sonin.mn
Сэтгэгдэл (1)

Зэвсэгт хүчний “Алдар” спорт хорооны Үндэсний спортын албаны дарга, Улсын өсөх идэр харцага дэд хурандаа Т.Өсөх-Ирээдүй Зэвсэгт хүчний 105 жилийн ойн босгон дээр төр, түмэндээ хөдөлмөр зүтгэлээ үнэлүүлж, “Монгол Улсын Гавьяат дасгалжуулагч” хэмээх эрхэм хүндтэй цолны эзэн боллоо.


Дэд хурандаа Т.Өсөх-Ирээдүй нь Зэвсэгт хүчний эгнээнд 27 жил тасралтгүй алба хаахдаа цэргийн бие бялдрын бэлтгэлжилтийг хангах, үндэсний спортыг хөгжүүлэх үйлсэд бодитой хувь нэмэр оруулсан манай тэргүүний офицеруудын нэг юм. 


Түүний дасгалжуулсан шавь нараас Улсын арслан Б.Орхонбаяр, Улсын заан Н.Жаргалбаяр нарын тэргүүтэй Улсын арслан 1, Заан 1, Харцага 2, Начин 6 төрөн гарсан нь түүний мэргэжлийн өндөр ур чадвар, нөр их хөдөлмөрийн үр дүн билээ. Батлан хамгаалах салбарын нэр хүндийг спортын талбарт өндөрт өргөж, залуу халааг бэлтгэх үйлсэд үлгэрлэн манлайлж буй Гавьяат дасгалжуулагчдаа салбарын нийт бие бүрэлдэхүүний нэрийн өмнөөс халуун баяр хүргэж, амжилт хүсье!