sonin.mn
Сэтгэгдэл (15)

Үндэсний баялгийн сангийн тухай Улс төрийн намууд ба иргэдээс мэдээлэл хийлээ. 


Энэ үеэр тэд: "Өнөөдөр Монгол улс орших уу эс орших уу гэдэг сонголтон дээр тулж ирлээ.  

Үүнийг юу харуулж байна гэхээр УИХ-ын гишүүн Х.Баттулга мэтийн зарим этгээдүүд “Хөх Монголын хөх туг” хэмээх аяныг орон даяар явуулж байна.

Энэ аяны хүрээнд бидний мэдэлд байдаг газар нутаг, энэ орон зайгаа мэддэг тэр мэдлийг маань Үндсэн хуулийн 6-ийн нэгээс 6-ийн хоёр гэдэг заалт руу гулсуулан оруулах гэж байгааг мэдэгдэж байна. 

Бид бусдын заль мэхэнд автаж өнөөг хүртэл 30 гаруй жилийн хугацаанд бүхий л зүйлээ харийн мэдэлд зөөлөө. Одоо энэ зүйлийг таслан зогсоож бид улс орноо мэдэх зайлшгүй шаардлага үүслээ. 


Монгол улсын Үндсэн хуулинд газрын баялаг бүх нийтийн өмч байна гэж заасан. Гэтэл УИХ-ыни гишүүн Л.Мөнхбаясгалан, Х.Баттулга, С.Ганбаатар нарын этгээдүүд үндэсний баялгийн 34-50 хувийг ард түмэндээ өгнө гэж заасан заалтыг Үндсэн хуулиас хасах үйл ажиллагаа явуулах гэж байна. 


Сүүлийн 36 жилд энэ төрд байгаа хүмүүст итгэх итгэл байхгүй болсон гэдгийг хэлмээр байна.  

Энэ үүднээсээ энэ “Хөх Монголын хөх туг” гэсэн нэртэй хэсэг бүлэг этгээдүүд орон даяар ард түмний тархийг угааж байна.  

Учир юу вэ гэвэл 34-50 хувийн үр өгөөжийг өгнө гэдэг нь биднийг хуурч мэхэлж байгаа нэг хэлбэр. Яагаад гэвэл тэр баялагийг 36 жил ар түмэнд өгнө гэсэн тэр нь одоо хүртэл байхгүй байна. 

Тэд нар нэг л өдөр үүнийг ямар үр өгөөжгүй байна гээд тэг болгоод орхино. Тийм учраас Монголын ард түмэн минь үүнийг ойлгох цаг нь болжээ гэв. 

Мөн ЭЧХН-ын дарга Ш.Төмөрсүх: "Х.Баттулга бол Монголын баялгийг гадагш зөөх гэж буй нүгэлтэн. Яагаад гэвэл Үндсэн хуулийн 6-ийн хоёрт төрийн нийтийн өмч гэж оруулж ирсэн хүн бол Х.Баттулга.

Энэ нүгэлтэн бол Монгол улсын баялгийг ямар ч ашиггүйгээр гадагш нь зөөх гэж байна. Тийм учраас Монголын ард минь сэрэмжтэй байх хэрэгтэй. Цаашид энэ хулгайч нарыг УИХ-ын танхимаас зайлуулах шаардлагатай байна гэж бид үзэж байна” гэлээ.


Ж.Бат