sonin.mn
Сэтгэгдэл (5)

Унгарын Ерөнхий сайд Виктор Орбан мөнгө модноос ургадаггүй гэдгийг онцолж, Украины зүгээс Европын Холбооноос хүсэж буй 800 тэрбум долларыг Европын улс орнуудын төсвөөс гаргах шаардлагатай гэж мэдэгдэв.


“Харамсалтай нь мөнгө модноос ургадаггүй, тэр дундаа 800 тэрбум доллар ч гэсэн. Энэ нь ирэх 10 жилд Украинчууд Европчуудаас нэхэж буй дүн. Унгарт бол энэ нь 9 тэрбум доллараас дээш л бол санхүүгийн дарамт үүсгэнэ. Харин Брюссель хаанаас энэ мөнгө гарах ёстой гэж тооцоолсон бэ?” гэж Орбан X (хуучин Twitter) хуудсандаа бичжээ.


Тэрээр Унгар Украин улсыг санхүүжүүлэхгүй, ингэснээр Европын Холбооны удирдагчдын Украины дайн үргэлжлүүлэх зорилгыг дэмжихгүй гэдгээ илэрхийлсэн байна. “Бид Брюсселийн цэргийн төлөвлөгөөнд үгүй гэж хэлж байна” гэж тэрээр мэдэгдэж, бүх хүнд Европын Холбооны хэрэг эрхлэх сайд Жанош Бокагийн бэлтгэсэн тайланг нягтлан үзэхийг уриалжээ.



Н.Отгончимэг


Эх сурвалж: tass.com