sonin.mn
Сэтгэгдэл (10)

Курош Сехати бол Украины Зэвсэгт хүчний гадаадын сайн дурын гишүүдээс бүрдсэн Украины Гадаад Легионд элссэн анхны иран хүн юм. Тэрээр сэтгүүлч мэргэжилтэй бөгөөд өмнө нь "Америкийн дуу хоолой" радиогийн Персийн алба, Британийн "Иран Интернэшнл" телевизэд ажиллаж байжээ.


Түүний эхнэр нь украин, хүүхдүүд нь хагас украин тул Курошийн хэлснээр Орос, Украины дайнд хэний талд байгаа вэ гэсэн асуулт түүнд хэзээ ч гарч байгаагүй байна. Сехати Украиныг "хоёр дахь эх орон" гэж нэрлэдэг ажээ.


Сехати 2004 онд Иранаас Турк руу дүрвэхээсээ өмнө улс төрийн үйл ажиллагаа явуулсныхаа төлөө эх орондоо хэд хэдэн удаа баривчлагдаж байсан бөгөөд Туркт улс төрийн дүрвэгчийн статус авсныхаа дараа АНУ-д цагаачилжээ.


Оросууд 2022 оны 2-р сард Украинд бүрэн хэмжээний довтолгоо хийх үед Сехати 46 настай байсан бөгөөд түүний хувьд фронтод очиж, Украины талд тулалдахаар шийдсэн нь хувийн шийдвэр байсан ажээ.


Сехати Эрх чөлөө радио станцын "Радио Фарда" радиогийн перс хэл дээрх нэвтрүүлэгт ярилцлага өгөхдөө "Миний эхнэр украин, хүүхдүүд маань хагас украин учраас би Украинтай холбоотой" гэсэн бөгөөд түүний гэр бүл одоо Лондонд амьдардаг байна. Сехати 3-р сарын 18-нд Украины төлөө тулалдах шийдвэрээ зарлаж, "Гэмт хэрэгтэн Путин болон түүний дэмжигчдийн эсрэг тэмцэнэ" гэж олон нийтийн Х сүлжээнд бичсэн байна.

 


Ж.Бат

Эх сурвалж: currenttime.tv