sonin.mn
Сэтгэгдэл (4)

МАК группийн үүсгэн байгуулагч Б.Нямтайшир компанийхаа үйл ажиллагааныхаа талаар: "Монгол улсад эрчим хүчний салбарыг, ялангуяа гадаад хараат байдлаас Монгол улсаа арилгахын төлөө "МАК"-ын нийт хамт олон, "МАК" группын Ерөнхийлөгч, миний охин Н.Цэлмүүний санаачилгаар өөрсдийн нүүрсний уурхай дээр анхны 300 мегаватт хүчин чадалтай цахилгаан станцыг барих нь зүйтэй юм гэж үзсэн. Энэ бүгд үйл ажиллагаа нь хоорондоо холбоотой гэсэн үг.


Манай 1.5 саяын хүчин чадалтай нүүрс баяжуулах үйлдвэр тун удахгүй буюу 1-2 сарын дараа ашиглалтанд орох гэж байна. Үүнээс завсрын бүтээгдэхүүн гэж их гардаг. Энэ завсрын бүтээгдэхүүнээр бид эрчим хүч үйлдвэрлэнэ. Тэгэхээр хямд өртөгтэй эрчим хүч үйлдвэрлэнэ.


Цахилгаан станцын зураг төсөлдөө европын стандартуудыг тусгасан. Нүүрсхүчлийн хийг аль болох бага ялгаруулах чиглэлийг эрхэмлэж, ногоон эдийн засаг гэдэг рүү түлхэж, нүүрсхүчлийн хийг бууруулж, хорт хийнүүдийг зуухандаа шатаах гэх мэт хамгийн шилдэг технологиудыг тусгаж байгаа. Жишээлбэл ашигт үйлийн коэффициент 38 хувь байх юм.


Дэлхий дахинд ашигт үйлийн коэффициентийг 1 хувиар ихэсгэхэд нүүрсхүчлийн хий 2-3 хувиар буурдаг гэсэн үзүүлэлт байдаг. Нөгөө талаар гарах үнсээ 99 хувь цементийнхээ үйлдвэрт, цементийн найрлаганд ашиглана.


Өөрөөр хэлбэл ямарваа нэгэн хаягдал гарахгүй. Байгаль орчиндоо ээлтэй цахилгаан станц болно. Мөн Дундговь аймагт шинээр томоохон аж үйлдвэрийн цогцолбор бий болох үндэс суурь тавигдаж байна. " гэв.




Н.Отгончимэг