sonin.mn
Сэтгэгдэл (15)

ОХУ-ын Гадаад хэргийн сайд С.В.Лавров америкийн блоггер М.Науфал, Л.Жонсон, Э.Наполитано нарт 2025 оны 3-р сарын 12-нд өгсөн ярилцлагын онцлох ишлэлүүдийг товчлон хүргэж байна.


ОХУ-ын Гадаад хэргийн сайд С.В.Лавров:



• АНУ-д өрнөж буй өнөөгийн үйл явцыг урьдын эрүүл саруул байдалдаа эргэн орж байна гэж дүгнэж болно. Засгийн эрхэнд христийн шашны эсрэг үзэл баримтлал номлодоггүй, хэвийн эрүүл саруул удирдлага гарч ирсэн нь үнэн бодит хэрэг бөгөөд энэ үйл явц нь хэвлэл мэдээллийн салбарт болон дэлхийн улс төрийн тавцанд жинхэнэ тэсрэлт болж байна. 


• Эр-Риядад М.Рубио, М.Уолтц, С.Уиткофф нартай уулзахад тэд Трампын засаглалын үед Америкийн гадаад бодлогын үндэс нь АНУ-ын үндэсний ашиг сонирхлыг хамгаалах явдал бөгөөд энэ ч утгаараа эрүүл хэвийн харилцааг хүсэж буйг илэрхийлсэн. Үүний сацуу Америкчууд бусад улс оронд ч өөрийн гэсэн үндэсний ашиг сонирхол бий гэдгийг сайн ойлгодог.


• АНУ, ОХУ хоёрын үндэсний ашиг сонирхол хэзээ ч ав адилхан байхгүй нь ойлгомжтой. Тэр ч бүү хэл 50 хувь хүртэл нийцнэ гэж байхгүй. Гэхдээ ашиг сонирхол ямар нэг байдлаар нэгдвэл түүнийг бид цаашид илүү хөгжүүлэхийн төлөө бүхнийг хийх ёстой. Харин тэрхүү ашиг сонирхол нийцэхгүй, эсвэл эрс тэс зөрчилдөж буй тохиолдолд хариуцлагатай улс орнууд зөрчилдөөнийг сөргөлдөөнд хүргэхгүй байх боломжийг бүрдүүлэх ёстой юм. Тэр тусмаа улс орнуудад аюултай хор уршиг, гамшиг сүйрэл дагуулах цэрэг дайны мөргөлдөөн үүсэхээс сэргийлж чаддаг бүхнээ хийх ёстой.


• Цэргийн тусгай ажиллагааг эхлүүлсэн нь үүссэн нөхцөл байдлыг эерэг зөв нааштай голдиролд оруулах бүх оролдлого, арга чарга барагдсан тул аргагүйн эрхэнд хийсэн алхам юм. 


• Америкчуудыг НАТО-гаас гарна гэж бодохгүй байна. Наад зах нь АНУ-ын Ерөнхийлөгч Д.Трамп энэ талаар ямар ч зүйл дуугараагүй. Гэхдээ тэрбээр НАТО-гийн гишүүн орнууд АНУ-аас тэднийг хамгаалж, аюулгүй байдлын баталгаа хүсч байгаа бол шаардлагатай хэмжээнд төлбөр хийх ёстой гэж эрс шуудхан хэлсэн.


• Д.Трамп Зеленскийн тэргүүлсэн Украин аюулгүй байдлын баталгаа өгөхийг хүсэхгүй байгаа. Тэрбээр нөхцөл байдлын талаар өөрийн үзэл бодолтой бөгөөд үүнийгээ байнга, тогтмол шулуухан илэрхийлдэг. Энэ дайн хэзээ ч эхлэх ёсгүй байсан юм.


• Европ, Их Британи энэ байдлыг үргэлжлүүлэх сонирхолтой байгаа. Тэд Вашингтонд болсон шуугианы дараа Зеленскийг Лондонд хэрхэн хүлээн авсан нь үүнийг гэрчилж буй бөгөөд Д.Трампын засаг захиргааг Оросын эсрэг түрэмгий үйлдэл хийхийг өдөөх зорилготой ямар нэгэн зүйл боловсруулж байгааг илтгэж байна.


• Энэ бол зөвхөн газар нутгийн тухай асуудал биш. Харин хуулиар дарамтлуулж түүхээсээ салсан ард иргэдэд хамаатай юм. Энэ үйл явдал цэргийн тусгай ажиллагаа эхлэхээс өмнө, Минскийн гэрээг зөрчиж дайн үргэлжилж байхад болсон. Газар нутгийн асуудал тухайн газарт хүмүүс амьдарч буй учраас чухал. Зеленскийн буцааж авахыг хүсэж буй эдгээр газар нутагт амьдардаг ард түмэн бол олон зууны туршид Одесс болон бусад хот, боомт, зам барьж байгуулан, орон нутгийг хөгжүүлж, энэ нутгийн түүхтэй холбоотой явж ирсэн хүмүүсийн үр сад юм.


• Америкчууд биднийг Хятадтай байгуулсан хууль эрх зүйн болон улс төрийн үүрэг амлалтаа хэзээ ч зөрчихгүй гэдгийг мэдэж байгаа.