sonin.mn
Сэтгэгдэл (18)

Барууны орнууд дэлхий нийтийг ноёрхох оролдлого хийсний үр дүнд өнөөдөр олон туйлт дэлхийн дэг журам тогтсон гэж ОХУ-ын Ерөнхийлөгч Владимир Путин Валдай форумын бүгд хуралдааны үеэр мэдэгдэв. Тэрээр дэлхий өөрчлөгдөж буй энэ цаг үед Оросын зэвсэгт хүчний амжилт, Киевийн талын хохирлыг тодорхой тайлбарлаж, Европын улс төрийн элитүүдийг Оросын эсрэг хийрхлээ зогсоож өөрийн орны асуудалд анхаарахыг уриалсан бол АНУ-ын шинэ захиргааны олон улсын асуудалд хандах прагматик байр суурийг үнэлэв.


TASS агентлаг түүний гол байр суурийг нэгтгэн хүргэж байна.


Шинэ дэлхий ба урьдчилан тогтоогдсон зүйлсийн үгүйсгэл


Өнөөгийн огцом өөрчлөлттэй дэлхийн орчинд хэн ч аливаа зүйл урьдчилан тогтоогдсон мэт аашилж болохгүй, аливаа улс орны үйл ажиллагаа хариуцлагатай, бодлоготой байх нь чухал гэж Путин онцоллоо.


Олон туйлт дэлхий аль хэдийнэ бүрэлдсэн бөгөөд бүх улс ашиг сонирхлын нийцлийг эрэлхийлэх ёстой. “Гадаадаас тогтоосон дүрмээр тоглохыг хэн ч хүсэхгүй байна.”


BRICS, ШХАБ зэрэг шинэ байгууллагууд нь “21-р зууны дипломат ёсны уур амьсгалаар” хөгжиж буйг тэмдэглэж, тэдгээр нь “хэний ч эсрэг бус, өөрсдийнхөө төлөө” гэж тодотгов.


Барууны ноёрхлын уналт ба “Оросын аюул” гэсэн мантра


АНУ болон түүний холбоотнуудын хүч 20-р зууны төгсгөлд оргилдоо хүрсэн ч дэлхийг бүхэлд нь удирдах хүч хэзээ ч байхгүй гэж Путин мэдэгдэв. Европын улс төрчид дотоодын хямралаа нөхөхийн тулд Оросыг дайсан мэтээр дүрслэх гэж буйг тэр шүүмжилж, “Европын элитүүд Оросууд яг хаалган дээр нь ирчихлээ гэж хийрхэж байна. Энэ бол цэвэр утгагүй зүйл” хэмээн тодорхойлов. Европын цэрэгжүүлэлт эрчимжиж буйг Москва анхааралтай ажиглаж байгаа бөгөөд Оросын хариу арга хэмжээ “удахгүй гарна” гэв.


Украйны мөргөлдөөн


Хариуцлага нь олонхийнх бус, харин цөөнхийнх. Нэн түрүүнд Европ өдөөн хатгаж байгаа тул мөргөлдөөн тасралтгүй хурцдаж байна гэж Путин хэлэв. Баруун болон “Киев дэх зарц нар нь” Украины ард түмнийг хэрэглэгдэх материал мэт хандаж байна.


Оросын арми фронтын дагуу буфер бүс байгуулах ажлыг “тогтвортой, төлөвлөгөөний дагуу” хийж байгаа гэж мэдэгдэв.


Тэрээр Оросын арми өнөөдөр “хамгийн байлдааны чадавхтай арми” болсон бөгөөд хохирол амссан ч Украины армийн хохирлоос хавьгүй бага гэж онцоллоо.2025 оны есдүгээр сард Украйны тал фронтын шугамд 44,700 цэргийн хүчээ алдаж, үүний тал нь нөхөгдөшгүй хохирол гэж мэдээлэв. Мөн нэгдүгээр сараас наймдугаар сар хүртэл нийт 150,000 цэрэг дезертирдсан гэж тэр нэмж дурдлаа. Кремль Киевийг хэлэлцээний ширээний ард суух тэнхээ гаргана гэж найдаж байна.


АНУ-тай харилцаа


Орос ба АНУ олон асуудалд үзэл бодлын зөрүүтэй ч энэ нь их гүрнүүдэд “энгийн үзэгдэл” гэж Путин тэмдэглэв. “Хэрэв харилцан хүндэтгэлтэй хандвал хатуу, ширүүн маргаан байсан ч эцэстээ зөвшилцөлд хүрэх боломжтой” хэмээн тэр онцоллоо. АНУ-ын одоогийн захиргаа өөрийн ашиг сонирхлыг ил тод хэлж буй нь “бүлэг бүлгээр тааварлаж суухаас дээр” гэж үнэлэв. АНУ-ын Ерөнхийлөгч Дональд Трампыг “тав тухтай яриа өрнүүлэгч” хэмээн нэрлэж, түүний Газар дундын тэнгисийн мөргөлдөөнийг хоёр улс байгуулах замаар шийдвэрлэх саналд дэмжлэг үзүүлэхэд бэлэн гэдгээ илэрхийлэв. Трампын “Орос бол цаасан бар” гэсэн үгийг Путин ёжтой маягаар хэлсэн байх гэж үзэв.




М.Чой

Эх сурвалж: Tass.com