sonin.mn
Сэтгэгдэл (2)

Ардчилсан нам "4:11" мэдээллийн цаг-хэвлэлийн хурал хийв.


Энэ үеэр АН-ын дэд дарга Ч.Өнөрбаяр: “Үндсэн хуулийн цэц өчигдөр Үндсэн хуулийн үзэл баримтлалын эсрэг бүдүүлэг шийдвэр гаргалаа. Ардчилсан Үндсэн хуулийн амьд дуу хоолой, илэрхийлэл нь ҮХЦ өөрөө байх ёстой. Гэтэл цэцийн дарга болон зарим гишүүний бүрэн эрхийн хугацаа дууссан байхад ийм шийдвэр гаргаж байгаа нь улс төрийн ашиг хонжоотой мэт харагдаж байна.


Өнөөдөр Монгол Улсын авлигын индекс 124 дүгээр байр хүртэл ухарсан. Үүнд зөвхөн Авлигатай тэмцэх газар бус шүүхийн байгууллага ч хариуцлага үүрэх ёстой.



Сүүлийн зургаан жилийн хугацаанд шударга ёс бэхжсэнгүй, нийгмийн бухимдал буурсангүй. Шоронгоор айлгадаг бодлогоо өөрчлөх цаг болсон.



Бизнес эрхлэгчид алдагдал хүлээвэл дампуурдаг л байх ёстой. Гэтэл улс төрийн зорилгоор эрүүгийн хуулийг ашиглаж, дарамт шахалт үзүүлдэг байдал бий болсон.Хүний үндсэн эрхийг зөвхөн шүүхийн зөвшөөрлөөр хязгаарлах ёстой. Гэтэл өнөөдөр мөрдөн байцаалтын нууц нэрийн дор хүний эрх зөрчигдөж, хуулиар айлгадаг тогтолцоо бий болсон. 4.3 их наяд төгрөгийн хохирол барагдуулах шүүхийн шийдвэр гарсан ч үүнээс ердөө 1.2 их наяд төгрөгийг л барагдуулсан. Шүүхийн шийдвэр биелдэггүй улсад хэн ч зоригтой бизнес хийхгүй. Хуулийн хэрэгжилтийг хангаж чадахгүй бол Ерөнхий сайд өөрөө хариуцлага хүлээх ёстой" гэлээ.




Н.Отгончимэг