Ням - 06 сарын 16,
2024
БАНГКОК, 2024 оны тавдугаар сарын 22 /CNN/. Лондон-Сингапурын чиглэлд нислэг үйлдэж байсан агаарын тээврийн “Сингапур Эйрлайнс” компанийн нисэх онгоц агаарын хүчтэй турбулент урсгалд орж, чичиргээ үүссэний улмаас нэг хүн нас барж, 71 хүн бэртэж гэмтжээ.
“Boeing 777-300ER” онгоцны чиглэлийг өөрчилж, Бангкок хотод буулгасан гэж “Сингапур Эйрлайнс” компанийн фэйсбүүк хуудсанд мэдээлсэн байна. Уг онгоцонд 211 зорчигч, нисэх багийн 18 гишүүн байжээ. Гэмтэж бэртсэн 30 зорчигч эмнэлэгт эмчлүүлж байгаа бол бусад хүн амбулаторийн тусламж авч байна.
Амиа алдсан хүн бол Их Британийн иргэн, 73 настай эрэгтэй Жефф Китчен юм. Бангкокийн “Суварнабхуми” олон улсын нисэх онгоцны буудлын ерөнхий менежер Киттипонг Киттикачорн мягмар гарагт мэдээлэхдээ, талийгаач зүрхний өвчтэй байсныг урьдчилсан шалгалтын явцад тодорхойлсон бөгөөд задлан шинжилгээ үргэлжилж байна гэлээ.
Ж.Китчен нас барсан болохыг түүний 35 гаруй жилийн турш ажилласан “Thornbury Musical Theatre” групп баталсан бөгөөд түүнийг үнэнч шударга зантай, жинхэнэ жентлемен хүн байсан хэмээн тодорхойлжээ. Амиа алдсан зорчигчийн гэр бүлд дэмжлэг үзүүлж байна гэж Их Британийн Гадаад хэргийн яамнаас “CNN” телевизэд мэдээлсэн байна.
Нисэх онгоц орон нутгийн цагаар мягмар гаргийн 15:45 цагт Тайландын нийслэлд газардахаас 10 минутын өмнө багийн гишүүд ослын буулт хийх тухайгаа мэдэгджээ. Хэд хэдэн зорчигчийн гар хугарсан бол бэртэж гэмтсэн хүмүүсийн ихэнхийнх нь нүүр, бие нь зүсэгдэж, хөхөрсөн байна.
Тэдний заримыг ойролцоох “Самитивеж Сринакарин” эмнэлэгт хүргэсэн гэж К.Киттикачорн хэлээд, 200 орчим зорчигч зорьсон газар руугаа нисэхээр хүлээж байна гэв. Удалгүй 211 зорчигчийн 131 нь Бангкокоос Сингапур руу ниссэн байна. Эмнэлгийн удирдлагын мэдээлснээр, Малайз, Их Британи, Шинэ Зеланд, Испани, АНУ, Ирланд зэрэг улсын 71 иргэн гэмтэж бэртсэн байна. Тэдний дотор зургаан зорчигч хүнд бэртэл авчээ.
Э.Хулан
Эх сурвалж: "Монцамэ" агентлаг
Сэтгэгдэл7
Tiimees suudliin daruulgaa bainga buslej bai.
нэг сэгсрээд нэжгээд хүн үхээд байхнээ.
хөөрч буухад, сэхсчиж эхлэнгүүт бас хурдхан бүс бүслэх. one road one belt. замаа туулж өнгрөөнө гэвэл зөвхөн бүс
Бүс бүслээд сэгсрэх савлах байдал огт алга болохгүй мал минь.
усан онгоцоор яв богооноор яв. 🛩бүсгүй заяагаар явоо.
Суудлын даруулга бүслээд сэгсчих байдал алга болохгүй.Даралт ихэсдэг зүрхний өвчтэй улс онгоцонд битгий суу.Онгоцоор гадаадаас нисэж Монголд ирээд даралт нь ихсэж бурхан болсон улс олон байдаг юм шүү..Ер нь онгоцоор байнга нисдэг улс ялангуяа эмэгтэй хүн тархины даралттай ,ургийн гажигтай хүүхэд гаргах нь их болдог.
Агаарт сэгсэрч савлана гэдэг онгоцны жижиг томоос хамаарна. Хүннү эйрын жижиг дунд оврын онгоцонд бүү суугаарай.Хүннү эйрын онгоц агаарт донсолсноос болж даралт нь ихсэж газарт бууж гэртээ хариад бурхан болсон хүн байдаг юм шүү.