sonin.mn
Сэтгэгдэл (3)

Соёл, Спорт, Аялал Жуулчлал, Залуучуудын Яамны албан ёсны цахим хуудаст яруу найрагч Ш.Гүрбазарын тухай эмгэнэл гаргахдаа О.Дашбалбар агсны шүлгийг түүний бүтээл мэтээр бичсэн алдаа гаргасан билээ. 


Соёл, Спорт, Аялал Жуулчлал, Залуучуудын Сайд, УИХ-ын гишүүн Ж.Алдаржавхлан сэтгүүлчдийн асуултад хариулахдаа: "Яг та нарын адил би тэр эмгэнэлийг харсан. Үнэхээр итгэмээргүй, итгэмээргүй шүү. "Амьддаа бие биенээ хайрла" шүлгийг дурын Монгол хүнээс асуухад хэнийх вэ гэдгийг нь мэднэ. Итгэмээргүй алдаа хийсэн. Ямар ч чадваргүй хүн байсан, тэр тусмаа сэтгүүлч хүн тэр шүлгийг мэддэг шүү дээ. Би үнэхээр гайхсан, харамссан. Өөрт нь хэлсэн. Төрийн ёслолын албанаас яаруулаад байсан учраас ингээд оруулчихсан гэсэн. Миний хувьд үнэхээр харамсмаар бөгөөд итгэмээргүй үйл явдал болсон. Би бүр гайхаад яагаад ийм юм хийчих вэ л гэсэн. Ажлаас нь чөлөөлсөн.


Баасан гарагт талийгаачийг оршуулна. Манай яамнаас комисс гараад ажиллаж байгаа. Тэр болтол олон юм яриад яах вэ.


Тийм эмгэнэл бичсэнд үнэхээр итгэхгүй, харамсаж байна. Яагаад ийм алдаа хийчих вэ гэдэгт л гайхаж байгаа. Би гадаадад байхдаа харсан. Нүдэндээ итгээгүй." хэмээсэн юм. Мөн "Та үүнтэй холбоотойгоор уучлалт гуйх уу?" гэсэн сэтгүүлчийн асуултад: "Тийм зүйлийн төлөө би юу гэж хариуцлага хүлээх вэ дээ. " гэж хариулах нь тэр.


Уучлаарай, Ж.Алдаржавхлан гэгчээ.

Тэр эмгэнэлийг та бичсэн эсэх нь хэнд ч хамаагүй. Гол нь Соёл, Спорт, Аялал Жуулчлал, Залуучуудын Яамнаас албан ёсоор л бүхий л хэлбэрээр гарч буй бүх бичиг, баримтын хариуцлагыг та л шууд болон шууд бус хэлбэрээр хариуцах ёстой гэдгийг дүүргийн засаг даргаар олон жил ажиллачихаад одоо болтол мэдээгүй байна гэдэг гутамшигтай хэрэг биш үү?



У.Увшхүү