НИТХ-ын ээлжит XXII хуралдаан болж байна. Хуралдаанаар “Төв цэнгэлдэх хүрээлэн” ХХК-ийн талаарх авах зарим арга хэмжээ, агаар, орчны бохирдлыг бууруулах чиглэлээр хэрэгжүүлж буй арга хэмжээ, авто замын түгжрэлийг бууруулах, орон сууцны бодлогын чиглэлээр хэрэгжүүлж буй арга хэмжээ, тогтоолын хавсралт хүчингүй болгох болон бусад асуудлын талаар хэлэлцлээ. “Төв цэнгэлдэх хүрээлэн” ХХК-ийн талаарх авах зарим арга хэмжээний талаар Нийслэлийн Засаг даргын Нийгмийн салбар, ногоон хөгжил болон агаар, орчны бохирдлын асуудал хариуцсан орлогч О.Номинчимэг танилцууллаа.
1993 онд Төв цэнгэлдэх хүрээлэнг ягаан тасалбараар хувьчилж, 70 хувийг нийслэлд, 30 хувийг хувийн өмчид шилжүүлсэн. Харин 2004 онд нийслэлийн хувь эзэмшлийг 49, иргэн Т.Нямдаваагийн эзэмших хувийг 51 болгох шийдвэрийг НИТХ-аас бус “Төв цэнгэлдэх хүрээлэн” ХХК-ийн ТУЗ-өөр шийдсэн байдаг. Улмаар 2007 онд компанийн дүрэмд бус Т.Нямдаваагийн хүсэлтэд үндэслэн Улсын бүртгэлийн ерөнхий газар тус компанийг 100 хувь Т.Нямдаваагийн эзэмшил болгон бүртгэжээ. Төв цэнгэлдэх хүрээлэн нь анх спортын зориулалтаар олгосон 38.6 га талбайтай байсан ч өнөөдөр 12.6 га газар эзэмшилд нь үлдээд буй. Тодруулбал, нийслэлийн үе үеийн Засаг дарга нар болон “Төв цэнгэлдэх хүрээлэн” ХХК-ийн удирдлагууд 2005 оноос хойш тус орчмын газрыг бусдад эзэмшүүлж, 29 аж ахуйн нэгжид олгосон байна. Түүнчлэн 2008 оноос хойш нийслэлээс 4.6 тэрбум төгрөг зарцуулан тус хүрээлэнд тохижилт, урсгал засвар хийсэн ч энэ хугацаанд 49 хувийг эзэмшиж буй нийслэлд зөвхөн 32.7 сая төгрөгийн ногдол ашиг хуваарилжээ. Улмаар уг өмчийн маргааны асуудлыг шалгуулахаар нийслэлийн зүгээс Авлигатай тэмцэх газарт хандсан юм.
Иймд цаашид “Төв цэнгэлдэх хүрээлэн” ХХК-ийн газрыг тусгай хэрэгцээнд авч, олон нийтийн оролцоотой компани болгон өөрчилж зохион байгуулах шаардлагатай байгаа тул тус хүрээлэнг 100 хувь нийслэлийн эзэмшилд авах, хувьцаа эзэмшигчдийн хуралд НИТХ-ыг төлөөлж хэлцэл хийх асуудлыг ийнхүү НИТХ-ын хуралдаанаар хэлэлцүүлсэн юм.
Нийслэлийн Засаг дарга бөгөөд Улаанбаатар хотын Захирагч Х.Нямбаатар “Энэ мэт нийслэлийн өмчийг хууль бусаар ашиглаж буйг зогсоож, нийслэлийн мэдэлд буцаан авна. Төв цэнгэлдэх хүрээлэнгийн орчимд нэгэнт баригдсан барилгыг шууд буулгах эрх Нийслэлийн Засаг дарга болон НИТХ-д байхгүй учраас хуулийн байгууллагаар шийдвэрлүүлнэ. Энэ онд Төв цэнгэлдэх хүрээлэнд засвар шинэчлэл, тохижилт хийж, зочдын суудлын тоог нэмэн, зүлгийг сайжруулж, индрийн хэсгийг өөрчилнө. Мөн Төв цэнгэлдэх хүрээлэнгийн гадна талбайд ус их тогтдог тул усны хаялга хийх зураг төсвийг боловсруулж, барилгын ажлыг эхлүүлсэн. Мөн Үндэсний их баяр наадмаар гарах худалдаа үйлчилгээнд стандарт тогтооно” хэмээв.
Нийслэлийн Засаг даргын орлогч О.Номинчимэг “Төв цэнгэлдэх хүрээлэнгийн бүртгэл, газар олголтыг Авлигатай тэмцэх газарт шалгуулж байгаа. Мөн Улсын бүртгэлийн ерөнхий газарт хандаж, лавлагаа авахаар ажиллаж байна. Хүрээлэнгийн орчимд баригдаж байгаа барилгын ажлыг Нийслэлийн Засаг даргын захирамжаар зогсоосон байгаа. “Төв цэнгэлдэх хүрээлэн” ХХК-ийн 51 хувийн хувьцаа эзэмшигчээр бүртгэлтэй Т.Нямдаваа нь 2023 оны долоодугаар сарын 31-ний өдөр нас барсан бөгөөд түүний хууль ёсны өв залгамжлагчид 2024 оны гуравдугаар сарын 28-ны өдөр өвөөсөө татгалзах хүсэлтээ ирүүлж, зөвшилцөх боломжтой гэдгээ илэрхийлсэн” гэсэн юм.
Ийнхүү “Төв цэнгэлдэх хүрээлэн” ХХК-ийн хувийн өмчийн хувьцааны хууль ёсны өвлөгчид өвлөх эрхээсээ татгалзах хүсэлт гаргасныг үндэслэн өр төлбөрт суутган тооцох хэлцэл хийж, орон нутгийн өмчид 100 хувь шилжүүлэн авах арга хэмжээг зохион байгуулах буюу “Төв цэнгэлдэх хүрээлэн” ХХК-ийн талаарх авах зарим арга хэмжээ тухай тогтоолын төслийг редакцийн засвартайгаар баталлаа.
Сэтгэгдэл15
ЗӨВ . Ер нь хуудуутай хувьчлагдсан улсын хэмжээний бүх улсын өмч - д ингэж хандаж - хууль зүйн шинэчлэл хийх ёстой \ шударга замаар бий болсон ХУВИЙН ӨМЧ - д БИШ ШҮҮ ...
Alga bolson 26 ga ni ingeed l tsairchih yum uu?
Ардчилал нэртэй 30 жилд шунахай хүмүүсийн гараар бүгд сөнөсөн. Имй шунахайчууд энэ объектыг авлаа гээд юу нь сайжирсан юм бэ? Улам навсайсан. сөнөсөн, ашиглалтгүй болсон. Одоо төр өмчөө авалгүй яахав дээ.
Бүүр нийслэлээс өчнөөн тэрбум төгрөг гаргаж засвар хийж бжээ. Нөгөөдүүл нь мөнгийг нь вч иднэ үү гэхээс ширхэг тоосго өрсөн болуу . Мэдээж наадам болохоор улс энийгээ ()
Ёстой зөв хүнийг хотын дарга болгожээ. Хотын мафийн МАНАН бүлэглэлийн гэмт хэрэгтнүүд хөлсний сэтгүүлчид болон сошиалын хүн хогнуудыг ашиглан сөрөг дайралтыг өдөр шөнөгүй хийж ирлээ. Гэвч үнэн шударга ялж байгааг харахад таатай байна. Нямбаатарыг Мөнх Тэнгэр,Дээдсийн ариун сүнс ивээх болтугай.Дайснууд аюутугай,сөнөтүгэй.
Odoo yynees hois anhaarch ylasiin emchiin gazaryydiig ynegyidyylej esbel hybi hynd egdegiig zogsooh heregtei!!!!bid chini tor zasagtai yum bol hot enyyniigee hariuzaad teriin temer nyyriig haryylaj ali bolohoor ter hybiiin hoorondiin yildeliig zabsardyylan heregledeg tyygeer damjuulan barizaalaj teriin ender deed tybsing ygyisgen hamaagyi hybichlahiig egnegt zogsooh ni manai ynet zyil yum!!!!
Нямбаатар шуу !
Нямбаатар шуу !
Niambaatar niisleld Huvisgal hiij bn. Sagsuurav aa Huuhed ee, bolohgui shuu !!! Euk-iin Hunsnii Huvisgalaar hunsnii. une. buulgaj ailiin haalgaar oruulj ene huvisgaliig AMI ORUUL. Niisleld 11 11 tuv ajilluul.
Naadamiin margaash namar. Utaa ???
Улсын бүртгэлийн ерөнхий ,Нийслэлийн болон , дүүрэгиин бүртгэлийн газарууд нь шүүхиин шиидвэрииг биелүүлдэгүй том болсон байна . Шудрага ниигэм байгуулна гэж байгаа ажилаа тэндээс эхлүүлээсэй дээ
S.OUTLET гэдэг дэлгуурт газар олгосон хунийг олж Шоронд хийгээрэй, Нямбаатар аа!!! Сэлбийн голыг таллаж хаагаад …….
S.OUTLET гэдэг дэлгуурт газар олгосон хунийг олж Шоронд хийгээрэй, Нямбаатар аа!!! Сэлбийн голыг таллаж хаагаад барьсан байсан
Шүүх барилга барих эсвэл нураах зөвшөөрөл өгдөг газар болсон юмуу? Энэ бол мафийн заль мэх юм шүү? Үүнийг эрүүл ухаантай хүн бүр ойлгож байгаа
Шүүх барилга барих эсвэл нураах зөвшөөрөл өгдөг газар болсон юмуу? Энэ бол мафийн заль мэх юм шүү? Үүнийг эрүүл ухаантай хүн бүр ойлгож байгаа