Ням - 12 сарын 22,
2024
Гадаад харилцааны сайд Б.Батцэцэг Гэгээн Ширээт Улсын Гадаад харилцааны асуудал эрхэлсэн Нарийн бичгийн дарга Пол Ричард Галлагертай албан ёсны хэлэлцээ хийв.
Албан ёсны хэлэлцээний үеэр талууд түүх, соёл, эрүүл мэндийн салбарын хамтын ажиллагааны асуудлаар дэлгэрэнгүй ярилцав. Мөн Гадаад харилцааны сайд Б.Батцэцэг Монгол Улсын урт хугацааны хөгжлийн бодлого “Алсын хараа 2050”, дунд хугацааны “Шинэ сэргэлтийн бодлого”-ын зорилтуудыг танилцуулж, Гэгээн Ширээт Улстай харилцааны агуулгыг баяжуулах боломжийн талаар санал солилцов.
Дэлхий нийтэд тулгарч буй цөлжилт, уур амьсгалын өөрчлөлт, хөрсний доройтол зэрэг сорилтыг даван туулахад хамтран ажиллаж, олон улсын хамтын нийгэмлэгийн хүчин чармайлтад хувь нэмэр оруулахаа талууд нотлов. Гэгээн Ширээт Улсын Гадаад харилцааны асуудал эрхэлсэн Нарийн бичгийн дарга буюу Гадаад харилцааны сайд Пол Ричард Галлагерийн манай улсад хийж буй айлчлал нь хоёр улсын хооронд дипломат харилцаа тогтоосноос хойш тус улсаас манай улсад өндөр түвшинд анх удаа хийж буй айлчлал юм.
.jpg)
Сэтгэгдэл0
бумбайсан амьтан чинь цэцэгнүүдээ өрчихжээ. бондойчоод. овоолоорой гээл тоглоомоор хэлж байхад чинь, юун цэцэгин гээл. гэхдээ хэн мэдэх дээ тээ.
Энэ буриад орчуулагдаа одоо болио. Оросуудынхаа дайсагнадаг Ватиканыг Гэгээн ширээт гэж орчуулж доош чихнэ. Галлагер гэж буруу хазгай бичиж тэнэгтэнэ. Кириллээр Галлахер гэж бичих ёстой. Монгол латин үсгэнд шилжвэл ийм гажиг үзэгдлүүд болохгүй.