sonin.mn
Сэтгэгдэл (1)

АН-ын дарга, УИХ-ын гишүүн, сайд асан С.Эрдэнэ Монгол Улсаас АНУ-ын Чикаго хотод суух дэд консулын ажиллаж буй билээ. Энэ нь Гадаад харилцааны яамнаас шууд томилдог, дипломат алба юм. Харамсалтай нь хууль тогтоох байгууллагад хүртэл ажиллаж байсан С.Эрдэнэ Монгол Улсын хуулийг маш бүдүүлгээр зөрчсөн байж мэдэх үйлдэл хийв.


Тэрээр амралтаар Монголд ирээд байх хугацаандаа Ц.Элбэгдоржийн хувийн сайтад намынхныгаа муулсан ярилцлага өгсөн төдийгүй өнөөдөр Ардчилсан Хүчний Холбоо гэгчийн хурлыг Төрийн ордонд зохион байгуулж, АН-ын дотоод зохион байгуулалттай холбоотой асуудлаар байр сууриа илэрхийлж байх юм.


Монгол Улсын Дипломат албаны тухай хуулийн 11 дүгээр зүйлийн 2-д дипломат алба хаах хугацаандаа улс төрийн аливаа нам, хөдөлгөөний гишүүн байх, үйл ажиллагаанд нь аль нэг хэлбэрээр оролцохоос түдгэлзэх; 3-д хэвлэл, мэдээллийн хэрэгслээр Монгол Улсын төр, засгийн бодлоготой холбогдсон асуудлаар зөвхөн албан ёсны дүгнэлт, байр суурийг илэрхийлэх; гэсэн байдаг ажээ.



Б.Мишээл