Ням - 05 сарын 19,
2024
МҮБХ-нд Нийслэлийн шүүхийн шийдвэр гүйцэтгэх газраас ирүүлсэн шүүхийн шийдвэр гүйцэтгүүлэх 8 дахь шаардлагын дагуу аймгийн арслан Б.Өсөхбаярыг 2024.05.03-ны өдрийн барилдаанд шүүхийн шийдвэрийн дагуу бүртгэн барилдуулсан.
Баасан гарагт буюу 2024.05.03-ны өдрийн барилдаанд барилдахаар ирсэн бөхчүүд Спортын арбитр ТББ-ын гаргасан шийдвэрийг эсэргүүцэж, тус төрийн бус байгууллагыг спортын шударга өрсөлдөөнийг эрхэмлэж ажиллах, үүний тулд 2023.11.23-ны өдөр гаргасан шийдвэрээ дахин нягтлах шаардлагыг хүргүүлэхээр гарын үсэг зурж барилдааны нээлтийг 36 минутаар хоцроосон үйл явдал болсон.
Үүний дагуу МҮБХ-ны Тэргүүлэгчид 2024.05.03-ны өдөр хуралдаж бөхчүүдийн шаардлагыг Спортын арбитр төрийн бус байгууллагад хүргүүлэх, тус ТББ-д харцага Ц.Мөнхбаяр, аймгийн арслан Б.Өсөхбаяр нарт холбогдох зөрчлийг дахин хэлэлцэх саналыг хүргүүлэн ажиллах шийдвэр гаргалаа. Мөн Спортын арбитр ТББ-ыг дээрх 2 бөхийн асуудлыг хэлэлцэн шийдвэр гаргах хүртэл бөхийн барилдаанд бүртгэхийг түр түдгэлзүүлж ажиллахыг МҮБХ-ны Ажлын албанд даалгасан байна. МҮБХ-ны үйл ажиллагаанд олон жилийн хаагдмал үйл ажиллагаатай явж ирсэн Монголын Үндэсний допингийн эсрэг байгууллага болон Спортын арбитр ТББ-ын зарим шийдвэрүүд сөргөөр нөлөөлж байгаа тул дээрх хоёр ТББ-ын удирдлагуудыг 2024.05.08-ны өдрийн 16:00 цагт Монгол бөхийн өргөөнд болох нээлттэй уулзалтад оролцуулах саналыг хүргүүлж байна. Тус уулзалтад МҮБХ-ны Тэргүүлэгчид болон багш дасгалжуулагчид, бөхчүүдийн төлөөллүүд оролцоно.
МОНГОЛЫН ҮНДЭСНИЙ БӨХИЙН ХОЛБОО
Сэтгэгдэл4
Бөх хэмээх мөрийтэй тоглоомтой хутгалдсан хуулийнхан гэгч нэртэй луйварчид олон болжээ. Бөх бол зүгээр л хобби болохоос улс оронд ямар нэгэн цэргийн хүч болох анги нэгтгэл биш. Бөхчүүдийн тэнэглэл хэрээс хэтэрсэн тул цаашид улсын цол гээчийг авч хая. Зүгээр л та нар бөхийн холбооноосоо аврага, арслан, заан, начин гэж дуудуулж яв.
Хуулийн байгууллага буруу ажиллаад бна уу даа Олон улсын баталгаат лабораторийн шинжилгэ эний хариуг Монголын шүүх хүчингүй болгож болохгүй ш дээ! Допинг илэрсэнийг үгүйсгээгүй, МҮБХ-ны шийдвэрийг л хүчингүй болгосон нтр гэж тэнэгтээ,аягүй бол ?!
ЭЭ тэнэгүүд минь дээ.Шүүхийн шийдвэрийг давж гардаг төрийн бус байгууллагын шийдвэр гэж эрх зүйт төрийн тогтолцоо бүхий аль ч улсын түүхэнд байхгүй шүү. Шүүхийн шийдвэр эцсийнх гэдгийг ойлгодоггүй мангарууд юм даа Спортын арбитр гэдэг чинь танай бөхийн холбоотой адилхан эрх бүхий төрийн бус байгууллага гэдгийг ойлго ухаар.Ер нь ч тэгээд допингийн шинжилгээ авдагаа болчихсон нь дээр байна доо.Үндэсний бөх гэдэг нь үндэстнээ наадуулж цэнгүүлэх гэсэн цэнгэлийн баяр шүү дээ.
Битгий худал үг чалч. Шүүх юу ярьж шийдэх хэнд хамаатай юм. Хүн бүр өөр өөрийнхөө хүрээн хүлээж авахаас шалтгаална. Би бол шүүхийн шийдвэрийг юу ч биш гэж бодвол тэгээд юуч биш. Ийм байхад чиний үг худал хоосон болно.