sonin.mn
Сэтгэгдэл (0)

БНХАУ-ын Статистикийн үндэсний газраас гуравдугаар сарын 9-нд 2024 оны 2-р сарын хэрэглээний үнийн индекс\CPI\, үйлдвэрлэгчдийн үнийн индекс\PPI\-ийн гаргажээ. Тодруулбал, өнгөрсөн 2-р сард хэрэглээний үнийн индекс өмнөх сараас 1 хувиар өссөн байна. Хүнс, эрчим хүчний үнийг үл тооцвол хэрэглээний үнийн индекс өнгөрсөн оны мөн үеэс 1.2 хувиар, өмнөх сараас 0.8 нэгжээр өссөн нь 2022 оны 2-р сараас хойших хамгийн өндөр өсөлт болсон гэнэ.


Хэрэглээний үнийн индекс 1 хувиар өсөж , өмнөх сарынхаас 0.7 нэгжээр нэмэгдсэн аж. Энэхүү үзүүлэлт нь голдуу хүнс, үйлчилгээний үнийн өсөлт дээр тулгуурласан байна. Үүнд, хүнсний бүтээгдэхүүний үнэ 3.3 хувиар өссөн нь өмнөх сараас 2.9 нэгжээр нэмэгджээ. Нөгөө талаар цагаан сарын амралтын үеэр Хятадуудын зорчих хөдөлгөөн, соёл, амралт цэнгүүний үйлчилгээний хэрэглээний эрэлт эрс нэмэгдэж, онгоцны тийз, олон нийтийн тээврийн хэрэгслийн үнэ, аялал, кино урлаг, тоглолтын тасалбарын үнэ 12.5-23.0 хувийн өсөлттэй байж, хэрэглээний үнийн индексийн 0.3 нэгж орчмын өсөлтөд нөлөөлсөн гэнэ. Мөн олон улсын нефтийн үнийн өсөлтийн нөлөөгөөр дотоодын шатахууны ханш өнгөрсөн сард 1 хувийн бууралттай байснаас 2 хувийн өсөлттэй болжээ. Энэ нь хэрэглээний үнийн индексийг 0.07 нэгжээр өсгөсөн байна.


Г.Бямба