sonin.mn
Сэтгэгдэл (10)

Оюутолгойн бүлэг ордын ашиглалтад Монгол Улсын эрх ашгийг хангуулах, хүртэх өгөөжийг нэмэгдүүлэхтэй холбоотой баримт бичиг, үйл ажиллагаанд хяналт шалгалт хийх Улсын Их Хурлын хянан шалгах түр хорооны нотлох баримтыг шинжлэн судлах сонсгол болж байна. Уг сонсголд оролцож буй УИХ-ын гишүүн С.Ганбаатар байр сууриа илэрхийлэв. Тэрээр: "Энэ Монголын ард түмний төлөө үнэнийг хэлэх ёстой. Монголчууд өнөөдөр Оюутолгойг ашигтай болгож ажилтай болно, дэд бүтэцтэй болно, сургууль эмнэлэгтэй болно. " гэсэн юм.


Мөн "Таны хувьд С.Баярцогттой мэтгэлцээн хийж байсан. Тухайн үед та 2036 он хүртэл Монголчууд ашиг хүртэхгүй ээ гэж хэлж байсан. Гэхдээ тухайн үед Дубайн гэрээ хийгдээгүй байсан, нөхцөл байдал өөрчлөгдөөгүй байсан. Та ямар үндэслэлээр тухайн үед 2036 он хүртэл ашиг хүртэхгүй гэж хэлж байсан юм бэ? Одоо ер нь нөхцөл байдал бараг тэр лүүгээ дөхчих шиг болсон." гэсэн сэтгүүлчийн асуултад С.Ганбаатар хариулахдаа: "Тэгэхээр би хэлээгүй юу, миний үнэн шүү дээ гэж хэлэх бол онцгүй зүйл. Тэгэхдээ тэр үед би 2036 он хүртэл ашиг хүртэхгүй шүү дээ гэж байсан. Одоо энэ цаашаа явчихсан. Тэгэхлээр ямар ч ашиг хүртэхээргүйгээр тооцоо судалгаа гараад байна аа гэдгийг 2009 оны 4 сарын 27-ны захидалдаа бичсэн. Хамгийн сүүлд 7 захидал явуулсан байгаа ҮАБЗ-ийн гишүүд, сайд нарт УИХ-ын гишүүдэд. 


Хариу ирээд л, Монголчуудыг хуурсаар байгаад л таарч байгаа.


Монголчуудаа энийг засъя аа. Хэн нэгэн хүнийг буруутгаад шонд өлгөөд доромжлоод байх нь чухал биш. Одоо энийг засаж Монголчуудад сургууль, цэцэрлэг, эмнэлэг барья, олон залуучуудыг ажилтай болгоё, хамгийн гол нь Монголчууд энэ өрнөөс өрний хооронд тэнэгтэхээ зогсооё оо л гэж байгаа юм. Монгол дэлхийн хамгийн өгөөмөр дээрэмдүүлдэг ард түмэн болчихоод байна шүү дээ. Өнөөдөр бусад хөрөнгө оруулагч нар биднийг дооглож байгаа шүү дээ. Хулгай хийж цөм цөм дээрэмдчихээд байхад ямар сайхан сэтгэлтэй ард түмэн бэ л гэж бодож байна. Тэгвэл бид өнөөдөр харилцан ашигтай байя аа л гэж яриад байгаа юм шүү." гэлээ.


Н.Отгончимэг