sonin.mn
Сэтгэгдэл (18)

Үнэн Ба Зөв намын дарга А.Отгонбаатарыг Зөрчлийн тухай хуулийн 5.2 дугаар зүйл буюу танхайрах зөрчил үйлдсэн гэж үзэн, өнөөдөр Баянзүрх, Сүхбаатар, Чингэлтэй дүүргийн шүүхээс долоо хоног баривчлах шийтгэл оногдуулсан билээ.


Үүнтэй холбоотойгоор А.Отгонбаатарын эхнэр Ч.Ундрахтуул, Үнэн Ба Зөв намын ЕНБДарга Ш.Мөнхсайхан, Үнэн Ба Зөв намын Тэргүүн Дэд дарга П.Шинжээравдан, Г.Солонго нар мэдээлэл хийв.



Энэ үеэр ХҮН намынхан: "Жижиг намуудыг дарая гэсэн улс төрийн захиалга явсан гэж хардаж байна. Олон ч эрх баригчдыг хорьсон, хорьж байна. Эрх баригч гурван нам МАН, АН, ХҮН намынхан больцгоо. Энэ гурван намынхан л хуулийн байгууллагынханд захиалга өгч, барьж хорь гэж захиалга өгсөн гэж хардаж байна.Гадны захиалгаар маш олон хууль баталж байгаа, батлах гэж байгаа. Үүний төлөө дуугарч, тэмцдэгүүдийг нь хорих гэж байна. А.Отгонбаатарын хувьд багш нарыг асуудлыг хөндөж ярьж байгаа. Багш нараа өмөөрч, цалинг нь нэм гэж үзэл бодлоо илэрхийлсэн хүнийг нь шоронд оруулчихаад, зодсон нөхрийг нь Төрийн Ордонд оруулчихсан. Өнөөдөр тэр нөхөр гадуур зүгээр гүйгээд явж байна. Хэрэв үнэхээр шударга шүүх гэж байдаг юм бол анхаарлаа хандуулаач.А.Отгонбаатарыг барьсан шиг ХҮН намын Т.Отгонбаатарыг барьсан байсан бол бид гомдох юм байхгүй." гэв.


Э.Жавхлан