sonin.mn
Сэтгэгдэл (6)

УИХ-ын Төрийн байгуулалтын Байнгын хорооны хуралдаанаар УИХ-ын даргыг чөлөөлөх асуудлыг хэлэлцэв.


Энэ үеэр УИХ-ын гишүүн Д.Энхтуяа үг хэлэхдээ: " Улс төрийн шийдвэр гарч байна гэж та хэлсэн. Тэгвэл танай нам дотор улс төрийн шийдвэр гардаг, түүнийг дагаж мөрддөг тогтолцоо бий гэсэн үг. Харин авлигалтай тэмцэх нь бүү хэл, эвлэлдэн нэгдэж, нэг ёсны “схем” үүсгэсэн мэт сэтгэгдэл төрж байна. Харамсалтай нь энэ схемийг задлан ойлгож, уншиж ч чадахаа больсон юм биш биз.

Багадаа хүүхдүүд" айл гэр" болж тоглодог байлаа. Тэр бол зүгээр л тоглоом—дуртай үедээ нийлж, дуртай үедээ салдаг. Харин өнөөдрийн нөхцөл байдал үүнтэй төстэй харагдаж байна.


Гэвч энэ бол тоглоом биш, бодит амьдрал, улс орны хувь заяатай холбоотой асуудал юм.


Иймд энэ “схем”-ийг задалж, үнэн байдлыг ойлгох шаардлагатай байна. Нөгөө талаас “авлигал, хулгайтай эвлэрдэггүй” гэж ярьдаг ч бодит байдал дээр хэн энэ авлигал, хулгай, дээрмийг үйлдээд байна вэ гэдэг асуулт гарч ирнэ. Ард түмэн лав авлигал авч, хулгай хийж байгаа гэж бодохгүй байна. Тэгэхээр энэ бүхэн ард түмнээрээ даажигнаж, тоглож буй мэт сэтгэгдэл төрүүлж байна.

Эцэст нь хэлэхэд, ийм байдал нь Монгол Улсын хөгжилд сөргөөр нөлөөлж, цаашлаад ноцтой үр дагаварт хүргэж болзошгүй. Тиймээс энэ бүхнийг ил тод болгож, “схем”-ийг задлан ойлгох нь нэн чухал гэж үзэж байна. " гэлээ.


Б.Төгсбаясгалан