sonin.mn
Сэтгэгдэл (10)

МОСКВА, 2026 оны долоодугаар сарын 24 /RIA Novosti/. Дэлхий дээр G1 түвшний соронзон шуурга эхэлсэн тухай Оросын ШУА-ийн Сансрын судалгааны хүрээлэнгийн Нарны одон орон судлалын лабораториос мэдээллээ. Эрдэмтдийн таамаглаж байгаагаар гео соронзон орны хэлбэлзэл долоодугаар сарын 24-ний баасан гаргийн дунд үе хүртэл үргэлжлэх төлөвтэй байна. 


Энэ удаагийн соронзон шуурга долоодугаар сард тохиож буй хоёр дахь нь бөгөөд түүний эрчим гео соронзон орны идэвхжлийн 5 баллын шаталбараар хамгийн бага буюу G1 түвшинд хүрчээ.


Нарны титмийн нүхнээс ялгарсан плазмын урсгалд Дэлхий бараг хоёр хоног өртсөний дараа соронзон шуурга эхэлсэн байна. Үүний улмаас гео соронзон орны индексүүдийн үзүүлэлт "улаан" бүс рүү шилжиж, туйлын туяа ажиглагдах магадлал мэдэгдэхүйц нэмэгдсэн байна. Өмнөх соронзон шуурга энэ сарын 4-нд болсон бөгөөд хавьгүй хүчтэй буюу G3 түвшинд хүрчээ. Ерөнхийдөө энэ зун Нарны идэвхжил харьцангуй бага байгаа бөгөөд зургаа, долоодугаар сард энэ удаагийнхыг оруулаад нийт таван удаа гео соронзон орны шуурга бүртгэгдсэн байна. Харин намар Нарны идэвхжил нэмэгдэх төлөвтэй байгааг эрдэмтэд анхааруулжээ. 



Д.Жаргал

Эх сурвалж: "Монцамэ" агентлаг