sonin.mn
Сэтгэгдэл (20)

Урт тексттэй нийтлэлээ түр азнаж гэгээлэг ба гэгээлэг бус хоёр зурагт тайлбар өгчих үү? Хараал зүхлээс айхаа байгаад бичээд байгаа хэрэг шүү дээ.

 

  • Эх орноо хамгаалах шударга дайн (1), эзлэн түрэмгийлэх шударга бус дайны (2) ялгааг олж хардаггүй (ихэнхдээ тэнэг хүмүүс?);
  • эсвэл Оросоос мөнгө даалгавар авчихаад хэргээр гүтгэж үгүйсгэж хараадаг (өөр яалтай ч билээ, тэдний буруу биш, тэд ухаантай?);
  • эсвэл Монгол-Зөвлөлтийн найрамдлын мананд эргэлтгүй төөрч яваа (бас л ихэнхи нь тэнэг?) монголчуудаасаа хараал сонсох нь миний хувьд харин ч аз юм.

 

Хүнд тоогдох нийтлэл бичиж байна гэдэг чинь уран бүтээлчийн сэтгэлийн таашаал гэж би үздэг дээ!


Зураг ба тайлбар №1. Найрамдлын Эрдэнэт хот. Орос хүү балкон дээрээ таашаалтай инээмсэглэн байна. Энэ бол бяцхан Зеленский мөн гэсэн пост явж байсныг би шууд хуулбарлаад энд оруулсан тул анхны автор нь өршөөж үзээрэй. Мөн гэж би үнэмшээд, сүсэглээд, бүр олзуурхаад бичиж байна. Гэм нь орос биш, украин ч биш, зөвлөлтийн еврей айлын еврей хүү байжээ.


Эрдэнэтэд лав 4-5 жил болсон, “А” үсэг заалган Эрдэнэтийн орос дунд сургуульд суралцаж байгаад Зөвлөлт Украин руугаа буцсан. Харин аав нь манай социалист бүтээн байгуулалтад оролцон олон жил Эрдэнэт үйлдвэрт ажилласан байгаа юм.


Манай “Найрамдал” медалиар энгэр цоолчоогүй байгаа даа? Учир нь зөвлөлтийн мэргэжилтнийг харамгүй шагнадаг байсан сайхан цаг шүү дээ. Энэ хөвгүүний зураг оруулсных өнөөх хараал урсгагчдаас асуух юм байнаа! Зөвлөлтийн мэргэжилтний зөвлөлт хүү өсөж томроод нацист болчихдог ямар ёсон бэ? Та нарын хараалд тэгж үздэг! Эх орныхоо тусгаар тогтнол, нутаг дэвсгэрийнхээ бүрэн бүтэн байдал, ард түмнийхээ эв нэгдэл, эрх чөлөөний төлөө Эх орны ариун дайныг удирдан явуулсныхаа төлөө энэ хөөрхөн зөвлөлт хүү нацист болчихдог ямар учир байна вэ? Монголын Төр өнөөдрийг хүртэл Украиныг нацист гэж үзээгүй. Бүр 2022 оны Оросын эзлэн түрэмгийлэх дайн эхлээд нэн удаагүй байхад Монголын Төр Украины ард түмэнд хүмүүнлэгийн тусламжийн гараа сунгасныг хараалчид мэдэх үү? ОХУ-д биш шүү! 


Зураг ба тайлбар №2. Энэ мэдээж бодит байдал биш. Оросын дайны мөн чанарыг илчилсэн, ОХУ ба Путинд дайны гэмт хэрэг тохсон зохиомол медаль. Медалийг зохиомжлон зурсан нөхөр нь орос хүн гэж английн хэвлэлд бичжээ. Бараг тийм ч байх.


Путин энэ дайныг өдөөхдөө Орос орноо, Оросын олон үндэстний ард түмнээ ёстой ёроолгүй ангал руу нь унагаж байна гэдгийг энэ медаль шууд илэрхийлжээ. Харьков муж, Харьков хот 80% орос үндэстнүүд. Орос үндэстэн шигүү суурьшсан нутаг.


Гэтэл Оросын армийг тэд баярлан угтаагүй, чөлөөлөлт ирлээ гэж хүлээн аваагүй, эсэргүүцэн байлдсаар, тэссээр, бутцохисоор өнөө хүрчээ. Украины нэг жижиг хотыг чөлөөллөө гэж Путинд гурван ч удаа рапортлоод, баахан цогцос овоолж хаячихаад байж байгаа царай нь энэ медаль юм биш үү!?

 



Зураач Тодын Отгонбаяр (Лондон зураач)   

2026.01.18