sonin.mn
Сэтгэгдэл (25)

УИХ-ын сонгуулийн 11-р тойрогт Үнэн Ба Зөв намаас нэр дэвшигч З.Гэрэлт-Од өлсгөлөн зарлажээ.


Тэрээр энэ тухайгаа: "Бид Үнэн ба Зөв намаас нэр дэвшээд байж байтал тойрогт маань ҮНэн ба Зөв намын штаб гээд дахиад нэг штаб гарч ирсэн. Энэ штабын үйл ажиллагааг зогсоож өгөөч ээ гээд хуулийн байгууллагад өгсөн ч ямар ч хариу өгөөгүй. Энэ штаб регистрын дугаар зэрэг хувь хүний нууцын мэдээллийг цуглуулах гэх мэт ажлыг хийж байгаа. Ойролцоогоор 30-аад мянган хүний материал цуглуулсан байна лээ.


Энэ тухай намын дарга А.Отгонбаатар: "Өө, наадах чинь чамайг дэмжих гэж, чамайг УИХ-д гаргах гэж чамд мэдэгдэхгүйгээр, нууцаар ажиллаж буй штаб" гэж худлаа тайлбарласан. Ийм үлгэрийн юм гэж байхгүй шүү дээ.


Энэ штабыг 20 гаран хүн ажиллуулж, маш том оффис түрээсэлж байна. Дотор нь байгаа хүүхнүүдийн хэлж буйгаар дотор нь аравтын системд оруулчихсан маш олон зуут байгаа гэсэн. Ил байгаа нь л 20 хүн байгаа боловч яг 400-500 хүн ажиллаж байгаа гэсэн үг.


Энэ асар их мөнгийг хэн хаанаас олсон бэ? гэдэг асуудал. Намайг Үнэн Ба зөв намаас нэр дэвшихэд сонгуулийн зардал гэж 20 сая төгрөг өгч байсан. Энийгээ ч өгөөгүй гороож байж надад мэдэгдэхгүйгээр 200-300 сая зарцуулж, намайг дэмжинэ гэж юу байхав дээ. Үүнийг би нэг том намын халхавч болж ажиллаж байна гэж бодож байна.


Эд нар нэг хүний регистрыг 100-350 мянган төгрөгөөр авч байгаа гэж дотор нь байгаа хүн хэлсэн.


Өнөөдөр 100-350 мянган төгрөгийг төлөөд регистрын дугаар авах чадалтай ганцхан нам байгаа шүү дээ. Тэр нь МАН. Үнэн ба Зөв намын дарга А.Отгонбаатар болон П.Шинжээравдан нарыг сонгуулийн дараа шүүхэд өгнө" гэв.


С.Сарнай