sonin.mn
Сэтгэгдэл (107)

Саяхан буюу энэ оны хоёр дугаар сарын хоёронд Дэлхийн буриад үндэстний Их хурал болсон. Уг хурлын үндсэн дээр энэ жил болох Алтаргана наадмын бэлтгэлийн явц болон дэлхийн буриадуудын холбоо байгуулах тухай тус наадмыг зохион байгуулагчдаас хэвлэлийн хурал хийлээ.


Энэ үеэр УИХ-ын гишүүн асан С.Билэгсайхан: "Алтаргана-2024” наадмыг Булган аймгийн төвд долоодугаар сарын 26-28-нд зохион байгуулах гэж байна. Энэ удаагийн наадамд дэлхийн 34 улсад тархан суурьшиж байгаа 50 мянга гаруй буриад хүрэлцэн ирэхээр төлөвлөж байна. Энэ удаагийн наадам маань Монгол Улсын Ерөнхийлөгч Ухнаагийн Хүрэлсүхийн ивээл дор зохион байгуулагдана. Дэлхийн 34 улс оронд сууж байгаа бүх буриадууддаа мэндчилгээ дэвшүүлье. Мөн буриадууд бол Монгол угсаатны нэг хэсэг. Монгол үндэстний нэг хэсэг.



Манай буриадуудын тухай товчхон ярихад та бүхэн сайн мэдэж байгаа, Алунгуа гээд байна. Энэ бол буриад хүн. Өэлүн эх байна. Бөртэ Үжин байна, Чингисийн эхнэр. Энэ бүгдээрээ буриадууд байгаа юм.



Тэгэхээр буриадууд бол өвөг монголчууд. Монгол төрийн сэнтийд, ялангуяа дэлхий дээр ганц л улс байсан үед буюу Ява Суматраас Прага, Хойд мөсөн далайгаас өмнөд мөсөн далай хүртэл Монголын эзэнт гүрнийг захирч байсан Хатан хаан нь буриад эмэгтэй байсан. Буриад хэлэнд хараалын үг байдаггүй. Дандаа эрхэм дээдэс гэж ярьдаг байсан.


Манай буриад өв соёлыг сэргээж хөгжүүлэхэд монголчуудын далай их соёлд хувь нэмрээ оруулж байгаа. Монголын нууц товчоонд 3850 буриад үг байна. Монголчууд хоорондоо ярилцахдаа хэрэглэдэг байсан. Нууц товчоонд халх үг бол бараг байхгүй шүү. Тэр эртний хэлээрээ буриадууд маань өнөөдөр ярьдаг байх нь. " гэв.



М.Чой