sonin.mn
Сэтгэгдэл (45)

Украин дахь Оросын цэргийн тусгай ажиллагаа (СВО) 2.7 дахь сар дээрээ (936 хоног) ирж байгаатай холбогдуулан мэдээллийн тэнцвэртэй байдал хангах үүднээс Freeдом ТВ, Униан сайт, “24 Канала” ТВ, Business Insider сэтгүүл, Зеленскийн хэвлэлд өгсөн ярилцлага зэргээс орчуулж сонирхуулъя. Энд sonin.mn сайтын байр суурь тусгагдаагүй болно.

 

Орос-Украины дайн дроны хөгжлийг хэдэн 10 жилээр урагшлуулж байна. Украины дрон 3600 метрийн өндөрт оросын дроныг устгаснаар өндрийн рекордыг (2700 метр) эвджээ.


“Шахедыг устгагч” нэртэй амдан сөнөөгч дрон бүтээж туршиж байна. Украиныг оросууд басалтгүй, барууныхан зэвсгээр хавчилтгүй боллоо. “Галт луу” (оросоор “дроны-драконы”) дроных нь галан шүржилтээс айгаад оросын цэргүүд урагш давших нь бүү хэл, дарга цэрэггүй тушаал биелүүлэхээс татгалзан, байлдах хүсэлгүй, сэтгэл зүйн маш хүнд дарамтад орж, байрлалаа орхин явсан тухай мэдээлж байна. Одоо тийм дронон зэвсгээ Украин фронтод өргөн хэрэглэж эхэлнэ. Орос цэргүүд ялах тухай, давших тухай бодохтой манатай үнс болох айдсын дор орно. Давшсан явган цэргийн 70%, танк хуягтын 90% украины галд өртөж байна.


“Business Insider”-т цэргийн шинжээчид янз бүрээр бичиж байна. Дрон нь нам дор өндөрт нисч галаар тургин хавьтсан болгоноо түймэрдэж байгаа видео бичлэг ч их таржээ. Шатаах хүчин нь 4000 градус хүртэл халж хүн байтугай зэвсэг техник, окоп, блиндажийг үнс нурам болгох бүү хэл бүр юу ч үлдээхгүй болгоно. Нисэгчгүй онгоцны довтолгоо дэргэд нь хүчгүй болж байна.

 

“Галт луу” дроны довтолгоотой зэрэгцээд Украинаас сайн мэдээ тасрахгүй ирж байна. Дорнод фронт дээр оросууд ухарч байна. Украины арми сөрөг довтолгоо эхлүүлж байх шиг байна. “Оросын арми фронтын бүх шугамын дагуу давших оролдлогуудаа зогсоосон, азнасан, хүлээзнэсэн байдалтай байгаа”-г Украины БХЯ-ны Цэргийн тагнуулын дарга Кирилл Буданов мэдэгджээ. Курскийн чиглэлд хийсэн давшилт ч үр дүнгээ өгч эхэлж байгаа бололтой. Оросууд Донбасст хагас жил давшаад эзлэн авснаас хоёр дахин их газар нутгийг Украин нь Курщинад эзлэн авчээ.

 

“Галт луу” дроноос цаашлаад Украины зэвсэгт хүчинд шинээр асар хүчтэй агаарын зэвсэг очих болжээ. ОХУ-д цохилт өгөх, улмаар дайныг өөрчлөх шинэ КАБ бэлэн болж байна. Нисэхийн эксперт Константин Криволапын ярьснаар бол_ тун удахгүй фронт руу илгээнэ, хөнөөх хүчин чадал, алсын удирдлага гээд oросын КАБ-аас дутахгүй, бүр ч давж гарна, 65 км-ийн зайнаас цохилт өгч чадна гэжээ. Ингээд оросын цэргийн объектууд Оростоо ч, Украинд ч амар заяа үзэхгүй боллоо. Их Британи, АНУ хоёр Украинд өгсөн бүх зэвсгээ ямар нэгэн хязгаарлалтгүй хэрэглэх эрх өглөө. Одоо ATACMS, Storm Shadow пуужингаар Оросын аль ч хот руу цохилт өгөх боломжтой боллоо. Крымын алдарт гүүр оросуудын хувьд “Баяртай!” болж байна. Керчийн гүүр нурж эхэллээ. Оросууд $15тэрбумын өртөгтэй босгосон стратегийн энэ гүүр ашигладахаа болив. Төмөр замын тал нь шатаж хайлаад ашиглах боломжгүй болоод удаж байна. Авто замыг нь мөд дэлбэлнэ.

 

Нөхцөл байдал ийнхүү Орост ашиггүй эргэсэн, фронт Оросын нутагт шилжиж орж ирсэн зэргээс үүдэн оросууд Украинд ямар нэгэн цэргийн тусгай ажиллагаа явуулсан биш, харин ДАЙН болж байгааг хүлээн зөвшөөрцгөөж эхэллээ. Оросын албаны мэдээнүүдэд саяхнаас ДАЙН гэдэг үг хэрэглэж байна.

 

Орост хуягт техник, артиллер нэн дутагдалтай болж байгаа тухай “24 Канала” ТВ-ээр цэргийн эксперт Евгений Дикий ярьж байна. Оросын хувьд идэвхтэй байлдая гэвэл танк, хуягт нь ганц жил, ганц жил ч хүрэхгүй нөөцтэй үлдсэн. Янз бүрийн зэвсэглэл илт дутагдаж байна. Хэдийгээр дайчилгааны шинэ давалгаа зарлан цэрэг татлаа ч Орос нь байлдаанаа үргэлжлүүлж чадах эсэх нь эргэлзээтэй боллоо. “Би худлаа хэлэхгүй. Бидэнд 2-3 долоо хоног л тэсэх үлдсэн, 2-3 сар биш шүү, 2-3 жил гэж ярилтгүй. Бид хоёр жил хагас байлдаж байна. Харин энэ намрын үйл явдлууд шийдвэрлэх байж магадгүй, тийм боломж харагдаад байна. Бид хоёр жил хагас хүрнэ чадна гэж тэмүүлсэн тэр хязгаартаа хүрэх боломжтой болж байна” хэмээн Дикий ярьжээ.

 

Яагаад энэ намар гэж онцлох болов? Украин ямар стратеги, тактик сонгож энэ улирлыг авав? Энэ тухай таамаг сайтуудад олон байна. ОХУ-ын Курск муж руу гэнэт халдан довтолсон, Москва мужийн хотуудад гэнэт 144 дроноор халдсан. Иргэний орон сууц шатсан, орос хүний амь үрэгдсэн. Фронт Москвад тулж ирсэний шинж тэмдэг илт мэдрэгдлээ. Энэ бүхэн нь оросуудад нэгэн зүйл бодогдууллаа. “Москва яагаад дайнд өртөв, яагаад фронт орчмын хот болов” хэмээн сая сая оросууд асуулт тавьж хариулт хайхад л ОХУ аяндаа дайнаа зогсоох ажээ. Украинаас цохилт өгөх төлөвлөгөө бэлэн болсон. Газрын зураг дээр харагдаж байна.


Ерөнхийлөгч Владимир Зеленский өөрөө дайныг намар дуусгах төлөвлөгөө гэдгээ дэлгэлээ. Юунд найдаж тийм төлөвлөгөө боловсруулав гэвэл Орост үзүүлэх олон улсын даралт шахалт Оросыг эргүүлнэ гэв. Гэхдээ Украины талаас тавих нөхцөл болзлын дор Орос дайнаа зогсооно гэж үзжээ.


Орост бүх зүйл тодорхой болсон байна. Фронтын шугамын дагуу Орост сайнаар эргэх ямар ч хэтийн төлөв харагдахгүй байна. Дан эрсдэл.


Украины хувьд гол гол гэж үздэг холбоотон орнуудынх нь цэргийн тусламж сулрах эрсдэл учирвал, мөн Трамп сонгуульд ялаад америкийн зэвсгийн тусламжийг бужигнуулбал, Путинтэй тохиролцоно гээд стандарт бус шийдэл гаргавал Украины Ерөнхийлөгч дайныг дуусгасан байх өөрийнхөө замын зургаа бэлэн болгосон байх хэрэгтэй, тэр нь энэ намар хэрэгжих магадлалтай гэж үзэж байна. Гол нь Орост олон улсын даралт шахалт их очсон байх ёстой, түүнд үлэмж найдна. Ялалтын төлөвлөгөө гэдгээ Зеленский анх 8 дугаар сарын 27-нд ил болгожээ. ОХУ-ын хүсэл, тулгалтаар биш, харин манай түншүүдийн тусламжаар дайн дуусгах төлөвлөгөөг хэрэгжүүлнэ, хэрэгжих гол гарц нь Курск муж дахь украины цэргийн ажиллагааны амжилт байх болно, зэрэгцүүлээд бид энх тайвны төлөвлөгөөгөө түншүүддээ танилцуулна, он дуусахын наана Энх тайвны II Саммит зохион байгуулна, харин түүндээ Оросыг урихаар төлөвлөж байна. Нэгдүгээр Саммитаас ялгаатай нь Орос уригдах явдал болно–Зеленский ярьжээ. Бас нэг яриандаа оросын арми Украинд 137 мянган дайны гэмт хэрэг үйлдсэн гэж мэдэгджээ.

 

Зеленский болон украины бусад улс төрчдийн мэдэгдлүүдээс үзвэл, Украины энх тайвны II уулзалт Орост шахалт үзүүлэх зорилготой болох бололтой. Гэхдээ Киевээс санал болгох нөхцлийг Орост тулгах маягаар.


Одоо гол нь Орос тэрхүү нөхцлийг хүлээн авах эсэх нь Оросын ойрын түнш гүрнүүдийн байр сууриас үлэмж шалтгаална. Тэр нь Хятад, Энэтхэг хоёр юм. Тэр хоёр улс өнөөг хүртэл Москвад нөлөөлж болох тэр боломж хүчээ ашиглаагүй байгаа. Ашиглахыг хүсэхгүй явж ирсэн. Украины нутаг дэвсгэрээс Оросын цэргийг бүрэн буюу хэсэгчлэн гаргах талаар тэр хоёр улс шаардвал Орост нөлөөлж болно хэмээн шинжээчид үзэж байна


Англи, орос хэлнээс хөрвүүлсэн Дүгэржавын Номиндарь