sonin.mn
Сэтгэгдэл (0)

Дижитал Хятад орныг бүтээн байгуулах 9 дэх дээд хэмжээний уулзалт өнөөдөр (29-нд) Фужоу хотод нээгдлээ. Энэ жилийн дээд хэмжээний уулзалт "Дижитал болон ухаалаг технологийн инновацийн хөгжлийг хурдасгаж, дижитал Хятад орны бүтээн байгуулалтыг гүнзгийрүүлэе" уриан дор болж байна. Туршин мэдрэх тухайн талбайд "Хиймэл оюун ухаанд суурилсан инноваци" зэрэг таван үндсэн хэсгийг байрлуулж, 100 гаруй интерактив төслүүдийг гайхалтай зохион байгуулж, аж үйлдвэр, хүмүүсийн амьжиргаа зэрэг салбарын өгөгдлийн элементүүдийн хамгийн сүүлийн үеийн хэрэглээний хувилбаруудыг харуулсан байна.




Нээлтийн ёслол болон гол форум 29-нд боллоо. Дээд хэмжээний уулзалтын үеэр "Дижитал Хятад орны хөгжлийн тайлан (2025)", Дижитал Хятад орны хөгжлийн индекс, "Үндэсний өгөгдлийн нөөцийн судалгааны тайлан (2025)" зэрэг Дижитал Хятад орны бүтээн байгуулалтын түүхэн ололт амжилт болон шинэ дэвшлүүдийг нийтлэх болно.


Хятадын үндэсний мэдээллийн товчооны хэвлэлийн төлөөлөгч, Ерөнхий газрын дэд дарга Гао Бө хэлэхдээ: Энэхүү дээд хэмжээний уулзалт нь аж ахуйн нэгжүүдэд үйлчлэх, хөгжилд үйлчлэх гэсэн ойлголтыг улам бүр онцолж байна. Одоогийн байдлаар, бүртгэлтэй 24,000 зочдын 75% нь аж ахуйн нэгжүүд болно. 50 гаруй дэд форум, харилцан ярианы арга хэмжээний 28-ыг нь аж ахуйн нэгжүүд зохион байгуулж байна. Газар дээрх туршлагын хэсэгт 400 гаруй байгууллага нэгж оролцсон бөгөөд үүний 80%-иас дээш хувь буюу 320 гаруй аж ахуйн нэгж оролцож байна. Дээд хэмжээний уулзалтаар 120 гаруй амжилт бүтээлийг танилцуулахаар төлөвлөж байна.