sonin.mn
Сэтгэгдэл (34)

Монголын хүний төлөө намаас шударга ёсны төлөө эвлэлдэн нэгдэхийг уриалж, мэдээлэл хийлээ.

Энэ үеэр Монголын хүний төлөө намын Дарга Х.Бат-Ялалт: "Сонгууль ойртсонтой холбоотойгоор энд тэнд эвлэлдэн нэгдэх уриалгууд их явж байна. Та бүхэн харж байгаа байх. Хамгийн гол нь юун дээр эвлэлдэн нэгдэх вэ? гэдэг тодорхой шийдэл алга. Бид эрх баригчид биш учраас өнөөдөр хуулийг өөрчилж чадахгүй. Гэхдээ хүн бүр өөрийн чадах бүхнээ хийх хэрэгтэй. Сонгуульд саналаа өгөх хэрэгтэй. Ялангуяа залуучууд саналаа өгөх хэрэгтэй. Хариуцлагатай өгөх хэрэгтэй. Бүгдээрээ чимээгүй суугаад байх уу? Эвлэлдэн нэгдэх үү?



2008 оны 7-р сарын 01-нд 5 хүнийг буудаж алаад хүмүүсийн зоригийг мохоочихсон гэж бодоод байх шиг байна. Одоо ард түмэн хөдөлбөл зохион байгуулалттайгаар, эцсээ хүртэл хөдлөнө шүү. 



Монголын хүний төлөө намын зүгээс бусад намуудад хандаж уриалга гаргаж байна. Энд тэнд эвсэл байгуулах тухай яриад байна. Гэхдээ зөвхөн сонгууль бодож, сонгуульд ялна гэж эвсэл байгуулах гээд байна. Монголынхоо төлөө эвсэл байгуулья. Сонгуульд ялсан ч, ялагдсан ч монголын ард түмэн хождог эвслийн төлөө бүгдээрээ явцгаая. Сонгуулийн хувьсгал хийцгээе. Тайван замаар төрийн эрх мэдлийг шилжүүлэх ганц кампанит ажил бол сонгууль. Сонгуулиа сайн хийж чадахгүй байгаагаасаа болоод л бид нар хувьсгал хийх талаар яриад байгаа шүү дээ. Хувьсгал гэдэг бол хамгийн муу хувилбар. Хүний амь насны талаар ярьж байгаа гэдгээ зарим хүмүүс ухамсарлах хэрэгтэй. Мөн бид Монгол улсын Ерөнхийлөгчид хандаж шаардлага хүргүүлж байгаа. Ерөнхийлөгч бол Үндэсний эв нэгдлийг илэрхийлэгч байдаг.



Өнөөдөр сонгуулийн дараа ямар ч эвгүй байдал үүсэхийг бид тааж мэдэхгүй. 2008 оны 7-р сарын 01 бол бие халаалт гэж зарим хүмүүс ярьж байна.



Тийм учраас Монгол Улсын Ерөнхийлөгч, түүний удирдаж байгаа ҮАБЗ бол нийгмийн олон талт бүлэг, хэсгүүдийг хооронд нь зөвшилцөлд хүргэж байх ёстой. Энэ ажлаа сайн хийгээчээ гэдэг шаардлагыг Ерөнхийлөгчид хүргүүлж байгаа. " гэв.



М.Чой