sonin.mn
Сэтгэгдэл (58)

Зөвлөлт Украинд цэргийн дээд сургуульд суралцан төгсгөж зэвсэгт хүчиндээ зүтгэж явсан олон арван офицерын нэгийн хувьд дайн байлдаан, давшилт хориглолтын талаар энгийн иргэдийг бодвол гадарлана. Тэр мэдлэг туршлагаараа өнөөгийн Орос-Украины энэ дайныг харж, оперативын цагийн байдлыг үнэлдэг. Харин энэ удаа Оросыг хэрхэн ялах вэ, Орос ялагдвал хэн болж хувирах вэ гэсэн асуултад хариулт хайж, ЛІГАБізнесІнформ мэдээллийн сүлжээний LIGA.net сайтаас орчуулж тайлбарлая.


Нэртэй судлаач аналитикт, геостратегич Збигнев Бжезинскийн агсны хүү Ян Бжезинский америкийн судалгаа-дүн шинжилгээний “Atlantic Council” төвд ажилладаг юм байна. “Украин дахь дайндаа зөвхөн ялагдсан тохиолдолд л Орос нь хэвийн тайван, ардчилсан улс болж төлөвших боломж гарч ирнэ” хэмээн тэрээр дүгнэжээ. Бусдаар бол ОХУ нь ямагт тал тал тийшээ хонзогносон, дайн түрэмгийлэл өдөөх шалтаг хайсан, барууны хөгжилд атаархсан өстөн улс хэвээрээ үлдэнэ, тэр хэрээрээ дэлхийд зожигрон ганцаардаж, нэр нүүрээ барж, тэр бүхний ял Оросын жирийн ард иргэд дээр бууна хэмээн ярьжээ. Украин дахь дайнд Оросыг ялахад 5 элемент хэрэгтэй байна. Тэр нь Баруунаас шалтгаалж байна. Барууны эвсэл бүх талыг хамарсан, зоригтой стратеги тууштай баримтлах хэрэгтэй, тэгэхгүй бол Путин нэг ч хоромыг алдахгүй эргэж дайрах болно, Барууныхан эрс шийдэмгий, хурдтай ажиллах хэрэгтэй гээд дараахи 5-ыг элемент (бүрдэл) болгож нэрлэжээ.

 

  1. Украин дахь дайны зорилго бол Барууныхны хувьд нутаг дэвсгэрийнх нь бүрэн бүтэн байдлыг бүрэн сэргээн тогтоох явдал юм. Хэрэв тэгж чадахгүй бол Путинд ногоон гэрэл асааж өгсөөр байх болно.
  2. Украинд шаардлагатай бүх хэмжээгээр нь зэвсэг нийлүүлэх хэрэгтэй. Орос дахь украины зайлшгүй хууль ёсны бай руу халдахыг нь хязгаарлаж болохгүй.
  3. Эдийн засгийн эрс хатуу санкц тавих хэрэгтэй. Оросын эдийн засаг 2023 онд 3% өсөлттэй гарсан нь санкцын дэглэм үйлчлээгүйг харуулж байна.
  4. Мэдээллийн кампани нэн чухал байна. Дайны бодит байдлын талаар Орос дахь улс төрийн гол гол тоглогчдыг Баруун энэ кампанидаа татан оруулах хэрэгтэй. Украинд ямар муухай аймшиг учруулж байгааг нь оросууд хараг л дээ. Гэтэл Орос нь Европ, АНУ-д сонгуулийн үеэр өргөн хэмжээний сөрөг мэдээллийн кампани өрнүүлж чадаж байна. Хариуд нь үнэний хүчийг бид ашиглаж чадахгүй байна. Хэрэв тэр хүчийг бид ашиглаж чадвал Орос дахь улс төрийн дэмжлэгийг нь задлаж, тийм дэмжлэгийг нь таслах болно.
  5. Украиныг НАТО-д гишүүнээр элсүүлэх маш тодорхой зам дээр гаргах хэрэгтэй. Хэрэв энэ 5 элементийг хэрэгжүүлж чадвал энх тайвныг тогтоож чадна, тэр нь ялалтын стратегийн нэг хэсэг байх болно. Тэр цагт Путин НАТО-гийн гэрээний 5-р зүйл заалтыг мэдрэх болно. Тэгж байж л Украин бол бидний хувьд саарал бүс биш шүү гэдгийн нотолгоо болно гэжээ.


Украины зэвсэгт хүчин ОХУ-ын Курск мужид 1200 хавтгай дөрвөлжин км нутаг дэвсгэрийг эзлэн аваад цааш давшиж байгаа нь Москвад сэтгэл санааны маш том дарамт үзүүлэв. ОХУ-ын хил хязгаарыг Кремлийнхэн хамгаалж хүчрэхгүй юм байна гэдгээс нийгмийг паникт оруулав. Одоо Путинээс оросын хэт үндсэрхэг ультрапатриотууд, олигархиуд юу ч хүлээх хэрэггүй боллоо. Түүний эрх мэдэл маш хэврэг боллоо. “Путины финал ирлээ” гэж Зеленскийн хэлдэг сул дэл үг биш. Ингэхэд Курскт юу харагдав. Орос залуус амьд үлдэхийг илүүд үзэж байна. Шууд л бууж өгч байна. Ганц олдох амьдралaa нэг муу тэнэг өвгөний (Путин) мунхаг шуналыг гүйцэлдүүлэхэд зориулж болохгүй гэсэн хандлага давамгайллаа. Хамгийн сүүлчийн байдлаар нийт 2000 орос цэрэг бууж өгчээ.



Украины цэрэг Оросын мужууд руу орж байлдаж байгаа энэ цаг дор оросын тархи угаалт явуургүй болж байх шиг. Оросууд нь байлдах дургүйгээ илт харууллаа. Ерөөсөө энэ дайн утгагүй гэдгийг л илтгэн харууллаа. Орос ялна гэсэн мэдээллийн фейк ваакумд төөрч яваа монголчууд минь Путин ялахыг хүлээсэн бүтэшгүй цөхрөлөөсөө яаралтай салах хэрэгтэй. Украин бууж өгч, Орос ялж дархан цолоо мандуулна гэж хүлээж байгаа бол маш том эндүүрэл болно. Орос террорист дайндаа ялахгүй, ялахгүй нь улам бүр нотлогдож байна. Оросын түрэмгийллийг зөвтгөөд Украин, Зеленский, АНУ, НАТО-г мянгантаа харааж шүлстээд нэмэргүй боллоо. Путины хоногийн тоо дуусдаг, гэтэл Путиныг нулимстай горьдлогын нүдээр хүлээж суусны дараа таны зүрх, тархи хэр тэсэх вэ? 


Орчуулж тайлбарласан Адьяaгийн Батсайхан (бэлтгэл хошууч)