Даваа - 11 сарын 25,
2024
Үндэсний үйлдвэрлэгч "Бест буйдан" компанийн 20 жилийн ойд зориулсан чансаа өндөр, шилдэг 64 бөхийн энтертаймент барилдаанд Сүхбаатар аймгийн Онгон сумын харьяат, “Хилчин” спорт хороо, "Эвт Чулуу" ХХК, "Бадрах өглөө" ХХК, "Нэгдэл" клуб, “Жавхлант” дэвжээний бөх, аймгийн хурц арслан Нямдоржийн Өсөхбаяр түрүүлж, Архангай аймгийн Батцэнгэл сумын харьяат, “Алдар” спорт хороо, “Сокол” ХХК, “Хатант интернэшнл” ХХК, “Тэнүүн -Өлзий” ХХК, “Бөхбилэгт” дэвжээний бөх, улсын үнэн зоригт харцага Батсүхийн Зоригтбаатар үзүүрлэв.
Дөрөвт Баянхонгор аймгийн Баянлиг сумын харьяат, Хилчин спорт хороо, "Нэгдэл" клуб, “Бай хөндий цамхаг” ХХК, “Их богд” дэвжээний бөх, аймгийн арслан Ч.Алтангэрэл, Увс аймгийн Ховд сумын харьяат, "Алдар" спорт хороо, "Алсын жим" ХХК, "Алтаргана констракшн" ХХК, "Увснуур" дэвжээний бөх, аймгийн арслан Л.Энхсаруул нар шалгарлаа.
Наймд улсын арслан Р.Пүрэвдагва, улсын заан Б.Бат-Өлзий, аймгийн арслан Д.Алтанцоож, аймгийн заан Г.Мөнхбаяр нар үлдэв.
Тус барилдааны даваа бүрд “Уран барилдаан” шалгаруулсан бөгөөд эхний даваанд улсын арслан Р.Пүрэвдагва, хоёрын даваанд улсын начин Б.Түмэндэмбэрэл, гурвын даваанд аймгийн заан Г.Мөнхбаяр нар шалгарч тус бүр 500.000 төгрөгийн шагнал гардсан бол нэг давсан бөх 300.000 төгрөг, хоёр давсан бөх 400.000 төгрөг, гурав давсан бөх 500.000 төгрөг, дөрөвт үлдсэн бөхчүүд тус бүр 2.5 сая төгрөг, үзүүр бөх 5 сая, түрүү бөх 10 сая төгрөгийн бай шагнал гардсан бөгөөд бөхчүүд баззер дарж учраа бөхөө сонгосон нь шинэлэг, сонирхолтой байлаа.
Харин үзэгчдийн дундаас 1.000.000 төгрөг, арьсан буйдангийн азтан тус бүр нэг тодорч, супер азтан автомашины эзэн болов.
Монгол бөхөө шимтэн үздэг бөхийн хорхойтон та бүхэндээ баярлалаа. Монгол бөхийн өргөөний суудал 100% дүүрсэн, бөхчүүдийн уран мэхийг уралдуулсан сайхан барилдаан болж өндөрлөлөө.
Сэтгэгдэл9
Пүрэвдавга дүүдээ баяр хүргэе
Үнэн зоригт харцага Зоригтбаатарын сугалсан сугалааг буруу уншиж бэлдсэн хүндээ машин өгч будлиантуулсныг шалгах хэрэгтэй.
Энэ жижиг монголд чинь яасан их найр наадам зугаа цэнгэл бээ . Одоо болноо болио боль. Энэ олон найр наадам зохиодог авдаг өгдөг хүмүүс бөхчүүд Нийгэмдээ ганц тустай зүйл хийдэг ч болоосой доо . Улаанбаатар хотод 800 орчим автобусны буудал байна. Өвлийн 4 сард өдөр бүр 1000 1000 хүн халтирч унаад бэртэж байнаа . Үүнийг нь хуулаад халтирдаггүй пилта болгоод солиод өгөх ухаан санаачлага алга уу . Энэ нэг компаниудын 20 30 жилээр бөхчүүдэд 20 30 сая төгрөг өгөөд өөрснөө 100 мянгаар билет зараад 200 300 саяын ашиг олсоноос хамаагүй дээр тустай зүйл хийж бүтээцгээ .
Над наг санал бна! Энэ бөхчүүдээрээ нийс лэлийн замын цасыг арилгуулж байяа. Тэд ч бас олон түмний төлөө энэ ажлыг хийхдээ цааргалахгүй дуртай байх болов уу гэж най даж байна. Энэ олон дэвжээнд хотын гудам ж талбайг оноогоод хуваагаад өгчих хэрэг тэй ! Энэ жил Улсын наадамд түрүүлсэн бөхийн дэвжээ Сүхбаатарын талбайн цасыг тогтмол цэвэрлэнэ гэх мэтээр..... Тун догь биш үү !
Феодалын монгол юм чинь баяр найр наадам ихэснэ шүү дээ.
Bayar naadam bol ylam ikheseh yostoi yundaa ataarhaad baigaa yum be?...Mongol ylas hegjih ni chaasid hegjih ni ynen bol ene naadam bayar ylam l saijrina gej bodoj baina,ene bol ardchilal cheleet ylas ornuudiin jiriin yzegdel dee....................
Уран мэх уралдуулан, ухаан сийлж барилдсан сайхан барилдаан үзүүлсэн Монгол зон олноо баясагсан Үзүүр, Түрүү бөхчүүддээ баярлалаа. Баяр хүргье🇲🇳🙇🏼♀️
Уран мэх уралдуулан, ухаан сийлж барилдсан сайхан барилдаан үзүүлсэн Монгол зон олноо баясагсан Үзүүр, Түрүү бөхчүүддээ баярлалаа. Баяр хүргье🇲🇳🙇🏼♀️
Ганц тустай зүйл хийчихгүй. Дандаа найр наадам энэ улс яачихваа!!!!