sonin.mn
Сэтгэгдэл (0)

Хvний амь үнэгvйдсэн нийгэм болж хувирчихаад байгаа нь харамсалтай. Ингэж хэлэх шалтгаан нь сүүлийн үед шүүхийн байгууллага хэн нэгний талд шийдвэр гаргах болоо юу даа гэх харамсалтай холбоотой.

Учир нь сvvлийн хоёр жил гаруй хугацаанд олны анхаарлын төвд байсан Г.Алтанхvv гэгчийн хэрэг шvvхээр шийдэгдэж тvvнийг ял авснаас хойш олон нийт шvvхийн байгууллага арай ч дээ гэх харууслын vгийг илэрхийлэх болсон юм. Тодруулбал, шvvхээс Г.Алтанхvvд гурван жилийн ял ногдуулах болсонд олон нийт ийнхvv эгдvvцэх болсон гэсэн vг.

Яг vнэндээ хорвоогийн шар өдөр, бор хоногийг өлөн зөлмөн өнгөрөөгч ноомой нэгэн ганцхан удаа ч болов ходоодоо дvvргэж vзэхийн тулд хэн нэгний хэдэн бор төгрөг хумслаад шууд л 10 гаруй жилийн хорих ялаар шийтгvvлж нарсанд хатдаг бол өдөртөө л сая саяар нь самардаг олигархи бvлэглэл төсвийн эд хөрөнгийг хэдэн тэрбумаар хулгайлсан ч хорих ял авах нь бvv хэл цагаадаж гардаг.

Нэг иймэрхvv эрээнтэй бараантай Эрvvгийн хууль гэх нэг юм байвч, тэр нь олигархи бvлэглэлд бол зvгээр л нэг эрээн цаас. Тиймээс л Монголын шvvх засаглал олигархийн өмнө хvчгvйдэж, харин жирийн иргэдэд бол ёстой л галзуурсан араатан мэт аашлах боллоо гэсэн vзэл бодол олон нийтийн дотор тэнvvчилж эхлээд байна.

Уг нь өнгөрсөн хугацаанд шvvхийн шинэчлэл энэ тэр гэж маш сайхан зvйл ярьж байсан ч энэ нь амьдрал дээр биелэлээ олохгvй байгаад олон мянган жирийн иргэд санаа зовж эхлээд байгаа юм. Учир нь яг vvний бодит жишээг тод томруунаар Г.Алтанхvv гэгч нvгэлтний хэрэг илчлээд өгсөн явдал юм.

Өөрөөр хэлбэл, ялтан Г.Алтанхvv өөрийгөө ял авахгvй гэдгээ анхнаасаа мэдэж байсан. Учир нь шvvх эмнэлгийнхэн алуурчинд асар их боломж олгосон. Vvнийг ч прокурорын байгууллага удаа дараа мэдэгдэж байсан. Гэтэл яагаад шvvх ийнхvv тvvнд гурван жилийн ял оноох болов гэдэг нь хачирхалтай. Харин ч бvр гэмт хэрэгтнийг найз бvсгvйнхээ аминд хvрээгvй гэж vзсэн нь талийгаач бvсгvйн ар гэрийнхний гомдлыг дээд цэгт нь хvргэчихээд буй юм.

Өөрөөр хэлбэл тvvнд vvсгээд байсан Хvнийг санаатай алсан гэх Эрvvгийн хуулийн тусгай ангийн 91.1 дэх заалтыг хэрэгсэхгvй болгож, харин Эрvvгийн хуулийн 98.1-д зааснаар бусдын биед санаатайгаар хvндэвтэр гэмтэл учруулсан хэмээн буруутган шvvж, гурван жилийн хорих ял оноогоод байгаа юм.

Г.Алтанхvvд холбогдох хэргийн шvvхийн шийдвэрт олон нийт эргэлзэж байгаад хэргийн гол учир оршиж буй юм. Уг нь Дvvргийн II прокуророос Г.Алтанхvvг талийгаачийн vхэлд буруутай гэж vзэж байгаа бол Шvvх эмнэлэг талийгаач хууч өвчний улмаас амь насаа алдсан гэж дvгнэсэн нь олон хуульчийн гайхлыг ч төрvvлээд байна. Энэхvv хэргийг шийдэж шийдвэр гаргасан хоёр шvvгч Б.Мөнх-Эрдэнэ, С.Оюунчимэг, Б.Мөнхбаяр нар шийдвэрээ тухайн өдрөө мэдээлэлгvй, маргааш нь хурал зарласан.

Хамгийн гол нь дээрх нэр бvхий шvvгчид ч өөрсдөө мэдээлэл өгөлгvйгээр хэвлэлийн төлөөлөгчөөрөө шийдвэрээ уншуулж танилцуулсанд олон нийт гайхаж буй юм.
Сэтгvvлчид энэхvv ээдрээт хэргийн гэм буруутны талаар олон асуулт асуусан ч “Би мэдэхгvй” гэхээс өөр vг дуугарахгvй байсан нь өдгөө баримт болон vлдсэн юм.

Сэтгэл эмзэглэж, өр өвтгөсөн энэ хэргийн яллагдагч гуравхан жилийн ялтай сална гэж талийгаач бvсгvйн ар гэрийнхэн зvvдлээч vгvй. Хамгийн гол нь бид энэхvv нийтлэлээрээ хэн нэгнийг яллаж шоронд суулгахыг зориогvй. Харгис залуугийн гэмт vйлдлийн улмаас цэл залуухан бvсгvй энэ хорвоог vvрд орхисон явдал юм. Ялтан Г.Алтанхvvд талийгаач бvсгvй vнэ цэнэгvй, тvvний өмнө буруутай байж болно оо.

Гэхдээ л тэр амьд явах эрхтэй, аав, ээж, ах дvv, найз нөхөддөө юу юунаас илvv vнэ цэнэтэй. Тухайн хvн ямар буруутай ч бай амьд явах эрхтэй, харин нөгөө этгээд хvний амь нас хохироож, амиа алдахад хvргэх ёсгvй гэдгийг хэлэх гэсэн юм.

Тиймээс л шvvхийн байгууллагын шийдвэр нэг л биш ээ гэж олон нийт vзэх болоод байна. Бид дараагийн дугаартаа олгирхахуудын шvvхийн шийдвэр жирийн иргэнийхээс яагаад ялгаатай гардаг вэ гэдгийг шvvгчийн гаргасан шийвэртэй баримттайгаар хvргэх болно.

Эх сурвалж: