sonin.mn
Сэтгэгдэл (14)

Би энэ удаа олон юм бичих гэсэнгүй. Ердөө хоёрхон зураг харуулж ганц хоёр өгүүлбэрээр тайлбарлая. 


Энэ ер нь эвгүйтлээ. Шашны хүчирхийлэл, шашны эрүү шүүлтээр бараг 100 сая хүн ардыг хатуу захирсан дэглэм нурж байна. Тэмцэл хөдөлгөөн 10 дахь өдөр дээрээ ирлээ. Зогсох шинж алга. Аятолла босогчдыг цус урсган дарах хатуу тушаал өгсөн. Бас АНУ, Израиль руу пуужин харвахыг тушаасан.


Арми, цагдаа, нөгөө лут корпус нь тушаалыг нь биелүүлж байгаа эсэх нь эргэлзээтэй. “№ 2 төлөвлөгөө” гэдэг нь ил болжээ. Тэр ОХУ руу дүрвэх. Ганцаараа биш, нэлээд олуулаа явах бололтой. “№2 төлөвлөгөө” хэрэгжих нөхцөл нь тун эвгүй.


Босогчдыг цус урсган дарах хатуу тушаал хэрэгжихгүй бол, хотуудад аятолла, шашны том толгой лам нар хяналтаа алдвал дүрвэнэ гэсэн “болзол”-той. Харин тэр болзол нь өнөө маргаашгүй дээрээ тулсан байна. Москва руу зугтах нь ч бараг оройтсон байж магадгүй. Бослого хувьсгал болж хувирлаа шүү дээ.


ИРАНЫ ХУВЬСГАЛ!


Нэмэлт тайлбар. Коммунизмын нийслэл гэгдэж асан Москва хот маань улс төрийн элдэв дүрвэгсдээр дүүрлээ. Инээдэм ч юм шиг, эсвэл ханиадам уу? Бүр эмгэнэл үү? Миний мэдэхээс Киргизийн хоёрын хоёр Ерөнхийлөгч, Украины Ерөнхийлөгч, Ерөнхий сайд аснууд, Сирийн Ерөнхийлөгч асан, амжсансан бол Мадуро гэргийтэйгээ Москвад, одоо энэ аятолла.


Бас нэг тайлбар. Венесуэлтэй холбогдуулаад монголчууд Трамп, АНУ-ыг их зүхэж байх шиг. Тусгаар тогтносон, бүрэн эрхт, НҮБ-ын гишүүн улсын Төрийн тэргүүнийг тэглээ, ингэлээ. Хөөе монголчуудаа, 1984 онд Бал даргыг маань яг ийм аргаар зөвлөлтүүд Москвад аваад явчихсан юм шүү.


Хулгайлж биш, хуурч аваачсан. 1952 онд Өрлөг жанжныг маань Москвад хуурч аваачаад мэс заслын аргаар алчихсан. Тэр үед Болгар, Польш, Чехословак, Унгарын удирдагчдыг бүгдийг нь Москвад аваачиж үхүүлсэн байдаг юм билээ. 1956 онд Унгарын (И.Надь), 1968 онд Чехословакийн (А.Дубчек) удирдагчдыг зөвлөлтийн спецназ Москва руу баривчлаад аваад явсан байдаг даа. АНУ нь тусгаар тогтносон, бүрэн эрхт, НҮБ-ын гишүүн хоёр улсын Төрийн тэргүүнийг АНУ-д аваачиж шүүжээ. Алсангүй.


Тэгвэл ах Зөвлөлт маань тусгаар тогтносон, бүрэн эрхт, НҮБ-ын гишүүн Афганистаны хоёрын хоёр Төрийн тэргүүнийг (М.Дауд-1978, Х.Амин-1979) гэр бүлээр нь хүйс тэмтэрч байгаад Коммунист Афганистаныг байгуулахыг зорьсон. Арваад жил байлдсан шүү дээ.


Хэрэгцээ нь дууслаа гэсэн шиг Бабрак Кармалийг нь Москвад аваачиж гэрийн хорионд хийж байв даа. АНУ-д “Дельта”, Зөвлөлт ба Орост “Альфа”, хоёулаа гадны төрийн зүтгэлтнийг хулгайлдаг, алдаг отряд байна. Ялгаа байна уу? Трамп руу давшилж буй нөхдөд түүх сануулж байна. Монгол уншигч Та өөрийнхөө өнцгөөс хоёр зурагт хандана уу. Харьцуул, сайтар хар, тэгээд сэтгэгдлээ бичнэ үү!



Зураач Тодын Отгонбаяр (Лондон зураач)                                                 

2026.01.07. London