БНХАУ-ын дарга Ши Жиньпин 11 дүгээр сарын 18-ны өглөө Шэньжэнь хотын Чяньхай олон улсын хурлын төвд болсон Ази, Номхон далайн эдийн засгийн хамтын ажиллагааны байгууллага (АПЕК)-ын 2026 оны Бизнесийн удирдагчдын дээд хэмжээний уулзалтын нээлтэд оролцож, үндсэн илтгэл тавилаа.
Тэрбээр илтгэлдээ Хятадын эдийн засгийн хөгжлийн бодлого, олон улсын худалдаа, хөрөнгө оруулалтын хамтын ажиллагаа болон Ази, Номхон далайн бүс нутгийн ирээдүйн хөгжлийн талаар байр сууриа илэрхийлэв.
Ши Жиньпин Хятадын 15 дахь таван жилийн төлөвлөгөө нь зөвхөн тус улсын хөгжлийн зураглал төдийгүй Ази, Номхон далайн бүс нутаг болон дэлхийн эдийн засагт шинэ боломж нээх чухал баримт бичиг болохыг онцолжээ.
Тэрбээр “Хятадын 15 дахь таван жилийн төлөвлөгөө бол дэлхийн бизнесийн нийгэмлэгт илгээж буй хамтын ажиллагааны урилга юм” хэмээн мэдэгдсэн байна.
Хятад улс цаашид дэлхийн бизнес эрхлэгчдэд нээлттэй, өргөн цар хүрээтэй зах зээлийг санал болгож, өндөр чанартай бүтээгдэхүүн, үйлчилгээний импортоо нэмэгдүүлэхээр зорьж байгааг Ши Жиньпин тэмдэглэв. Тухайлбал, шинэ эрчим хүчний автомашин, ухаалаг гэр ахуйн технологи, ахмад настнуудад чиглэсэн бүтээгдэхүүн, үйлчилгээ зэрэг салбарт хэрэглээ, хөрөнгө оруулалтын шинэ боломж бүрдүүлэхээр төлөвлөжээ.
Үүний зэрэгцээ орчин үеийн аж үйлдвэрийн тогтолцоог хөгжүүлж, технологийн шинэчлэлийг үйлдвэрлэлтэй нягт уялдуулах замаар олон улсын компаниудад бизнесээ өргөжүүлэх таатай нөхцөл бүрдүүлэхээ илэрхийлсэн байна.
Мөн олон талт худалдааны тогтолцоог тууштай дэмжиж, тарифыг бууруулах, зах зээлд нэвтрэх боломжийг нэмэгдүүлэх, үйлчилгээний салбарын нээлттэй байдлыг өргөжүүлэх бодлого баримтлахаа мэдэгдэв. Ингэснээр гадаадын хөрөнгө оруулагчдад илүү тогтвортой, урьдчилан таамаглах боломжтой бизнесийн орчин бүрдүүлэхийг зорьж байгааг онцолжээ.
Ази, Номхон далайн бүс нутгийн хамтын хөгжилд чиглэсэн дөрвөн санал дэвшүүлэв
Ши Жиньпин Ази, Номхон далайн бүс нутгийн энх тайван, тогтвортой байдал, эдийн засгийн хамтын ажиллагааг бэхжүүлэхэд Хятад улс бусад оронтой хамтран ажиллахад бэлэн байгааг илэрхийлж, дөрвөн үндсэн чиглэлээр санал дэвшүүллээ.
Нэгдүгээрт, энх тайван, тогтвортой байдлыг сахин хамгаалах шаардлагатайг онцлов. Дэлхийн хоёрдугаар дайны дараа бүрэлдсэн олон улсын дэг журмыг хамгаалж, улс орнуудын санал зөрөлдөөнийг яриа хэлэлцээ, зөвшилцлийн замаар шийдвэрлэх нь чухал болохыг тэмдэглэлээ. Мөн бүс нутгийн улс орнууд эв нэгдэл, хамтын ажиллагаагаар дамжуулан нийтлэг сорилтуудыг даван туулах ёстой гэж үзэж байгаагаа илэрхийлэв.
Хоёрдугаарт, нээлттэй хамтын ажиллагааг өргөжүүлэхийг уриаллаа. Дэлхийн худалдааны байгууллагад суурилсан олон талт худалдааны тогтолцоог хамгаалж, худалдаа, хөрөнгө оруулалтын чөлөөт урсгалыг дэмжихийн зэрэгцээ дэлхийн үйлдвэрлэл, нийлүүлэлтийн сүлжээний тогтвортой байдлыг хангах шаардлагатайг онцлов. Түүнчлэн Ази, Номхон далайн чөлөөт худалдааны бүс байгуулах үйл явцыг эрчимжүүлэх санал гаргасан байна.
Гуравдугаарт, инновацад тулгуурласан эдийн засгийн өсөлтийг дэмжихийг санал болгов. Дижитал эдийн засаг, хиймэл оюун ухаан зэрэг шинэ технологийн салбар дахь хамтын ажиллагааг гүнзгийрүүлж, ногоон, нүүрстөрөгч багатай хөгжлийн шилжилтийг түргэтгэх нь бүс нутгийн эдийн засгийн өсөлтийн шинэ хөдөлгөгч хүч болно гэж үзжээ.
Дөрөвдүгээрт, харилцан ашигтай, хүртээмжтэй хөгжлийг дэмжих шаардлагатайг тэмдэглэв. Худалдаа, хөрөнгө оруулалтад тулгарч буй саад тотгорыг бууруулж, хөгжиж буй орнуудтай эдийн засаг, технологийн хамтын ажиллагааг өргөжүүлэх замаар хөгжлийн үр өгөөжийг илүү олон улс орон, иргэдэд хүртээх нь чухал болохыг онцолсон байна.
Дэлхийн булангийн бүсүүдийн эдийн засгийн хамтын ажиллагааны холбоо байгуулахыг дэмжинэ
Ши Жиньпин илтгэлийнхээ үеэр дэлхийн эдийн засгийн хөгжилд булангийн бүсүүдийн гүйцэтгэх үүргийг онцгойлон дурдав.
Тэрбээр Ази, Номхон далайн бүс нутагт дэлхийн эдийн засгийн тэргүүлэх булангийн бүсүүд төвлөрдөг бөгөөд эдгээр нь нээлттэй эдийн засаг, харилцан уялдаа холбоо, олон улсын худалдаа, хөрөнгө оруулалтад үзүүлэх нөлөөгөөрөө онцлогтойг тэмдэглэжээ.
АПЕК-ийн Бизнесийн удирдагчдын дээд хэмжээний уулзалтыг зохион байгуулж буй Шэньжэнь хот нь Гуандүн–Хонконг–Макаогийн Их булангийн бүсийн нэг хэсэг юм. Энэхүү бүс нь Хятадын технологи, инновац, үйлдвэрлэл, санхүүгийн салбарын хөгжлийн чухал төвд тооцогддог.
Иймээс Хятад улс Дэлхийн булангийн бүсүүдийн эдийн засгийн хамтын ажиллагааны холбоо байгуулах санаачилгыг дэмжиж, эдгээр бүсийн харилцаа, хамтын ажиллагааг өргөжүүлэх замаар Ази, Номхон далайн эдийн засгийн интеграцын шинэ боломжийг эрэлхийлэхээр зорьж байгааг Ши Жиньпин мэдэгдлээ.
Түүний хэлснээр, бүс нутгийн улс орнууд нээлттэй хамтын ажиллагаа, технологийн шинэчлэл, харилцан ашигтай хөгжлийн зарчмыг баримталснаар Ази, Номхон далайн эдийн засгийн өсөлтийг тогтвортой хадгалж, хамтын хөгжил цэцэглэлтийг шинэ шатанд гаргах боломжтой юм.
Г.Бямба
Пүрэв - 11 сарын 19,
2026
Сэтгэгдэл5
Xyжaa caйт
Бурят архичин
Xyжaa caйт
СИ ЖИ ПИНЫ ХҮНДЭТГЭЛИЙН ЗООГ ДЭЭР ТРАМП СИ ХОЁР НЭГ ШИРЭЭН ДЭЭР ХООЛ ИДСЭН. ХАРИН ПУТИН ӨӨР ШИРЭЭН ДЭЭР АФРИКИЙН ХЭСЭГ НӨХӨДТЭЙ ЭРЭЭНД ХИЙДЭГ ХӨӨСӨН БООВ ИДЭЖ ХОЛ ӨШИГЛҮҮЛЭВ.
Бурхны шашинтай гэдэг Азийн Монголчууд "Европын" гэдэг Үнэн алдартан Орос лам нарын бичгээр бичиж, пиздагаар ярьдаг дээрээ бусад үндэстнүүдийн оноосон нэрнүүдийг заавал Оросоор бичдэг нь ёстой ойлгомжгүй. Оросууд нь өөрсдийг нь хүн гэж үздэг ч юм шиг.