"Энэ хурлаар БНХАУ-ын эдийн засгийн тогтвортой өсөлтийг хангах шаардлагатай байгааг тодорхой илэрхийлсэн. Надад хамгийн их сэтгэгдэл төрүүлсэн зүйл бол "Илүү идэвхтэй макро бодлого хэрэгжүүлж, дотоодын эрэлт хэрэгцээг тэлэх" нь Хятадад хөрөнгө оруулах гадаадын компаниудад маш чухал ач холбогдолтой" хэмээн 12-р сарын 11-12-ны өдрүүдэд Бээжинд болсон ХКН-ын Төв хорооны эдийн засгийн ажлын хурлын талаар Германий Качер брэндийн Хятадын бүс нутгийн ерөнхийлөгч Тан Шяодун сэтгүүлчдэд ярьжээ. Хятадын Олон Улсын Радио энэ тухай: "Дэлхийн хэмжээнд авч үзвэл, энэхүү чухал хурал нь Хятад улсын өөрийн үйл хэргийг зохицуулахад үндэслэсэн төдийгүй шинэ онд дэлхий дахинд хамтаар хөгжих боломжийг авчрах болно гэдгийг хүмүүс илүү сайн ойлгож байна. 2024 онд дэлхийн эдийн засаг бага өсөлттэй хэвээр байх бөгөөд олон улсын геополитикийн нөхцөл байдал улам бүр тодорхойгүй болж, ялангуяа улс орнууд худалдааны ивээх үзлийг улам хурцатгаж, дэлхийн худалдаа, хөрөнгө оруулалтын өсөлтөд нөлөөлнө. Ээдрээтэй нөхцөлд эдийн засгийн ажлын хурлын өгч буй дохио нь хүмүүст тогтвортой байдал, тодорхой байдлыг авчирсан. 2025 онд Хятад улс эдийн засгийн сорилтод илүү идэвхтэй хандаж, эдийн засгийн өсөлтөө хадгалж, Хятадын эдийн засаг, цаашлаад олон улсын зах зээлд гүн нөлөө үзүүлнэ гэж гадаадын хэвлэлүүд үзэж байна.

"Нээлттэй байх" нь Хятадын эдийн засгийн онцлог шинж чанар юм. 2024 онд Хятад улс үйлдвэрлэлийн салбарт гадаадын хөрөнгө оруулалтад тавьсан хязгаарлалтыг цогцоор нь цуцалж, улсын хэмжээнд анх удаа хил дамнасан үйлчилгээний худалдааны сөрөг жагсаалтын удирдлагын тогтолцоог бий болгож, 9 цэгт 100 хувь гадаадын хөрөнгө оруулалттай эмнэлгүүдийг туршилтаар байгуулахыг зөвшөөрчээ. 2025 онд Хятад улсыг нээлттэй байлгахад юуг анхаарах вэ? Бие даасан нээлттэй, нэг талын нээлттэй байдлыг эмх цэгцтэй өргөжүүлж, байгууллагын нээлттэй байдлыг тууштай өргөжүүлж, харилцаа холбоо, эмнэлгийн тусламж, боловсрол болон бусад салбарт туршилтын нээлтийг өргөжүүлж, "Бүс ба зам"-ын хамтын бүтээн байгуулалтыг чанарын өндөр түвшинд ахиулна. Zeiss Greater China компанийн ерөнхийлөгч бөгөөд гүйцэтгэх захирал Форстер Хятад улс дэлхийн хамгийн том баялаг бүтээгч болно гэж таамаглаж байна, "Хятадын зах зээл маш том бөгөөд олон талт учраас бид үүнийг үл тоомсорлож болохгүй" гэжээ.

Хятадын эдийн засаг бол цутгалан ихтэй далай тэнгис юм. 2025 онд Хятад улс "14-р таван жил"-ийн эцсийн жилийг эхлүүлнэ. Өнөөгийн эдийн засгийн үйл ажиллагаа олон хүндрэл, сорилттой тулгарсаар байгаа ч урт хугацаанд сайжруулахад туслах нөхцөл, үндсэн чиг хандлага өөрчлөгдөөгүй байна. "Илүү эерэг" хөгжлийн хандлагын цаана Хятад улс дээд түвшний нээлттэй байдлыг өргөжүүлэх, дэлхийн өнцөг булан бүрээс компаниудыг хүлээн авч хөгжлийн боломжоо хуваалцах хүсэл эрмэлзэлдээ тууштай хэвээр байна." гэжээ.

Г.Бямба