sonin.mn
Сэтгэгдэл (11)

Украины Ерөнхийлөгч Владимир Зеленский хоригийн бодлогын асуудлаар хурал хийж, Оросын эсрэг шинэ хориг арга хэмжээг бэлдэж, тэдгээрийг олон улсын түншүүдтэй уялдуулан хэрэгжүүлэхээ мэдэгдлээ.


Түүний хэлснээр, 9 дүгээр сард Украина таван багц хоригийг хэрэгжүүлсэн бөгөөд эдгээр нь Оросын цэргийн аж үйлдвэрийн салбар, “сүүдрийн флот”, эрчим хүчний салбар, мөн пропагандистууд, Молдоваас ирсэн Оросын дэмжигчид, Крым дахь коллабораци хийж буй хүмүүсийг хамарчээ.


Нийтдээ 166 хувь хүн ба 127 аж ахуйн нэгж хоригт хамрагдсан байна. Зеленский хэлэхдээ, энэ сард АНУ, Их Британи, Канад, Япон, Австрали, Шинэ Зеланд улс адилхан алхам хийсэн бөгөөд тэдний шийдвэрт Киевийн санал тусгагдсан гэв.


Тэрээр 19 дүгээр хоригийн багцыг аль болох хурдан батлахын ач холбогдлыг онцолж, одоо хүчин төгөлдөр хэрэгжиж буй хоригийг сунгах бэлтгэлийг хийх үүрэг өгсөн байна.


“Хамгийн гол нь шахалт үнэхээр үр дүнтэй байх ёстой. Гадаад харилцааны яам болон бусад төрийн байгууллагууд энэ ажлыг түргэн шуурхай дэмжиж ажиллахыг хүлээж байна” гэж тэрбээр тэмдэглэжээ.



Н.Отгончимэг

Эх сурвалж: minval.az