sonin.mn
Сэтгэгдэл (37)

Украинд үргэлжилсэн Оросын цэргийн тусгай ажиллагаа хоёр жил хоёр сар өрнөж байгаатай холбогдуулан мэдээллийн тэнцвэртэй байдал хангах үүднээс “Украина сегодня-гроші” сайт, Ерөнхийлөгч Владимир Зеленский, украины дэслэгч генерал Игорь Романенко, Цэргийн тагнуулын дарга генерал Кирилл Буданов нарын ярьснаас түүвэрлэн орчуулж сонирхуулъя. Энд sonin.mn сайтын байр суурь тусгагдаагүй болно.

 

Фронтын байдал. Украиныг бүрэн эзлэх авч Орост хүчээр хавсарган нэгтгэх дайндаа Орос улайрав. “Харьков Оросынх болж чаддаггүй юм бол хүн амьдрах эцэсгүй тамын газар болтол нь газрын хөршнөөс арчиж хая!”–Кремлийн суртал нэвтрүүлэг цэргүүддээ уриалав.


“Хоёрдугаар Алеппо болгоно” гэсэн заналхийлэл тасрахгүй. “Бид Украиныг эзлэн авах, хүчээр дагуулах бодолгүй. Зөвхөн милитаристчилал ба нацистчилалыг нь устгаад гараад явчихна” гэсэн В.Путины ятгалга хэдхэн сарын дараа “Орост шинэ шинэ нутаг дэвсгэр ороод ирсэн юм биш үү, Орост ашигтай туслаа” гэдгээр солигдож байсныг эргэж санахул Оросын эзлэн түрэмгийлэх нүүр царай ил цагаандаа гарав. “Оросын цэрэг давшсаар бурханы авралаар Рейхстагийн оройд улаан тугаа мандуулна” гэж кремлийн суртал нэвтрүүлэгч Тигран Кеосаян ТВ-ээр хашгачин ярина.


Орос хичнээн давшивч давших тоолондоо няцаагдана, гацчихсан, томхон ялалт алга, гэвч 5 дугаар сарын 9-ний Ялалтын баярын өмнө Донецк мужийн Часов Яр хотыг эзлэн авч, Ялалтын баярт “ялалтын бэлэг” болго гэсэн Путины хатуу тушаалыг хэрэгжүүлэх гэж оросын арми махан таташ руу цэргээ олон зуу мянгаар нь оруулсаар байна. Эсрэгээр Зеленский Донецк мужид очиж “Энэ чинь манай газар нутаг. Бид эх орныхоо хөрсөн дээр байна, эх орноо хамгаалан байлдаж байна” гэж цэргүүдээ зоригжуулав.


“Украин-НАТО” зөвлөлийн хуралд Зеленский цахимаар үг хэлэхдээ, оросын бөмбөг-пуужин-дроны террорын тухай тоо баримт дэлгэж, 2024 он гараад эхний улирал хагасын дотор Украин руу бараг 1200 пуужин, тухайлбал аэробаллистик пуужин, мөн 1500 гаруй шахед харваж, түүнээс украинчууд хэсгийг нь амдан сөнөөв.


Харин одоо агаарын довтолгооноос хамгаалах 7 Patriot, зенит-пуужингийн комплекс хэрэгтэй байна. Тэр хэрээрээ олон арван хүний амь аварч, нөхцөл байдлыг өөрчлөх болно. Иймд


1)Patriot, зенит-пуужингийн комплекс;

2)Их бууны 1 сая сум;

3)Хол тусгалтай пуужин ба их буу;

4) Оросын агаарын флотыг давж гарах авиац-нисэх хүчин;

5)Дээр нь хурд хэрэгтэй байна гэв.


Бид шийдвэр гаргахыг чинь хүлээгээд сууж чадахгүй, аль болох түргэн зоригтой шийдвэрээ гаргана уу хэмээн НАТО-г уриалжээ. Украины бэлтгэл генерал Игорь Романенкогийн ярилцлагаас үзвэл ОХУ нь 400 мянган цэрэг татаж дахин нэг удаа томхон давшилт хийж Путиныхээ хүслийг хангахыг зорих ба тэр үед нь нөхцөл байдал хүндрэх ч аль ч чиглэлд Украин стратегийн ялагдал хүлээхгүй. Орост ялалт хангах цохилтын бүлэг байгуулах боломж хомс, гэвч Украин нь давшилт довтолгооноос илүүтэй идэвхтэй хамгаалалтын байгууламж олныг барьж, давшаад ирсэн оросын цэрэг, байлдааны техникийг устгах тактикаа орхихгүй, ирэх зун, 6 дугаар сард Оросын хувьд хамгийн их найдвар тавьж байгаа сар, тэр үед Украиныг ялах ялахгүйгээ үзэж амсана гэв.

 

“The Washington Post” сонинд өгсөн Кирилл Будановын ярилцлагаас. Орос нь 6 дугаар сар гэхэд хамгийн том давшилтаа эхлэж, аль хоёр жил хоёр сарын өмнө зарласан Донецк, Луганск мужийн бүх нутаг дэвсгэрийг эзлэн авахыг зорих болно. Дараа нь Оросын хамаг анхаарал АНУ-ын сонгууль дээр төвлөрнө, сонгуулийн дүн Оросын цаашдын дайны явцыг тодорхойлно гэдгээ илэрхийлжээ.

 

Яаж үргэлжлэх вэ гэвэл АНУ-ын шинэ Ерөнхийлөгч тангараг өргөхийн өмнө Донецк, Луганскаас аль болох их нутаг дэвсгэр салган авчихсан байх, тэгснээрээ хэрэв Дональд Трамп ялчихаад тангараг өргөсний дараа нь Оросын эзлэн авсан газар нутгийг баталгаажуулах болно. Харин Украины тухайд оросын сайн дурынхны явуулж буй хил дамнасан шинэ шинэ атакийг дэмжинэ, тэд ОХУ-ын дотоодод шинэ операц явуулахад нь Украины цэргийн тагнуулын газар дэмжлэх үзүүлнэ, агаараас нисэгчгүй онгоцоор Оросыг харвах болно. Ер нь л Оросын потенциалыг багасгах сулруулахад чиглэсэн төлөвлөгөө бидэнд бий. Олон салбар чиглэлийг хамруулна, жишээ нь оросын цэргийн аж үйлдвэрүүд, цэргийн онцгой чухал объектууд, аэродромууд, оросын армийн команд-диспетчерийн пунктууд гээд бүгдийг харвах болно–Буданов. Будановын хэлсэн нь ч өдөр болгон нотлогдож байна. Оросын цэргийн үхэл хорогдол, сөнөөлгөсөн танк хуягт, пуужин дрон тоогоо алдлаа.


Буданов:–Ийнхүү бид атаклах нь ямар зорилготой вэ гэвэл оросын дарангуйлагч Владимир Путин Оросынхоо нутаг дэвсгэрт дайн шилжиж ороход хүн амаа хамгаалах чадваргүй юм байна гэдгийг илтгэн харуулах явдал юм.


Зүйрлэвээс “Чи Петербургэд гэртээ телевизороор дайны тухай үзээд сууж байна, бас тэгээд тэр дайныг чи ямагт дэмжиж байна. Гэтэл тэдний гэрийн гадаа, ойрхон ямар нэгэн объект руу атаклахад хүмүүс нервтэж эхэлнэ” гэв.

 

Оросын Белгородын оршин суугчид байшин барилга яаж сүйдэхийг харсан, төсөөлдөг болсон. Гэхдээ тэнд эвдрэл сүйтгэлийн ихэнхийг оросын зенитийн С-300 пуужингаар оросууд өөрсдөө сөнөөсөн, учир нь украины нисэгчгүй төхөөргийг устгах гэж байж тийм сүйтгэл үйлдсэн. Хэрэг дээрээ нисэгчгүй төхөөрөг устгах гэж байгаад өөрсдөө ийм их хохирол амссан гэв. Дайн хэзээ дуусах вэ гэдэгт К.Буданов тун болгоомжтой хариулт өгч байна. Ер нь тийм прогноз хийхээ яарахгүй байна. Гэхдээ барууныхныг нэг зүйлд бэлтгэлтэй байхыг зөвлөжээ. Юу гэвэл нь Орос нь жижиг хэсгүүдэд хуваагдан тарж бутрахын эсрэг эргэлзээ тээнгэлзээ хэрэггүй, тэглээ гэхэд эсэргүүцэх хэрэггүй гээд “Оросуудын мөрөөдөлд бүх Украиныг эзлэн авах хүсэл, харин бидний мөрөөдөлд Москвад ялалтын парад хийх хүсэл бий” гэжээ.


Орост Путины дэглэм үргэлжлэн ажилласаар байх ахул дайн үргэлжилсээр байх болно, харин Путины дараагийн дэглэмийн өнгөн дээр өөрчлөгдөх болно, эсвэл үгүй, гэхдээ боломжийн гэрэл гэгээ харагдаж магадгүй. Путин ба Оросыг бодитой олж харах хэрэгтэй. Путин гэдэг бол өөрийнхөө суртал нэвтрүүлгийн золиос болчихсон хүн. Даян дэлхий дээр оросууд гэдэг бол хамгийн хүчирхэг, бүхнээс хүчтэй гэдэгт тэд нийгмээ бүрэн эзэмдүүлсэн, Путин түүнд нь итгэчихсэн.


Гэтэл Оросын арми нь тийм хүчтэй бус байна, тэдний хүссэн шиг, итгэсэн шиг хүчтэй биш болж хувирлаа. Украины эсрэг дайн өдөөснөөрөө Путин стратегийн том алдаа хийсэн. Гэхдээ Орос хурдан сэргэн босч чадна, энэ бол факт.


Оросууд ингэж чадахаа 10 дахин батлан харуулсан. Тийм учраас оросуудын энэхүү чанарыг дутуу үнэлж болохгүй–Буданов анхааруулжээ. ОХУ-д задрал явагдаад эхэлсэн тухай Европын Парламентад өнгөрөгч нэгдүгээр сард хэлэлцүүлэг өрнөж байсан ба Европын Парламентын депутат, Польшийн Гадаад хэргийн сайд асан хатагтай Анна Фотига тэр тухай ярихдаа “Орос оршин тогтнож байгаа нь хөршүүддээ, цаашлаад нийт соёлжиж иргэншсэн ертөнцийн хувьд аюул тарьж мэдэхээр байна. Европын сүүлчийн колонийн импер нурж унах нь гарцаагүй, тэгснээрээ Европ тивд энх тайван ирж, Оросын дарлагдсан ард түмэн эрх чөлөөгөө олно” гэжээ.


Эстонийн Батлан хамгаалах хүчний ерөнхий командлагч Мартин Херем “Украинд цаашдаа аюул занал учруулахгүйн тулд Орос нь олон жижиг улс болж задрах ёстой. Орос шиг ийм том орон дайн явуулах асар их хүч нөөцтэй байдаг юм байна” гэжээ.


Хамгийн чухал мэдээ. АНУ-ын Конгрессын Төлөөлөгчдийн танхим удаан хүлээлгэсэн, путинчуудын хэзээ ч бүтэхгүй унана, унаасай гэж байсан $60.8 тэрбумыг олонхиороо баталлаа. Сенатад маргааш батлаад Жо Байден өдөрт нь гарын үсэг зурна. Мөн АНУ-д царцаагдсан ОХУ-ын активаас $8тэрбумыг Украин руу шилжүүлэхээр боллоо.


Орос, англи хэлнээс түүвэрлэн хөрвүүлсэн Дүгэржавын Номиндарь