Монгол Улсын Баатар Э.Бат-Үүл хөлбөмбөгийн хөгжилтэй холбоотой асуудлаар байр сууриа илэрхийлжээ.

Тэрээр нийгмийн сүлжээнд бичихдээ: " Хөл бөмбөг үзэхүй дор бодож сууна!

Монголчууд бидний гуйлгачин сэтгэлгээ, манай хөгжил дэвшлийг тээглэгч гол бул чулуу аж.Бусдаас яаж мөнгө салгах вэ гэдэг бодлоос өөр ухаан ажиллахгүй учраас аргагүй!

Би хотын дарга байхдаа энэ гуйлгачны сэтгэлгээ нь Монголын Хөл Бөмбөгийн Холбоонд нэвт шингэсэн байгааг харж билээ.Хөл бөмбөг хөгжүүлэх амин сүнсийг олж харахаас илүүтэй, Дэлхийн хөлбөмбөгийн холбоо мэтээс яаж мөнгө салгах гэсэн мэхээ л их боддог юм билээ.Габи нэг иймэрхүү байв!

Үнэндээ хөлбөмбөг хөгжих азаартыг бий болгох амин сүнс нь дов жалгын хоорондын амь тавьсан өрсөлдөөн юм. Англичууд үүнийг анх нээж харан хөл бөмбөгийг хөгжүүлсэн.

Английн ванлиг гүнлэгүүдийн рыцарууд хоорондоо байнга аладан тулалддаг байв. Ванлиг гүнлэгүүдийнхээ нэр төрийн төлөө рыцаруудын цус урсгасан тулаан нь орчин үед,ванлиг гүнлэгүүдийн нэр төрийн төлөө гоол оруулдаг хөлбөмбөг болон хувирсан ажээ.Английн хөл бөмбөг нь явж явж Лондон, Манчестер, Ливерпуул гэх мэт хотуудын нэр төрийн төлөө тэмцэл болж чаджээ.Рыцаруудын оронд хөл бөмбөгчид тулалддаг болсон.Хөлбөмбөгчид бол орчин үеийн рыцарууд, хөлсний цэргүүд мөн билээ!

Монголд хөлбөмбөг хөгжүүлье гэвэл,спорт бол жалга довын нэр төрийн төлөө тэмцэл байдаг гэсэн философийг нь ойлгох хэрэгтэй аж.

Жишээ нь Улаанбаатарын цомын аврагын финалд “Баянхошуугийн харцагууд” гэдэг баг, “Зайсангийн харцагууд” багтай тунаж үлдэж тэмцэлдвэл улаанбаатарчууд хоёр анги болон хуваагдаж стадион пиг дүүрэх нь ойлгомжтой. 

Жишээ нь “Өвөрхангайн морьтонгууд” гэдэг Өвөрхангайн баг, “Увсын шонхорууд” гэдэг Увсын баг хоёр,Улсын аврагын финалд шалгарч үлдээд стадионд тогловол наадмын шөвгийн дөрөв ёстой цаашаа л болно.

Жишээ нь “Дарханы төмөрчид” баг, “Эрдэнэтийн зэсчид” багтай финалд үлдэж аврагын төлөө тэмцвэл энэ хоёр хотынхон нойргүй хононо.

Тиймээ! Спорт бол жалга довын нэр төрийн төлөө тэмцэл юм.Тийм болохоор хөлбөмбөг,сагсанбөмбөг, хоккей зэрэг мэрэгжлийн спортуудын багууд нь жалга довынхоо нэрээр заавал овоглодог учиртай.

Манайд үндэсний бөх яагаад Монголын хамгийн том спорт байж чаддаг вэ гэхээр, энэ спорт аймаг,сумынхаа нэр алдрыг мандуулдаг, жалга довоор нь үзэгчдээ хувааж чадсан ганц спорт нь ажээ. Баянмөнх аврага, Мөнхбат аврага хоёрын ачаар ийм болсон!

Монголын Хөлбөмбөгийн Холбоо үүнийг ойлгодоггүй бололтой юм билээ!

Харин,хүн амаа жалга довоор нь хуваахыг хатуу хориотой манай улстөрчид нь нийгмээ жалга довоор нь хуваагаад тоглож өгч байна.Хөл толгойг нь сольчихсон ийм улс яаж хөгжих вэ дээ" гэсэн байна.