4-р сарын 7-ны өдөр, Америк Хятадад ногдуулах татвараа нэмэгдүүлнэ гэж сүрдүүлж, Америк өөрийнхөө ил цагаан дээрэлхэн сүрдүүлж, мөнгө нэхэх гэсэн үнэн төрхөө харууллаа. 

Хятадын Олон Улсын Радио энэ тухай: "Хятад улс 8-ны өдрөөс өмнө өөрт ногдуулсан 34%-ийн татвараа цуцлахгүй бол 9-ний өдрөөс эхлэн Хятадын бараа бүтээгдэхүүнд 50%-ийн нэмэлт татвар ногдуулна гэж АНУ мэдэгдэв. АНУ эхлээд Хятадын эсрэг өндөр ногдуулсны дараа Хятад улс хариу арга хэмжээ авсан, гол зорилго нь Америкийг олон талт худалдааны зөв тойрогт оруулахыг сануулсан хэрэг юм. Хятад улс шахал дарамт үзүүлж илүү их хэмжээний мөнгө авах гэсэн санаачилга нь бүтэлгүйтэх нь мэдээж. Харин Хятад улс байр сууриндаа бат зогсоно гэж тэд төсөөлөөгүй байна.

Хятадын Гадаад харилцааны их сургуулийн профессор Ли Хайдүны үзэж байгаагаар, АНУ Хятадын эсрэг шантаажлах ажиллагааг эрчимжүүлж байгаагийн цаад олон зорилго байгаа. Үүнд богино хугацааны шаардлагын үүднээс авч үзвэл, АНУ-ын засгийн газар "тарифын карт"-аар тоглох хүчин чармайлтаа нэмэгдүүлж байгаа нь голчлон ирэх жилийн дунд хугацааны сонгуульд үйлчлэх, өөрийн улс төрийн ашиг сонирхлыг эрэлхийлэх зорилготой; Урт хугацааны зорилгын үүднээс авч үзвэл, Хятад улс эдийн засгийн даяаршлыг тууштай дэмжигч учраас АНУ "тарифын дайн"-ыг хурцатгаж байгаа нь сүүлийн хэдэн арван жилийн даяаршлын үйл явцыг нурааж, өөрчлөх, улмаар ноёрхогч байр сууриа хадгалж, дэлхийгээс "цус сорох"-оо үйлдлээ үргэлжлүүлэх зорилготой юм.

Харин эсрэгээр, АНУ-ын тарифын шантаажийг нэмэгдүүлэх нь өөрөө эсрэг үр дагаварт хүргэх болно. Жорж Бушийн Америк-Хятадын харилцааны сангийн ерөнхийлөгч Фан Давэй "адил тэгш тариф"-ын бодлого нь АНУ-ын инфляцийг ихээхэн хүндрүүлж, эцсийн дүндээ цэвэр ажилгүйдэлд хүргэж, ам.долларын ханшийг бууруулахад хүргэнэ гэж шулуухан хэлсэн байна. Энэ бол "Америкийн орчин үеийн түүхэнд нэн ховор тохиолддог эдийн засгийн бодлогын алдаа" юм. Гадаад зах зээлд найдаж буй Америкийн фермерүүд "Энэ бол бидэнд бүх талын цохилт боллоо" гэж бүр ч их буруушааж байна. Голдман Сакс групп ирэх 12 сарын хугацаанд АНУ-ын эдийн засгийн уналт 35% болж өсөх магадлал байгаа бөгөөд урьдчилсан төсөөллөөс 20%-иас өндөр гарах магадлалтай гэж таамаглаж байна. Йелийн их сургуулийн төсвийн лабораторийн шинжилгээгээр АНУ-ын тарифын бодлого энэ онд АНУ-ын нийт инфляцийн түвшин 2.3%-иар өсөхөд хүргэж болзошгүй бөгөөд энэ нь жирийн америк өрх бүр 3800 ам. долларын алдагдалтай байгаатай тэнцэж байна. Уолл Стрит "Америкийн өөрийн бүтээсэн эдийн засгийн цөмийн өвөл" болох гэж байгааг анхааруулав.

Бразилийн Сан Паулогийн Их Сургуулийн Эдийн засаг, олон улсын судлалын хүрээлэнгийн захирал Маркос Пирес саяхан нийтлэл бичиж, АНУ дэлхийн улс орнуудыг шантаажлахын тулд татвараа ашиглаж байгаа нь дэлхийн эдийн засгийг хамгийн том тогтворгүй, тодорхой бус хүчин зүйл болсон гэж онцолсон байна. Йелийн их сургуулийн эдийн засагч Стивен Роуч "АНУ бол шийдэл биш, харин өөрөө асуудал болоод байна" гэж үзэж байна. Германы Der Spiegel сэтгүүл саяхан "Муу Америк, Сайн Хятад" гэсэн гарчигтай нийтлэл нийтэлж, Хятад, АНУ-ын сүүлийн үеийн өөр өөр үйлдэл нь дэлхийн эдийн засагт нэг нь дэлхийн чөлөөт худалдааны манаач, нөгөө нь урвасан мэт ууртай хүн шиг, хаа сайгүй нударгаа савлаж байна гэжээ.

АНУ хэрхэн шахалт дарамт үзүүлсэн ч Хятад улс төлөвлөгөөтэй байгаа бөгөөд өөрийн үйл хэрэгт анхаарлаа хандуулж, гадаадад дээд түвшний нээлттэй байдлыг тасралтгүй ахиулах болно. Хятад Америкийн эдийн засаг, худалдааны харилцааны мөн чанар нь харилцан ашигтай, хамтдаа хөгжих явдал бөгөөд худалдааны санал зөрөлдөөнийг эрх тэгш яриа хэлцлээр зөв зохистой зохицуулах ёстой гэж Хятад улс үзэж ирсэн. Харин АНУ тарифын арга хэмжээгээ нэмэгдүүлбэл Хятад улс өөрийн хууль ёсны эрх ашиг сонирхлоо шийдвэртэй хамгаалахын тулд шаардлагатай арга хэмжээг авна." гэжээ.