Хятадын Төрийн зөвлөлийн хэвлэлийн алба өнөөдөр /11.27/-нд “Шинэ эрин үеийн Хятадын цэргийн хяналт, зэвсэг хорогдуулах болон түгээн дэлгэрүүлэхээс сэргийлэх” цагаан номыг нийтэлжээ.

Цагаан номд тэмдэглэхдээ, шинэ эрин үед Ши Жиньпиний шинэ эриний Хятадын онцлогтой социалист үзэл санааны удирдлага дор, Хятад маягийн орчин үеийн шинэчлэлийг Хятад улс тууштай урагшлуулж, улмаар олон улсын хамтын нийгмийн дуу хоолойг дагаж мөрдөн, дэлхийн хөгжил, аюулгүй байдал, соёл иргэншил, засаглалын дөрвөн том санаачилгыг тууштай хэрэгжүүлж, хүн төрөлхтний хувь заяаны цогц нэгдлийг байгуулахыг ахиулсаар байна. Хятад улс олон улсын цэргийн хяналт, зэвсэг хорогдуулах болон түгээн дэлгэрүүлэхээс сэргийлэх үйл явцад бүтээлчээр оролцож, Хятадын санаачилга, Хятадын шийдлийг идэвхтэй хуваалцаж, олон улсын аюулгүй байдлын орчныг сайжруулах, аюулгүй байдлын хамтын ажиллагааг гүнзгийрүүлэх, дэлхийн аюулгүй байдлын засаглалыг төгөлдөржүүлэхэд хүч төрөн ажиллаж байна.

Энэхүү цагаан ном нь таван хэсгээс бүрдэх бөгөөд олон улсын аюулгүй байдал ба цэргийн хяналтын нөхцөл байдал, Хятадын цэргийн хяналтын бодлогын байр суурь, олон улсын цэргийн хяналтын үйл явцад оролцох байдал, сансар судлалын сүлжээ, хиймэл оюун ухаан зэрэг шинээр гарч ирж буй салбаруудын засаглал, мөн цөмийн зэвсгийг түгээн дэлгэрүүлэхгүй байх болон технологийг энх тайвны зорилгоор ашиглах хамтын ажиллагааг бэхжүүлэх зэрэг асуудлыг хамарсан байна.

Цагаан номд онцлон тэмдэглэхдээ, Хятад улс НҮБ-аар цөм болгосон олон улсын цэргийн хяналтын тогтолцоог тууштай хамгаалж, холбогдох гэрээ хэлэлцээрийг нухацтай биелүүлж, өргөн хүрээний нийтлэг ойлголтод хүрсэн шинэ салбаруудын засаглалын тогтолцоог бий болгохыг дэмжиж, улмаар хөгжиж буй орнуудын төлөөлөх чанар болон дуу хоолойг нэмэгдүүлэхэд анхаарч ажиллана. Түүнчлэн цаашид цөмийн зэвсгийг түгээн дэлгэрүүлэхээс сэргийлэх чадавхыг бэхжүүлж, технологийг энхийн зорилгоор ашиглах хамтын ажиллагааг ахиулж, дэлхийн энх тайван, тогтвортой, аюулгүй байдлын төлөө тууштай хүчин зүтгэл үзүүлэх болно гэжээ.