sonin.mn
Сэтгэгдэл (0)
Хүүхэд байхад ирээдүйн тухай бодоход нэг л сайхан мөрөөдөл байдагсан. Бидний үеийнхэн ирээдүйг яаж төсөөлж, мөрөөддөг байсныг энд нурших нь илүүц юм даа. Гол нь ирээдүй гэдэг нэг л сайхан гэгээлэг бидний мэдэхгүй зүйл байсан болохоор би гэдэг чинь ирээдүйгээ тэсэн ядан хүлээж, түүн рүү яарч тэмүүлдэг байж. Өнөөдөр би 60 гарсан өвгөн болсон хойно миний бага насны мөрөөдөл биелэлгүй, хүүхэд насны минь ирээдүй ард минь үлдэж өнгөрсөн цаг болсон ч, надад харамсах зүйл алга. Алдаж онодог хорвоод хэтэрхий их алдсандаа ч харамсах юм алга. Тавилангаараа л болж.
Харин өнөөгийн өндөрлөгөөс ирээдүйн тухай бодохоор тун харамсмаар байх юм. Та бүхэн намайг хадан гэртээ очих нь ойртоод л харамсаж байна гэж бодох байх? Тэгвэл ёстой тийм биш. Харин ч би өөрийгөө гайгүй сайхан цаг үед амжаад амьдарчихлаа гэж сэтгэл хангалуун байна. Дайны гамшгийг үзсэнгүй. Хүмүүсийг байгаль эхтэйгээ илүү ойрхон, хүний мөс чанар, ухамсар, сэтгэл оюунаа гээгээгүй, одоогийнхоос хавьгүй илүү байхад амьдарсандаа баяртай байна. 
 
Сүүлийн 30 жилд бидний монголчууд ямар их өөрчлөгдөв өө? Цаашид бүр л дордох юм байна. Энэ муухай болж байгаа нийгэмд амьдрахад ямар ч жаргал алга. Өөрчлөгдөх гэрэл гэгээ харагдахгүй байна. Учир нь монголчууд жинхэнэ тархины тураалд орчихсон байна.
 
Гадны хүмүүс үүнийг аль эрт олж хараад бидний тухай бичиж л байсан. Уг нь бол монгол хүмүүсийн оюуны чадавхи өндөр гэдэгт би эргэлздэггүй. Гэтэл бид хараагдсан ард түмэн шиг өөдлөхөө байлаа. Өнөөдөр бид хэн юм бэ? Нэг л их өнгөрсөн түүхээрээ хий хоосон бахархаж цээжээ дэлдсэн хүмүүс. Бас болоогүй бид бол тэнгэр заяатай, зовхи нь өөдөө босоо монголчууд бид сэхнэ гээд л хоосон чалчаад байдаг. 
 
Гэтэл бидний ирээдүй өнөөдрөөс л шалтгаална. Тэгвэл бид өнөөдөр ямар байна? Бид ирээдүйнхээ төлөө юу хийж байна? Бид бол Монгол улсыг мөхөл рүү нь л залж явна. Монголчуудтай яривал бүгд л ухаантай. Бүх сэдвээр үг хэлүүлэхгүй цэцэрхэнэ. Жаахан лавшруулаад харвал тэд зүгээр л биеэ тоосон, тархины тураалд орсон хоосон чалчигчид болж байна. Ухаантай ард түмэн бол 30 жил ингэж эргүүтэж амьдрахгүй биз дээ? Товчхондоо Монголын ирээдүй бүрхэг байна. 
 
Ер нь хүн төрөлхтний ирээдүй ч бүрхэг боллоо. Хамгийн инээдтэй нь бид одоо цаг дээрээ ч амьдарч чадахгүй, одоо цагаасаа хоцорч явдаг байх юм. Хүн төрөлхтний техник, технологийн төвшин ямар хэмжээнд хүрснийг мэдэхгүй, зөвхөн бидэнд зөвшөөрөгдсөн зүйлсийг л дутуу хагас мэдэж амьдардаг байна. Бид бүхний зүүдэнд ч оромгүй хөгжсөн техник технологийн дэвшлийг хүн төрөлхтөнд ил гаргахгүй нуусаар байна. Нефть болон нүүрс хэрэглэхгүй байгальд хоргүй эрчим хүчний асуудал аль эрт нээгдчихсэн байна. Угаасаа л 100 гаран жилийн өмнө Николас Тесла үүнийг нээчихсэн л байсан. Гэвч мөнгөний эздүүд үүнийг дараад ил гаргахгүй байгаа. Нисдэг таваг энэ тэр чинь цуурхал бус бодит зүйл. Дэлхийн татах хүчний үйлчлэлийг үгүйсгэж ажилладаг хөдөлгүүр бүхий нисдэг хөлгүүд хийгдчихсэн. Эдгээр олон техникийн ололт амжилтыг хэн биднээс яагаад нууж байна вэ? 
 
Газар доор хичнээн олон соёл иргэншил байгаа, бидний дунд манай дэлхий дээр хичнээн олон харь гаригийн төлөөллүүд амьдардаг, манай гаригийнхан Ангараг гаригийг аль эртнээс эзэмшиж байгаа, тэнд өөр харь гаригийн хичнээн төлөөлөл байдаг, ер нь эх дэлхий дээр минь хаана юу байдаг, дэлхийн болон хүн төрөлхтний түүх бидэнд зааж сургаж байснаас шал өөр болох тухай, дэлхийг ер нь хэн захирч удирдаад байгаа, хүн төрөлхтнийг ямар хувь заяа хүлээж байгааг мэдэхгүй, ойлгохгүй амьдраад л дуусах болж байгаа юм байна. 
 
Ирээдүйн хүмүүс жинхэнэ утгаараа байгалиас заяасан мөн чанараараа байх нь нэгэнт өнгөрчээ. Сүүлийн үед дэлхийн олон эрдэмтэн, судлаачид Коронагийн дараа хүн төрөлхтөн шал өөрөөр амьдрах болно гэж хэлээд байдаг нь ийм учиртай юм. 
 
Би яахав амьдардгаа амьдарсан. Хүн төрөлхтний ирээдүй, монголын ирээдүйд л харамсаж байна. Уг нь бол бүх хүн төрөлхтөн ухамсартайгаар тэмцсэн бол мөнгөний эздийн энэ новшийн төлөвлөгөөг нурааж болох л байсан. Харамсалтай нь тийм зүйл болохгүй нь бололтой???....
 
 
Нийтлэлч Гочоогийн Ламжав (Эрдэнэт)