sonin.mn
Сэтгэгдэл (19)

Хүндэт ноён Орос, Монголын найз нөхөд өө!


81 жилийн тэртээх хүн төрөлхтөний түүхэн дэх хамгийн их цус урсгасан дайн дуусаж, уг дайны үр дүнгээс бүрэн бүтэн ард түмнүүдийн оршин тогтнох асуудал хамаарав.

Манай өвөг дээдэс үүнийг бүрэн ухамсарлаж Зөвлөлтийн Эх орныг хамгаалахад бат зогссон бөгөөд Эх оронд агуу их аюул занал учирсан тэр үед зүйрлэшгүй баатарлаг гавьяа байгуулж, эр зориг, тэсвэр тэвчээр, амиа хайрлахгүй сэтгэлгээг гаргав.


Гитлерийн цэргүүд бүрэн бүтэн Франц Улсыг гучин наймхан хоногийн хугацаанд бүрэн эзэлж, өвдөг шороодуулсан бол фашистууд Сталинград хотын тулаанд мөн хугацаанд ганцхан гудамж хөндлөн гарч урагшилж чадсан нь төсөөлөхийн аргагүй юм.


Ялалтын үнэ цэн асар их байсан бөгөөд ЗХУ энэ дайнд 27 сая гаруй шилдгийн шилдэг хүнийг алдав. Энэ тоог бүрэн ухамсарлах аргагүй бөгөөд хэрэв амь үрэгдсэн хүн тутмын дурсгалын төлөө дуугүй байх нэг минутыг зарлах бол хамаг дэлхий хагас зуун жилийн хугацаанд дуугүй болно. Хүнд хэцүү он жилүүдэд манай улс орны хамгийн чин үнэнч найз нь Бүгд Найрамдах Монгол Ард Улс байв. Дайны он жилүүдэд болон дараа дараагийн олон арван жилийн хугацаанд бид монголын найз нөхдийн үзүүлсэн чин сэтгэлийн тусламжийг хэзээ ч мартаж байгаагүй.


Мөн Монгол Улсаас фронтод явсан манай нутаг нэгтэн болон БНМАУ-ын иргэд нийт таван мянга гаруй сайн дурын дайчдын дурсгал мөнх орших нь тодорхой. Тэдний дөрвөн нь ЗХУ-ын баатар цол хүртэв.


Манай өвөг дээдэс өнгөрөөд удаж байгаа Эх орны дайнд ялалт байгуулахад маш өндөр үнэ төлөв. Тэдгээрийн хүн төрөлхтөнд хийсэн нацизмын эсрэг тарилга нь мөнхийн үйлчилгээтэй гэж бид итгэж ирсэн. Харин ч эсэргээрээ болж таарав. Зөвлөлт Холбоот Улс ганц нэг бүдрэхэд Орос Улсыг шууд үгүй болгохыг хичээж эхлэв. Манай цаг үед шинэ Эх орны дайн тохиов. Орос Улс эх орны дайнд ялагдал хүлээдэггүй юм. Дээр үед нэг хүнд хоногт тавьхан грамм талхны нормтой байсан саад хоригийг тэсэж чадсан тул өнөөдөр ч хориг арга хэмжээ, дронууд амжилттай болж чадахгүй байна. Манай нөхцөлийг бүрэн хангасан дэлхийн дэг журам тогтнох болно. Үнэн бидний талд байгаа тул дайсныг бут цохиж, ялалт биднийх болно. Эрхэм найз нөхөд өө, бид бүхний хамтын баярын төлөө, ахмад дайчид болон энэ танхимд хүрэлцэн ирсэн хүн бүхний эрүүл энхийн төлөө, хүн төрөлхтөний энх тайван, аз жаргал, бидний дээгүүр тэнгэр цэлмэг байхын төлөө ерөөл дэвшүүлье.


бичвэр-н график зураг байж магадгүй