
АДДИС-АБЕБА, 2025 оны наймдугаар сарын 1 /Anadolu/. Этиоп улс “Ногоон өвийн санаачилга" гэдэг нэртэй мод тарих үндэсний хөтөлбөрийн хүрээнд нэг өдрийн дотор 700 сая модны суулгац тарьсан гэдгээ пүрэв гарагт мэдэгджээ. Уг санаачилгыг 2019 онд эхлүүлсэн Ерөнхий сайд Абий Ахмед хэлэхдээ, энэхүү хүчин чармайлт нь зөвхөн нэг удаагийн кампанит ажил биш бөгөөд байгаль орчныг нөхөн сэргээх, тогтвортой байлгахад чиглэсэн үндэсний соёл болон хувираад байна гэв.
“Ногоон өв одоо Этиопт соёл болоод байна” гэж А.Абий X хуудсандаа бичээд, тус улс борооны улирлын сүүлч гэхэд 48 тэрбум мод тарих зорилго тавьснаараа ногоон байгууламж, нөхөн сэргээлтийн тал дээр дэлхийд тэргүүлэгч орон болж буйг онцлон тэмдэглэжээ.
“Ногоон өв” санаачилга нь өргөн цар хүрээгээрээ олон улсын анхаарлыг ихэд татсаар ирсэн бөгөөд дипломатчид болон гадаадын орнуудын удирдагчид үйл ажиллагаанд нь жил бүр оролцдог. Сүүлийн гурван өдрийн хугацаанд НҮБ-ын Хүнсний асуудлаарх дээд хэмжээний уулзалтад оролцож буй төрийн тэргүүн нар болон төлөөлөгчид мод тарихад нэгджээ. Тэдний дунд Италийн Ерөнхий сайд Жоржиа Мелони, Кенийн Ерөнхийлөгч Уильям Руто, Сомалийн Ерөнхийлөгч Хассан Шейх Мохамуд нар байв.
“Тарьж ургуулан сэргэн мандлыг авчиръя” уриан дор явагдсан энэ удаагийн арга хэмжээнд гадаадын дипломатчид, бизнесийн салбарын төлөөлөгчид мөн оролцсон байна. Итали, Данийн Элчин сайдын яамдын ажилтнууд энэхүү кампанит ажлыг байгаль орчноо хамгаалах үйл хэрэгт үлгэр жишээ болж байна хэмээн үнэлжээ. Этиопын ард түмэнтэй найрсаг харилцаатай байгаагийн илэрхийлэл болгож бид бүхэн энд хүрэлцэн ирсэндээ баяртай байна гэж Этиоп дахь Италийн Элчин сайдын яамны худалдааны төлөөлөгч Клаудио Паскуалуччи төрийн мэдлийн ENA агентлагт ярилцлага өгөх үеэрээ хэлсэн байна.
Этиоп бол хөрсний элэгдэл, хур тунадасны жигд бус байдал, биологийн олон янз байдал алдагдах зэрэг уур амьсгалын өөрчлөлттэй холбоотой бэрхшээлүүдтэй тулгарч буй Африкийн орнуудын нэг юм.
Э.Хулан
Эх сурвалж: "Монцамэ" агентлаг
Сэтгэгдэл4
Ойн модоо устгаад газраа ухаад агаар хөрсөө бохирдуулаад гүний усаа шавхаад байхаар байгаль экологи уур амьсгалд өөрчлөлт орно
Mongol ylas ingej tarimaar baigaa yum daa,hasaand syydag ailuud hooson negch modgyi haragdah ni daanch haramsmaar,men hotiin tebyyd aimag symdiin tebyyd syrgyyli checherleg tyynii checherlegt talbainyyd neg ch sirheg modgyi hyyhed toglodog talbai ni chylgyi baigaa ni daanch dee?gemeer dee!!!!!!!!!!!!!!!yagaad Mongoliin gobi hiigeed saihan temer zamaa dagyylaad hoyor talaar ni Mod tarij bolohgyi baina be?......men bityy modtoi baibal saihan haragdana biz dee!!tyyniig dagaad nyyr amisgal hymyynii aranhsin ch deerddeg.
Дэлхийн улс орнууд ойн модоо хороохгүй хайрлан хамгаалах нь нэг триллион мод тарьснаас хамаагүй дээр
Хүкийн олон жилийн попролыг ганцхан өдөр хийчдэг бшд. Хэнтийн ах дүүс уур амьсгал гэж Дэлхийгээр нэг тэнэж айл хэсэж явахаар Этиопод л очоод сар шороо ухаж байгаад ирээч дээ.