон Г.Занданшатар, хуулийн “урт илд” Б.Энхбаяраас үнхэлцгээ хагартал айж байна гэсэн үг.

Шөнө нойртой хонохгүй байгаа Женко Х.Баттулга, Л.Оюун-Эрдэнэ, Д.Амарбаясгалан нарын бодож олсон юм нь энэ. Х.Тэмүүжинд Засгийн газрын тогтворгүй байлгах хувийн ашиг сонирхол бий. АТГ авлига авсан, мөнгө угаасан хэрэгт холбогдуулан шалгаж, прокурор бүрэн эрхийг нь түдгэлзүүлэх асуудлыг УИХ-д оруулж ирэхэд бэлэн болсон. Гадаадын иргэн харъяатын дарга асан Г.Цолмон, ХЗДХЯ-ны санхүүгийн газрын дарга С.Мөнхбат нарыг цагдан хорьсон. Нэгжлэгээр бэлэн 2 сая доллар хураагдсан. Нохой төмсгийг нь зассан эзэндээ янаг гэдэг шиг Х.Тэмүүжин “сайн ах” гэдгийг нь илчилсэн Женко Х.Баттулгын хашаанаас гараагүй. Хоёр өрөө орон сууцтай багшийг Женко Х.Баттулга “Эрэл”-ийн Б.Эрдэнэбатын “Эх орон” намд 2004 онд оруулж улс төрд хөл тавиулсан.

АН-тай нийлсэн “Эх орон-Ардчилал” эвслээс “Эрэл”-ийн квортоор дэвшиж, УИХ-ын гишүүн болж байсан. Х.Баттулга ингээд чи уяанаасаа алдуур гэж Х.Тэмүүжинд сануулга өгч “сайн ах” гэдгийг нь илчилсэн.

Г.Сарангэрэл гэдэг охин гурван найзынхаа хамт хар тамхи хэрэглэн мансуураад баригдахдаа Х.Тэмүүжин рүү хэд хэдэн удаа утас цохиж арын хаалгадах гэж байсан нь илэрсэн нь 2014 оны хамгийн том шуугиан болж байв. Г.Сарангэрэлийг хулгайн хэргээр ял эдэлж байхад нь Х.Тэмүүжин эргэж очиж, мөнгө төгрөг өгсөн, гараад ирэхэд нь гар утас бэлэглэсэн гэх зэрэг ёс зүйн том шуугиан дэгдэж байсан юм. Үүнээс хойш улаан цэцэг зүрхэн хэлбэрт оруулан дэвсэх гэх мэт эхнэртэйгээ хамтдаа авахуулж, үнэнч хайрын эзний дүртэй зургуудаа тавихаа больсон. Үүнээс хойш ахин ял авч, залуу насаа хулгай, хар тамхины хэргээр шоронд өнгөрүүлж буй Г.Сарангэрэлийг эргэж тойрох нь л Х.Тэмүүжингийн буяны мөр болно. 

Парламентын засаглалтай улсад УИХ-ын дарга нь намын дарга, намын гишүүн ч байдаггүй гэдэг нь худал. Бидний үлгэр загвар болгодог Герман, Америк зэрэг дэлхийн дийлэнх улсад ялсан намын гишүүн парламентаа удирддаг. Нүүрсний хулгайч нар хоёр юмыг тооцсонгүй.

Г.Занданшатар, Н.Учрал хоёр бол үхэл амьдралын зааг дээрээ эргэн ирсэн эрчүүд. Адилхан зовлон туулсан учир хэн хэн нь хэлсэн ярьсандаа байж чадна. Бие биенээ Түгжилдсэн Д.Амарбаясгалан, Л.Оюун-Эрдэнэ хоёроос үүгээрээ өөр. Духаараа мөргөлдсөн андлалын хөшөө бариад нураадагтай адил биш. Нөгөө талаас засаг, төрөө тогтвортой байлгаж, 2027, 2028 оны сонгуулиудыг угтах том эрх ашиг нэгтэй. Дундуураа хулгайч нарын хуруу оруулбал яг Л.Оюун-Эрдэнэ, Д.Амарбаясгалан нар шиг хамт дуусна гэдгээ мэдэхийн цаагуур мэдээж байгаа.   

Х.Цэнд