Ням - 05 сарын 05,
2024
ВАШИНГТОН, 2024 оны дөрөвдүгээр сарын 25 /VOA/. Сансар огторгуйн гэрээний тухай НҮБ-ын Аюулгүйн Зөвлөлийн тогтоолд ОХУ хориг тавьсныг АНУ-ын эрх баригчид шүүмжилсэн байна.
“ОХУ цөмийн зэвсэг тээгч шинэ хиймэл дагуул бүтээж байна гэж бид үзэж байна. Ерөнхийлөгч Путин сансарт цөмийн зэвсэг байрлуулахаар төлөвлөж байгаагаа хэрхэн ил тодоор мэдэгдсэнийг бид сонссон. Хэрэв тийм биш бол Оросын тал энэ тогтоолд хориг тавихгүй байх байсан” гэж Цагаан ордны үндэсний аюулгүй байдлын зөвлөх Жейк Салливан мэдэгджээ.
АНУ, Япон улсуудын өргөн барьсан тогтоолын төслөөр НҮБ-ын Аюулгүйн Зөвлөлд лхагва гарагт санал хураахад ОХУ хориг тавьсан байна. Тогтоолын төслийг баталснаар сансар огторгуйн тухай гэрээнд оролцогч улсууд дэлхийн тойрог замд цөмийн зэвсэг байрлуулахгүй байх үндсэн үүргээ дахин нотлох байв.
Тогтоолд мөн НҮБ-ын гишүүн орнуудад хандан, тойрог замд байрлуулах зорилгоор цөмийн зэвсэг бүтээхгүй байхыг уриалжээ.
Д.Жаргал
Эх сурвалж: "Монцамэ" агентлаг
Сэтгэгдэл3
Америк-Орос хоёр улсын хооронд байгуулагдсан Стратегийн давшилтын болон үй олноор хөнөөх зэвсэгийг хорогдуулах тухай Старт-1, Старт-2 гэрээнээс Орос улс эсэргүүцсээр байхад Америк дур мэдэн гарч байсан!
Орос эсэргүүцээгүй ээ,нэмж сансарт ямар ч төрлийн зэвсэг байрлуулахгүй гэж хамтад нь оруулах,зөвхөн аюулгүйн зөвлөлийн хэдхэн улсын хүрээнд биш,бүх нүбийн гишүүн орнуудын хүрээнд асуудлыг авч хэлэлцэх саналыг нь хүлээж аваагүй тул хориг тавьжээ гэж юмыг уг үндэстэй нь мэдээлж баймаар байх юмдаа,зүгээр л тэгсэн ингэсэн гээд хуулаад мэдээлсэн болох юм, монцамэгийнхэн өөрсдөө олон талын эх үүсвэрээс мэдээллээ аваад гаргаж болноо доо эсвэл тийм чадвартай тоймчид байдаггүй юмуу хайшаа юм,учир нь АНУс сансарт цөмийн биш физикийн өөр үзэгдэл дээр тулгуурласан цөмийн бус зэвсэг аль 2016 оноос байршуулж буй мэдээлэл байдаг гэсэн шүү!!!
Энэ том улсууд дайн хийхдээ ямар их дуртай юм. Монгол улс өөрийгөө болгох гэж арай ядан байхад.