sonin.mn
Сэтгэгдэл (36)

УИХ-ын гишүүн, ХҮН намын дарга Т.Доржханд сэтгүүлчдийн асуултанд хариуллаа. Тэрээр: " Үндсэн хуулийн өөрчлөлт яриад явж байхад иргэд дуртай байгаагүй шүү дээ. гэтэл ямар чухал байсан гэдгийг нь өнөөдөр ойлгосон. Жагсаалтын асуудал дээр нэгдүгээрт, би өөрийгөө дэвшүүлдэггүй. Төлөөлөх зөвлөлийн 100 гаруй хүний шийдвэр гарсан. Хоёрдугаарт, би Хан-Уул дүүргээс нэр дэвшиж гишүүн болсон.



Бүх судалгаагаар би нэгдүгээрт явж байгаа. Бүх намуудын судалгаагаар шүү. Тийм ч учраас би Хан-Уул дүүрэгт нэр дэвшинэ гэсэн хүлээлттэй байсан.



Баруун аймгуудад ч маш өндөр хүлээлттэй байсан. Гэхдээ намын гишүүдээс та ХҮН намын цор ганц УИХ-ын гишүүн, намын дарга. Бодлогын улстөрд байх ёстой. Сонгуулийн үеэр тойргуудаар бодлогоо сурталчлаад явах нь манай намын онцлог. Тийм учраас өөрийгөө бодоод тойрог руу явах нь буруу. Жагсаалтаа тэргүүлээд, бодлогоо танилцуулаад, багаа дэмжээд явах ёстой гэдэг шаардлага тавьсан. Энэ нь ХҮН намд хэрэгтэй, Монгол улсад хэрэгтэй гэдэг зарчмын шийдвэр гаргасан.



МАН-ын дарга Л.Оюун-Эрдэнэд сэтгэл ханамжгүй байна. Үндсэн хуулийн өөрчлөлт хийх гээд хамтдаа зүтгэсэн. Хамтдаа тогтолцооны өөрчлөлт хийе, эдийн засгийн өөрчлөлт хийе гэж гар барьсан шүү дээ.



Үндсэн хуулийн өөрчлөлт хийж байхад намын дарга тойргийн улстөрч байж болохгүй. Бодлогоороо өрсөлдөх намын дарга байх ёстой. Гэтэл зүүн бүсээс дэвших гээд явж байгаа нь буруу. Лу.Гантөмөр, Т.Доржханд гэж хоёр хүн хөтлөлцөөд Хэнтий аймагт очиж мэтгэлцээн хийх юм уу? Ялсан нам нь бодлогоо хэрэгжүүлдэг. Түүнээс биш М.Энхболд шиг би Ерөнхийлөгч болох учраас гээд Ж.Эрдэнэбатад Ерөнхий сайдаа өгчихдөг, З.Энхболд шиг би дараагийн Ерөнхийлөгч болно, тийм учраас Ч.Сайханбилэгийг Ерөнхий сайд болгочихоё гэдэг байдлаас үүдээд улстөрийн тогтворгүй байдал үүсээд ухарчихсан юм шүү. Намын дарга Ерөнхий сайд байх ёстой учраас 3,5 сая иргэдээсээ сонгогддог юм. Зөвхөн Хэнтий аймаг руу төсөв булаад, хөрөнгө оруулалт татаад байж болохгүй биз дээ? Тойргоо усалдаг хөгийн юмыг зогсоох ёстой байсан юм.



Т.Доржханд тойргоос нуугдсан юм байхгүй. Би Монгол улсын хаана ч очсон гарна.



Яагаад гэвэл сүүлийн 4 жил 330 сумаар явсан цор ганц гишүүн. Бүх түр хороонд орсон. Бүх хулгайчидтай нь, мөнгөтэй хүмүүстэй нь тэмцлээ. Хаана ч очсон би иргэдтэй уулзах нүүртэй. Яагаад гэвэл 4 жилийн дотор улсаа хоёр тойроод нийт монголчуудын 80 хувьтай нь уулзчихсан. Хэн нэгнээс айгаад жагсаалтанд нуугдаад байгаа юм байхгүй. " гэв. 



М.Чой