Мягмар - 09 сарын 15,
2026
КАБУЛ, 2026 оны наймдугаар сарын 26 /Kazinform/. Цагдаагийн газрын тухай саяхан батлагдсан хуулийн дагуу “Талибан” хөдөлгөөний эрх баригчид Афганистаны нутагт дэвсгэрт ямарваа жагсаал цуглаан хийхийг албан ёсоор хоригложээ. Энэ тухай KabulNow цахим сонинд бичсэнийг эш татан Kazinform агентлаг мэдээллээ.
Бүх төрлийн жагсаал цуглааныг хориглосон хууль батлагдсанаар тайван замаар эсэргүүцлээ илэрхийлэх эрхзүйн үндэс үгүй болж, Талибаны тогтоосон дүрэм журамд нийцээгүй гэж үзсэн жагсаал цуглааныг тараах өргөн эрх мэдлийг аюулаас хамгаалах байгууллагуудад олгож байна. Тодруулбал, 53 зүйл заалт бүхий хууль нь цагдаагийн газар болох “шурта”-гийн эрх мэдэл нэмэгджээ. Тухайлбал, үймээн самуун дэгдэх эсвэл зэвсэг хэрэглэсэн гэмт хэрэг гарах үед буу хэрэглэхийг цагдаа нарт зөвшөөрсөн байна.
Үүний сацуу сэжигтнүүдийг дуудан авчрах, баривчлах, хорихтой холбоотой дүрэм журмыг энэхүү хуулиар шинэчлэн зохицуулжээ. Нэмэлт өөрчлөлтийн дагуу “шурта”-гийн ажилтнууд сэжигтнийг 10 хүртэлх хугацаагаар саатуулан хорьж болох ба үүнээс илүү олон хоногоор хорих бол шүүхээс зөвшөөрөл авах ёстой.
Мөн цагдаагийн ажилтнууд хоригдож буй хүмүүсийг зодох, цохиур модоор цохих, ташуураар ороолгох, тамлан яргалахыг хоригложээ. Сүүлийн таван жилийн хугацаанд талибанчууд хоригдож буй хүмүүсийг эрүүдэн тамлаж, тэдэнтэй харгис хэрцгий хандаж байгааг хүний эрхийг хамгаалах байгууллагууд мэдээлсээр байгаа юм.
Өмнө нь мэдээлснээр, ухаалаг гар утас хэрэглэхийг Афганистаны төрийн албан хаагчдад хоригложээ.
Б.Адъяахүү
.png)
.jpeg)
.png)
.png)
Сэтгэгдэл2
АРДЧИЛАЛ ИРЛЭЭ ХААЛГАА ТАЙЛ.
Америкчууд буюу Трамп болон Европын англосаксончууд Иран улсыг шашнаар нь оролдож, тус улсад шашнаар дамжуулан эмх замбараагүй байдал үүсгэх гээд чадаагүй. Шашин болгон өөр өөрийн онцлогтой, өмсгөл, зүүлттэй, дүрэмтэй, онол, номлолтой, зарчимтай, онцлог барилгатай байдаг. Үүнийг өөрчлөх эрх хэнд ч байхгүй. Трамп буюу либериалчууд мусульман шашны эмэгтэйчүүд гивлүүр өмсөх нь хүний эрх зөрчиж гэж байна шашных нь дүрэм журмыг нь өөрчлөх гэж солиорсон. Жишээ нь Буддаг шүтдэг улс үсээ хусуулж болохгүй, орхимж өмсөж болохгүй гэсэнтэй адил. Өөрсдийн шүтдэг Христийн шашныхныг нь загалмай барьж болохгүй. Энэ чинь зэвсгийн нэг хэлбэр гээд хоригловол яах вэ. Энэ мэт бусдын ёс, заншил, соёл, уламжлалыг нь үгүйсгэж, эрх чөлөө гэх либериал үзэл санааг дэлгэрүүлэх зорилгоор хийж буй барууныхны бодлогууд нь тэдний дэлхийг колоничлох эцсийн зорилгыг баталж байгаа юм. Энэ бодлогын эсрэг ОХУ, Иран улсууд л зоригтой тэмцэж байна. Бусад улсууд төвийг сахиж, аймхай байдлаар өдөр хоногийг өнгөрөөж байна.