sonin.mn
Сэтгэгдэл (17)

2025 оны шинэ оны босгон дээр, БНХАУ-ын дарга Ши Жиньпин Хятадын төв радио телевиз болон интернетээр дамжуулан шинэ оны мэндчилгээ дэвшүүлжээ. Тэрээр 2024 онд Хятад улс болон дэлхий дахины туулсан ер бусын замналыг дүгнэж, хүн бүрийн хүсэл биелж, улам их баяр баясгалантай, амар амгалан байхыг хүсэн ерөөсөн байна.

Ши Жиньпин мартагдашгүй 2024 оныг "Дөрвөн цагийн салхи борооныг хамтдаа даван туулж, амаргүй нэг жилийг ардаа орхих гэж байна" гэж дүгнэв. Тэрээр Хятадын өнгөрсөн жилийн ололт амжилтыг гурван тоо баримтаар илэрхийлсэн ба нэгдүгээрт, ДНБ 130 их наяд юаниас давж, Хятадын эдийн засаг сэргэж байгааг харуулж байна. Хоёрдугаарт, үр тарианы нийт ургац 700 сая тонноос давж, Хятад улс хүнсний бүтээгдэхүүнээр өөрийгөө хангаж чадсан байна. Гуравдугаарт, шинэ эрчим хүчний автомашины жилийн үйлдвэрлэл 10 саяас давж, үйлдвэрлэлийн шинэ салбар, шинэ хэлбэр, шинэ загварууд ар араасаа гарч ирж буйг харууллаа.


Ши Жиньпин өнгөрсөн нэг жилийн хугацаанд Хятадын үйл ажиллагааг дүгнэхдээ, хаа сайгүй харсан "өнгөлөг амьдрал", "олз омогтой сэтгэгдэл" нэмэгдэж буйд баярлаж байгаагаа илэрхийлсэн байна. Тэрээр хэлэхдээ, улс орон, гэр бүл, дэлхий дахины үйл хэрэгт анхаарч, ард түмнээ сайн сайхан амьдруулах бол бидний тэргүүн чухал үүрэг мөн гэжээ.


Олон улсын нөхцөл байдлын талаар Ши Жиньпин онцлон тэмдэглэхдээ, Хятад улс хариуцлагатай том орны хувьд дэлхийн засаглалын өөрчлөлтийг идэвхтэй ахиулж, дэлхийн өмнөдийн орнуудын эв нэгдэл, хамтын ажиллагааг гүнзгийрүүлж байна. “Бүс ба Зам”-ыг өндөр чанартайгаар үргэлжлүүлэн бүтээн байгуулж, Хятад-Африкийн хамтын ажиллагааны форумын Бээжингийн дээд хэмжээний чуулга уулзалтыг амжилттай зохион байгуулж, хоёр талт болон олон талт уулзалтын үеэр Хятад улсын санаачилгыг тодорхойлж, улмаар дэлхийн энх тайван, тогтвортой байдлыг хамгаалахад эерэг эрч хүч сэлбэсэн юм гэсэн байна.


2025 оныг Ши Жиньпин итгэл дүүрэн харж байгаа аж. Тодруулбал тэрээр хэлэхдээ, 2025 онд Хятад улс “14-р таван жилийн төлөвлөгөө”-г хэрэгжүүлж дуусаж, Хятад маягийн орчин үеийн шинэчлэл нь өөрчлөлт нээлтийн дунд зайлшгүй улам саруул дардан хэтийн төлөвтэй золгох болно. Хятад улс нийгмийн бүтээн байгуулалт, засаглалын төвшинг тасралтгүй дээшлүүлж, ард түмний том жижиг асуудлыг сайтар шийдвэрлэж, хүн бүрийг илүү инээмсэглэж, халуун дулаан байлгах болно гэжээ.

Мөн дэлхийн олон зуун жилийн өөрчлөлт хурдацтай явагдаж, уужуу багтаамжтайгаар санал зөрөлдөөн, мөргөлдөөн зэргийг зохицуулж, хүн төрөлхтний нэгдмэл хувь заяаг авч үзэх ёстой. Хятад улс дэлхийн улс түмэнтэй хамтдаа найрсаг хамтын ажиллагааг ахиулагч, соёл иргэншлийн солилцоог дэмжигч, хүн төрөлхтний хувь заяаны нэгдмэл цогцын бүтээн байгуулалтын оролцогч байж, хамтдаа дэлхийн сайн сайхан ирээдүйг цогцлооход Хятад улс бэлэн байна гэж Ши Жиньпин дурьдсан байна.


Г.Бямба