sonin.mn
Сэтгэгдэл (0)

“Барселона” багийн хагас хамгаалагч Ламин Ямалын гэмтэл илааршсан тул тэрбээр Испанийн Супер цомын хагас шигшээ тоглолтод оролцоно. Энэ тухай тус багийн герман дасгалжуулагч Ханси Флик мэдэгдсэнийг спортын сэтгүүлч Фабрицио Романо Х сүлжээний хуудсандаа дурджээ. “Барселона”, “Атлетико” багуудын хоорондох Испанийн Супер цомын хагас шигшээ тоглолт 9-нд шилжих шөнө болох юм.


Ямал өнгөрсөн 12 дугаар сарын 15-нд болсон Испанийн АШТ-ий 17 дугаар тойргийн “Леганес”-тай хийсэн тоглолтын үеэр гэмтэл авч, тоглолтын 75 дахь минутанд талбайг орхижээ. Түүнд “шилбэний ясны тахилзуурын холбоосны нэгдүгээр зэргийн гэмтэл” гэсэн онош тавьсан байна.


“Ламин хэдэн өдрийн турш бэлтгэлээ хийж байгаа, тэрбээр одоо ажилдаа гарахад бэлэн болсон, маргааш тоглоно” гэж Флик хэллээ. Өдгөө 17 настай Л.Ямал багаасаа “Барселона”-гийн хөл бөмбөгийн академид хүмүүжсэн юм. Энэ улиралд тэрбээр 21 тоглолтод оролцохдоо 6 гоол оруулж, 12 оновчтой дамжуулалт хийгээд байна.


Өнгөрсөн улиралд Л.Ямал Испанийн шигшээ багийн бүрэлдэхүүнд Европын АШТ-нд түрүүлж, тус тэмцээний шилдэг залуу тоглогчоор шалгарч байв.


Мөн өнгөрсөн оны 10 дугаар сард France Football сэтгүүлийн хувилбараар дэлхийн шилдэг залуу хөлбөмбөгчнөөр тодорч, 11 дүгээр сард Golden Boy буюу Европын 21-ээс доош насны шилдэг тоглогчид олгодог шагналыг хүртсэн билээ. 



Б.Адъяахүү