sonin.mn
Сэтгэгдэл (62)

Зөвлөлт Украинд цэргийн дээд сургуульд суралцан төгсгөж зэвсэгт хүчиндээ зүтгэж явсан олон арван офицерын нэгийн хувьд дайн байлдаан, давшилт хориглолтын талаар энгийн иргэдийг бодвол гадарлана. Тэр мэдлэг туршлагаараа өнөөгийн Орос-Украины энэ дайныг харж, оперативын цагийн байдлыг үнэлдэг. Харин энэ удаа оросын цэргүүд Курскт яагаад ингэж олуулаа бууж өгсөн бэ гэсэн асуултад хариулт хайж сайтуудаас орчуулж тайлбарлая.

 

Украины хүний эрхийг хамгаалах байгууллагын тэргүүн Дмитрий Лубинец:-Оросууд анх удаа олзлогдогсдоо солилцох ажиллагааг санаачилсан гэжээ. Солилцооны фонд гэдэгт Украин маш идэвхтэй бэлтгэж байна. Тэгээд ч ОХУ, Украин хоёр “Зууны солилцоо” гэдэгт хоёр талдаа тун идэвхтэй бэлтгэж буй тухай мэдээ ирж байна.


Украины Цэргийн тагнуулын дарга Кирилл Буданов хэлжээ:-Оросын олзны цэргүүдээр хамгийн түрүүнд солих шаардлагатай бүлэг хүмүүсийн эхний ээлжинд 1) хүнд шархадсан буюу өвчтэй украинчууд; 2) эмэгтэйчүүд; 3) удаан хугацаагаар оросын олзонд байгсад (тухайлбал дайн эхлэхэд Азовстальд байсан хүмүүс буюу азовийнхан); 4) Энгийн иргэд, Крымын татарууд гэжээ.

 

Оросын армид цэргийн албанаас оргох зугтах явдал Өмнөд Цэргийн тойрогт эрс өссөн тухай мэдээлж байна. Анги салбар, байрлалаа орхиж алга болсон цэрэг фронт дээр 18 мянгаас давсан ба тэдний 12 мянга нь Оросын зэвсэгт хүчний ерөнхий цэргийн 8-р армийн дайчид байна. Энэ нэгтгэл Дорнод Украинд байлдааны ажиллагаанд оролцож байгаа.

 

Орос цэргүүд массаараа бууж өгөхийг чухалчилж байна. Хэн хэнтэйгээ барьцахгүй, шийтгүүлбэл тийм олон зуун хүнийг яаж ч чадахаасаа өнгөрсөн гэж үздэг болжээ. “Алуулж цогцос болсноос амьд бүрэн бүтэн дээрээ олзонд очсон нь дээр!” гэсэн уриа түгсэн, олзонд ирсэн орос цэрэг болгоны амны уншлага мэт болжээ. Бас нэг айдас орос цэргүүдэд түгээмэл байна. Солилцоонд ороод Оростоо буцаад ирдэг. Дахиад фронт руу туугддаг. Эх орон чинь Та нарыг хаясангүй, аваад ирлээ, одоо эх орныхоо төлөө АК үүрээд буцаад марш! Иймд олзлогдогсод нь эх орон руугаа явах дургүй. Очоод буцаад л фронтын хүнд чиглэлд хаягдана. Нуувчинд украины их бууны галын бэлтгэлд өртөн үхтлээ айн хэвтэх, эсвэл нөгөө ертөнц рүү тонилоод “груз 200”, “груз 300” болоод ачигдаад явах, тэгээд хар ламын уншлага цэцгийн баглаагаар хуучуулаад мөнх нойрсох, ийм л хувь тавилан олзны орос цэргүүдийг хүлээнэ.


Чечениүд дайчин, олзлогддоггүй, украинчуудыг ёстой хашрааж өгдөг гэсэн домог замхран алга болов. Путин өөрөө Грозныйд биечлэн очин сөхрөн мөргөн байж нэмэлт цэрэг гуйв. Украины аюулгүй байдлын тусгай хүчнийхэн оросын 488-р мото-буудлагын дивизийн “Ахмат” гэх чеченийн тусгай батальоны 102 цэргийн албан хаагчийг олзонд авсан мэдээ явж байна. Нэг дор бөөнөөрөө олзлогдсон анхны тохиолдол гэж бичиж байна. Ингэхэд олзны цэргүүд ихэнхи нь 19-22 насны орос залуус байна.


Оросыг тойрсон үндэстэн ястны төлөөлөл хаачсан бэ? Тэд өнгөрсөн хоёр жил хагасын хугацаанд фронт руу хэдэн арван мянгаараа туугдаж, хууртаж очоод алуулаад нэгэнтээ газарт булагджээ. Одоо тэдний үр хүүхэд, ахан дүүс оросоос айдаг, орост дургүй, оросыг үзэн яддаг, Путины төгсгөлийг тэвчин хүлээдэг. Тэр нууц биш.

 

Украины Зэвсэгт хүчин Курск мужид 100 орчим суурин, бараг 1300 км² талбайг хянаж эхэлжээ. Хэв журам, амар амгаланг сахиулах, хүн амын нэн тэргүүний хэрэгцээг хангах зорилгоор ОХУ-ын Курск мужид Украины цэргийн комендант байгуулжээ. Генерал Эдуард Москалев томилогджээ. Аугаа их эх орны дайнаас хойш анх удаа Оросын нутаг дэвсгэрт гадаадын цэрэг орж байрлан, гадаадын цэргийн комендант ажиллаж байна.

 

Орост Курскээ чөлөөлөх, дахин цөмрүүлэхгүй байх резерв алга. Энэ байдлаараа бол Хятадын хагас сая цэрэг танк хуягттайгаа Алс Дорнодоор орж ирээд давшихад Урал хүртлэх нутаг дэвсгэрт чөлөөтэй урагшлах юм байна. Энэ хэдхэн хилийн застав хамгаалж чадна гэж үү хэмээн оросын цэргийн нэг албан хаагч youtube-д бичжээ.


Тэр цэрэг армид контрактаар 2021 он хүртэл гурван жил алба хаахдаа Оросын армийн завхрал дампуурлыг бие дээрээ амссан гээд цэргийн дадлага сургууль хийлгэхийн оронд аж аж ахуйн аар саар ажлаар оролдуулдаг, оросын армийн командлалд коррупц, непрофессионализм ноёлсон, зэвсэг техник нь хуучирсан, тоногдсон, өрөвдмөөр цалин өгдөг сардаа 20 мянган рубль. Хэрэв дайн дэгдвэл бид түүнд ялагдах юм байна гэсэн бодолтой би халагдсан. Яг л харагдаж байна даа хэмээн харамсан бичжээ.

 

Оросын зэвсэгт хүчин иймдээ тултал шалдаа бууж, цэрэг түрүүч нараар ингэтлээ дутагдаж, цаадуул нь Путинээс ингэж нүүр буруулна гэдэгт би итгэж чадахгүй, бас сэтгэл өвдөөд энэ нийтэлийг орууллаа. Ний нуугүй хэлье.


Украины цэрэг Оросын мужууд руу орж байлдаж байгаа энэ цаг дор оросын тархи угаалт тун явуургүй боллоо. Оросууд нь байлдах дургүйгээ илт харууллаа. Ерөөсөө энэ дайн утгагүй гэдгийг л хэлээд байна. Орос ялна гэсэн мэдээллийн фейк ваакумд төөрч яваа ганц нэг монгол троллууд минь Путин ялахыг хүлээсэн бүтэшгүй цөхрөлөөсөө яаралтай салах хэрэгтэй. Украиныг Орос ялж байна гэж өөрийгөө хуурахаа боль. Маш том эндүүрэл шүү. Орос террорист дайндаа ялахгүй, ялахгүй нь улам бүр нотлогдож байна. Украин, Зеленский, АНУ, НАТО-г мянгантаа харааж муулаад Орос ялдаг бол ялахаар байлаа. Путины хоногийн тоо дуусдаг, гэтэл Путиныг нулимстай горьдлогын нүдээр хүлээж суусны дараа таны зүрх, тархи тэсэх үү?


Орчуулж тайлбарласан Адьяaгийн Батсайхан (бэлтгэл хошууч)