sonin.mn
Сэтгэгдэл (19)

Инфлүнсер Б.Цэцэгийн ээж нэгэн контентод оролцохдоо "Охины маань талаар худал мэдээлэл тараадагт дургүй. Биеэ үнэлэгч гэж гүтгэсэнд нь хамгийн дургүй" хэмээн ярьсан байдаг. Мэдээж ямар ч ээж охиныхоо тухай ийм хов, гүтгэлэгт дургүй байх нь мэдээж. Тэгвэл Инфлүнсер Б.Цэцэгийг биеэ үнэлэгч гэх мэдээллийг УИХ-ын гишүүн М.Нарантуяа-Нара анх гаргаж байжээ.


Тодруулбал 2021 оны 1-р сард Нара Б.Цэцэгийг Сингапурт дуудлагын биеэ үнэлэгч байсан, группэн секс хийдэг байсан гэх мэт мэдээллийг нийгмийн сүлжээнд бичсэн юм. Гэвч 1-р сарын 29-нд М.Нарантуяа буюу Нара, Б.Цэцэг нар өмгөөлөгчдийн хамт мэдээлэл хийн, эвлэрч байгаагаа зарлаж байлаа.


Энэ үеэр М.Нарантуяа-Нара: Б.Цэцэгийг гүтгэсэндээ уучлал гуйж, "Бидэнд хийж бүтээх маш их асуудал байгаа үед биенийгээ хэмлэсэн, гутаан доромжилсон үйлдлээ зогсоох ёстой гэж үзээд өнөөдөр энд ирсэн" гэж байсан бол Б.Цэцэг: "Энэ үл ойлголцол зөвхөн бидний хувьд биш, нийгэмд үзүүлж буй үлгэр дуурайлал болж бие биенээ уучилж хайрлах, ухаарах том сургамж болох болов уу гэсэн үүднээс энэхүү хурлыг зарлан, сошиал орчинд болж байгаа ташаа ойлголтыг залруулах алхмыг хийж байна." гээд өөрийнхөө машин авсан зээлийн хуулга зэргийг үзүүлж, өөрийгөө ариун цагаан хөдөлмөрөөрөө амьдардаг хүн гэж тайлбарлаж байсан юм. Гэвч муу үг модон улаатай гэдэг. Энэ залруулга хийгдсэн ч цуу яриа л олон нийтэд хүчтэй хүрсэн бөгөөд Цэцэгийн ээж одоог хүртэл эмзэглэж явдаг нь харамсалтай. Ам алдвал барьж болдоггүй гэсэн ардын үг бий. Иймээс УИХ-ын гишүүн М.Нарантуяа-Нара гэлтгүй хүн бүхэн хэлж ярих, бичих зүйлээ сайн бодож байх нь зөв юм.


Б.Намуун